استشارة طبية عاجلة بخصوص الجراحة و الأوعية الدموية

سلام عليكم

اخويا الصغير (19 سنة) رجلة اليمين دخلت في لوح إزاز وحصل فيها قطع بالعرض حوالي 8 سم من عند قصبة الرجل في النص الأسفل الأمامي منها

والمشكلة ان حصل قطع للشريان الأمامي :(

خدتة وروحنا جري علي الطوارئ انهاردة حوالي الساعة 4 الفجر ودخلت معاة اوضة العمليات واللي حصل بالظبط انهم خيطو الشريان قفلوة خالص علشان يوقفو النزيف وسابوة شوية لحد ما اتأكدو ان النزيف توقف

وبعد كدة ابتدو يخيطو الجرح الخارجي خد حوالي 8 غرز

انا قلقان جدا مش عارف اعمل اية وهل قفل الشريان بشكل نهائي كدة دة مفيهوش ضرر ؟

ولا المفروض يتعمل عملية ويتم توصيلة مرة تانية ؟

انا مش عارف اسأل علي اية تاني لأن اعصابي تعبت بصراحة ساعتها خدنا الموضوع جري جري علشان نلحق النزيف بس بعد ما خلصنا وابتديت افكر اية اللي ممكن يحصل قلقت جدا

معذرة للأطالة وارجو الأفادة

شكرا

الف سلامة
لازم طبعا نبض شرايين الرجل تتفحص كويس
ممكن تعمله دوبلكس عشان تتأكد
وبعد كده تعمله صورة دم وتشوف نسبة الهيموجلوبين والبروثرومبين كام ولو محتاج دم او بلازما

اقتباس:

---

المشاركة الأصلية كتبت بواسطة tabeb

الف سلامة
لازم طبعا نبض شرايين الرجل تتفحص كويس
ممكن تعمله دوبلكس عشان تتأكد
وبعد كده تعمله صورة دم وتشوف نسبة الهيموجلوبين والبروثرومبين كام ولو محتاج دم او بلازما

---

الله يسلمك

هو الموضوع كان اتعمل من الفجر ومحصلش ورم ومفييش تغيير في لون الجلد والنبض مظبوط الحمد لله

معليش مش فاهم يعني اية دوبلكس؟

ان شاء الله خير ..... و توجه لجراح اوعية دموية فورا عشان يطمئن على رجله

و على حد علمي ان ده مش الشريان الوحيد اللي بيغذي الرجل و الا اكيد ماكانوش خيطوه قفلوه

اقتباس:

---

المشاركة الأصلية كتبت بواسطة pro_samir

الله يسلمك

هو الموضوع كان اتعمل من الفجر ومحصلش ورم ومفييش تغيير في لون الجلد والنبض مظبوط الحمد لله

معليش مش فاهم يعني اية دوبلكس؟

---

الدوبلكس ده نوع من انواع الاشعات التشخيصية

اقتباس:

---

المشاركة الأصلية كتبت بواسطة أحمد كمال

الدوبلكس ده نوع من انواع الاشعات التشخيصية

---

تمام

هشوف حد اكيد انهاردة ان شاء الله متخصص جراحة اوعية دموية

وشكرا يا جميل لاتصالك

اقتباس:

---

المشاركة الأصلية كتبت بواسطة pro_samir

الله يسلمك

هو الموضوع كان اتعمل من الفجر ومحصلش ورم ومفييش تغيير في لون الجلد والنبض مظبوط الحمد لله

معليش مش فاهم يعني اية دوبلكس؟

---

زي ما قالك ابو كمال كده ده جهاز بيمشي علي مسار الشرايين والاوردة عشان نشوف اي خلل فيهم وانصحك تسرع بيه وان شاء الله خير

اقتباس:

---

المشاركة الأصلية كتبت بواسطة tabeb

زي ما قالك ابو كمال كده ده جهاز بيمشي علي مسار الشرايين والاوردة عشان نشوف اي خلل فيهم وانصحك تسرع بيه وان شاء الله خير

---

جزاك الله خيرا

بدور دلوقتي علي دكتور متخصص في طنطا ولو ملاقيتش هنزل القاهرة انهاردة ان شاء الله

الحمد لله لاقيت دكتور كويس في طنطا وهنروحلة علي الساعة 4 ان شاء الله

جزاكم الله خيرا

لو تقدر تعمل الدوبلكس و تروح للدكتور بيه يبقى احسن بدل ما يطلبه و ترجع له تاني و تبقى فسحة رايح جاي

اقتباس:

---

المشاركة الأصلية كتبت بواسطة أحمد كمال

لو تقدر تعمل الدوبلكس و تروح للدكتور بيه يبقى احسن بدل ما يطلبه و ترجع له تاني و تبقى فسحة رايح جاي

---

تمام

هو نتيجتة فوري ولا بياخد وقت علي ما بتطلع ؟

فوري على حد علمي او بالكتير يديك الافلام فوري و يديك التقرير تاني يوم

اتصل بمركز الاشعة او بقسم الاشعة في المستشفى قبل ما تروح و اسال عالنقطة دي

الف سلامه على اخو حضرتك يا بشمهندس وان شاء الله يقوم بألف سلامه وابقا طمنا عملت ايه

اقتباس:

---

المشاركة الأصلية كتبت بواسطة misoalex

الف سلامه على اخو حضرتك يا بشمهندس وان شاء الله يقوم بألف سلامه وابقا طمنا عملت ايه

---

الله يسلمك يا ميسو ،، تسلم يا جميل

كشفنا امبارح والحمد لله مفيش حاجة تقلق وكتبلة شوية ادوية كالعادة

وهو دلوقتي مأنتخ في البيت وانا متدبس في الشغل بتاعة وقاعد جعان وبنام علي نفسي :majd(2):

اقتباس:

---

المشاركة الأصلية كتبت بواسطة pro_samir

الله يسلمك يا ميسو ،، تسلم يا جميل

كشفنا امبارح والحمد لله مفيش حاجة تقلق وكتبلة شوية ادوية كالعادة

وهو دلوقتي مأنتخ في البيت وانا متدبس في الشغل بتاعة وقاعد جعان وبنام علي نفسي :majd(2):

---

الحمد لله

وربنا يقويك ويعينك يا باشا

بص هو لما يقوم بالسلامه دبسه فى الشغل وتعالى انت اسكندريه استجم :star1:

الف سلامة لاخوك

ألف سلامة على أخوك يا بوحميد...طهور إن شاء الله
هو ده أخوك اللي كان معاك في المقابلة؟

اقتباس:

---

المشاركة الأصلية كتبت بواسطة misoalex

الحمد لله

وربنا يقويك ويعينك يا باشا

بص هو لما يقوم بالسلامه دبسه فى الشغل وتعالى انت اسكندريه استجم :star1:

---

انا مش عارف الفترة دي هتعدي ازاي الدنيا متكركبة علي دماغي بشكل غير عادي

ادعيلي يا ميسو

اقتباس:

---

المشاركة الأصلية كتبت بواسطة نور القمر

الف سلامة لاخوك

---

الله يسلمك

اقتباس:

---

المشاركة الأصلية كتبت بواسطة بحري

ألف سلامة على أخوك يا بوحميد...طهور إن شاء الله
هو ده أخوك اللي كان معاك في المقابلة؟

---

الله يسلمك يا جميل

أة هو بعينة

اقتباس:

---

المشاركة الأصلية كتبت بواسطة pro_samir

الله يسلمك يا جميل

أة هو بعينة

---

بلغه سلامي..وقول له بلاش يهزر مع الإزاز تاني..وبرضه عاوزين نطمئن على الإزاز لأن أخوك ما شاء الله يعني كده زي حالاتي تطمئن الأول على الحاجة اللي خبط فيها وبعد كده تشوف حكايته إيه
عموما الأوعية الدموية بتلم وبتنشأ أوعية دموية تانية حول موضع الجرح لتغطية الاحتياجات الدموية للمكان المصاب..ربنا رحمته واسعة

اقتباس:

---

المشاركة الأصلية كتبت بواسطة بحري

بلغه سلامي..وقول له بلاش يهزر مع الإزاز تاني..وبرضه عاوزين نطمئن على الإزاز لأن أخوك ما شاء الله يعني كده زي حالاتي تطمئن الأول على الحاجة اللي خبط فيها وبعد كده تشوف حكايته إيه
عموما الأوعية الدموية بتلم وبتنشأ أوعية دموية تانية حول موضع الجرح لتغطية الاحتياجات الدموية للمكان المصاب..ربنا رحمته واسعة

---

ماهو اللي مزعلني ان الإزاز اتكسر هههه

الحمد لله رب العالمين

الف لا بأس على أخو حضرتك

ربنا يخليكم لبعض

: )

الف سلامة على اخوك يا محمد والحمد الله انها جت سليمة
وربنا يأجرة فى ما ابتلاة ويخلفة خيرا منها....

عايز اقوللك انها حصلت معايا مرة كنت بهزر مع ابن خالتى وشوطت برجلى باب الدولاب وكسرت القزاز :::
والحمد الله دلوقتى رجللى بقت تمام زى الاول ..

اقتباس:

---

المشاركة الأصلية كتبت بواسطة texo

الف لا بأس على أخو حضرتك

ربنا يخليكم لبعض

: )

---

الله يخليك منتحرمش منك

اقتباس:

---

المشاركة الأصلية كتبت بواسطة mohamed_refaat

الف سلامة على اخوك يا محمد والحمد الله انها جت سليمة
وربنا يأجرة فى ما ابتلاة ويخلفة خيرا منها....

عايز اقوللك انها حصلت معايا مرة كنت بهزر مع ابن خالتى وشوطت برجلى باب الدولاب وكسرت القزاز :::
والحمد الله دلوقتى رجللى بقت تمام زى الاول ..

---

الله يسلمك يا محمد

هو نفس اللي حصلك كدة تقريبا بس هو كان مع باب الأوضة

ألف سلامه على أخو حضرتك