تسلم ايدك يا a7med_pharma البلد بقى وضعها مقزز فى كل حاجة وفعلا من سىء الى اسوء الى ان يشاء الله برحمته
و بالنسبة للجنسية مستعد اخد اى جنسية تانية او اعيش فى اى دولة تانية بيحترموا فيها البنى ادم
عرض للطباعة
تسلم ايدك يا a7med_pharma البلد بقى وضعها مقزز فى كل حاجة وفعلا من سىء الى اسوء الى ان يشاء الله برحمته
و بالنسبة للجنسية مستعد اخد اى جنسية تانية او اعيش فى اى دولة تانية بيحترموا فيها البنى ادم
جنسيتي مسلم
تصدقوا ياشباب
لو على الأكل والشرب...سهلة
لكن بجد الحاجة الوحيدة إلي مطهقاني من البلد بإلي فيها
سلوكيات الأفراد إلي صعب تتصلح
سلوكيات المسؤلين:
أنا مش متخيل إزاي محافظ أو مسؤل قاعد في بيته مأنتخ وبيسمع المسلسل بتاع الساعة 8
وعنده في محافظته ناس عايشين في مجاري ..وناس عايشين وسط الزبالة ومش لاقيه تاكل
سلوكيات المسؤلين:
أنا مش متخيل إزاي ظابط شرطة بياخد إبنه بين إيديه ويبوسه على خده
وهوا في نفس الوقت بيضرب الناس بالجزم والشلاليت ومنتهى قلة الإحترام على الناس العادية
وإزاي بيتصور إنه فوق البشر لمجرد إنه فرد أمن(المفروض فيه إنه بيحمي الناس ويخدمها)
سلوكيات المسؤلين:
إزاي الفاضل وزير الخارجية وكل الجهات المعنية ..ياكلوا ويشربوا ويناموا قريري العين
والأطباء المصريين بيتجلدوا في السعودية....ومذبحة السودان..وفضيحة العراف...ومأسأة لبنان..وعار أمانيا
وإنتوا عارفين إن أي بلد بتحترم أولادها ...كان ممكن تهدد بالحرب..علشان ده إعتداء سافر على أولادها(سواء جوه البلد أو براها)
سلوكيات المسؤلين:
المسؤل إلي كان المفروض بيه إنجاح مشروع الفوسفات
تخيلوا
13 ألف مليون جنيه مصري(13 مليار) راحوا على مشروع الفوسفات
والناتج بتاعه صفر
ومشروع توشكى
......إلخ
سلوكيات المسؤلين:
الامبالاة الواضحة عند الموظف..ودي حاجة للأسف نتيحة لظروفه المعيشية الصعبة
أنا متخيل الموظف بيقول بينه وبين نفسه:" يـ%$^$%&$&& البلد دي ..عن $#%#$^#$ مصالح الناس ماخلصت"
سلوكيات المسؤلين:
المسؤل المحترم إلي وافق على مد الغاز لليهود بسعر التكلفة.....وحسبي الله ونعم الوكيل ألف مرة
وكتير ...وكتير تاااااااااااااني
هى المشكلة مش اكل وشرب بس زى محضرتك قولت بس قى نفس الوقت ناس تانية بتموت من الجوع لا تسطيع ان تجد قوت يومها
اذا اتهنت فى اى مكان خارج البلاد فالرد الوحيد هو ان ( مصر ام الدنيا )
بخلاف الاهانات فى الداخل من زوى اصحاب السلاطات
وجود فرص العمل ميسرة جدا عند التقديم c.v يكون الرد هو ( اتفضل واحنا هنبعتلك )
بخلاف الزيادة الاسعار المستمر لية الد بيكون ( كل شئ بيغلى اشمعنى دى )
وكثيرااااااااااااااااااا
معظمنا بيحب البلد بس بيحبها ليه الله اعلم.....بس مش حابب يعد فيها من اللي بيحصل فيها
دائما الانسان يفتخر بجنسية البلد التى لها اعتبار ووجود بين دول العالم فتجد مثلا بريطانيا تاتى على راس الدول الاوروبية لانها دولة متقدمة حضاريا وسلوكيا وتكنولوجيا وعسكريا........................الخ
المواطن له كرامة داخل بلده ويشعر بان حقوقه مكفولة من قبل دولته ولايمكن يتعرض للظلم وهناك قضاء مستقل وعادل يمكن ان ياخذ حقوقه لو سلبت حتى ولو من رئيس وزراء بريطانيا نفسه شخصيا (انعدام نظريا انت عارف بتكلم مين وانا ابن مين وحتروح وراء الشمس وكل المصطلحات المنتشرة فى بلدنا الجميلة)
سلوك حضارى رائع من قبل كل افراد الشعب فى كافة انواع المعاملات منذ ان تخرج من بيتك ومرورا بالشارع والعمل والحديقة والمرور .............الخ حتى تعود وانت هادئ النفس سعيد مقبل على الحياة الى بيتك الجميل الهادئ
حرص شديد من قبل الحكومة على كل كائن حى يحمل جواز السفر البريطانى داخل وخارج بلده وحتى لو صار عاطل وموش لاقى شغل يصرف ليه اعانة بطالة مبلغ فى حدود 3000 الى 4000 جنيه مصرى تقريبا
بالتالى لابد ان يفتخر ويشعر المرء بالكرامة والعزة كونه ينتمى الى هذا البلد العظيم
اما نحن للاسف يمكن ان يطلق علينا مواطنين بالانتساب فقط ولاتربطنا بمصر الا خانة الجنسية فى جواز السفر
والخطا متبادل من كل من الحكومة التى نفضت يديها من الشعب الذى فقد الامل ولم يحافظ على كرامة بعضه البعض وهو اضعف الايمان فى حالة هذه الفوضى السياسية والحضارية التى نعيشها لان الغالبية يفتقد الى ثقافة المواطنة وحب الوطن والتى كان يجب ان تظهر فى هذه الحالة اتخفف من حدة الوضع السئ الذى نعيشه ولكن للاسف الانانية الشديدة وحب النفس وانعدام الاخلاق والدين افرغ هذا المجتمع الذى اصبح اقرب الى مجتمع الغابة القاءم على الافتراس واستغلال القوة والنفوذ بدون حق وانعدام فرص العدل والمساواة ..........الخ
لك الله يا مصر لك الله
والان بعد كل ذلك من يفتخر انه مصرى ؟
فقط ابناء الطبقة الاستغلالية التى ظهرت على سطح المجتمع نتيجة هذه الظروف ككممثل او ممثلة او راقصة او لاعب كرة او صاحب بيت دعارة(اسف اقصد شركة سياحة)او رجل اعمال متظبط وامورة ماشية زى الفل ..........الخ
غير كده لا اعتقد بانه ممكن يفتخر انه مصرى شخص غير هؤلاء
طب انا لما عملت الموضوع مقولتش ان كل واحد يعرض وخالف التانى لكن ياريت كل واحد يتكلم عن نفسه وبدون خلافات وتعصب
اللى فهمته ان اغلب مشاكل اللى فى مصر سياسية يعنى مشاكل لها حل
طب بلاش عيوب البلد منقول مميزتها ومحدش يقول مفيهاش اعتقد ان الدنيا مسودة فى عينة
احنا ناس نعتبر مرفاهين والحمد لله ونقول كدا طب لو قعدت مع الكادحيين هتقول ايه
لو كل واحد قال فيها وفيها وفيها يبقي خلاص بقي الكل يطفش منها
طب اللى متدايق ميحاول يغير مكانه يغير محافظته ومتقوليش كل الاماكن زى بعض مستحيل
ده النبي عليه الصلاة والسلام
هاجر من بلدة عشان ظلم الناس اللى فيها وساب بيته واولاده واهله وكان بيحبها جدا جدا وكان بيقول
يعلم الله انكى احب البلاد الى قلبي ولو ان قومك اخرجوني منك ما خرجت
للاسف احنا اللى بنعمل كدا فى بعض احنا اللى فينا كل العيوب ديه مش البلد
كل مشاكل تتلخص فى قلة الدين لدى الافراد والانانية وعدم وجود شي اسمة مصلحة عامة
اخى الكريم الموضوع اساسا عن كونك تفتخر انك مصرى ولا لا وليس نقض البلد ومافيها من عيوب اساسا ووجود عيوب وكذلك ذكرها بشكل مجمل او تفصيلى هو سبب عدم ان يفتخر الانسان بجنسيته
ثانيا المشاكل الموجودة هى اخطاء متبادلة من كل من الشعب والحكومة واكاد اجزم بان عيوب الشعب تمثل العامل الاكبر ومن اعمالكم سلط عليكم
واخيرا انا طفشت وسيبت البلد لما فشلت فى التعايش فى هذا الوضع الغير المقبول بالنسبة لى على الاقل
طب ليه بنبقي ايد وحدة فى مواقف غريبة زى متش كورة .ازمة الجزائر.نكبة الخروج من كاس العالم
ساعتها الوطنية بتحل علينا بس
طب منكمل بقي مع بعض بنفس الحب ده يااااااااااااااااااه
لو الشباب اللى بيطلع يعمل مهرجنات فى الشارع بعد ماتش كورة بنفس الروح ديه فى شغل او عمل وطني
كنا بقينا احسن الناس