-
ضربتين في الراس توجع
قضيت في الاسكندريه يومين أنا ومراتي والكتكوتين وبصراحه اتبسطت جداااااااااااااا بس حصل موقفين
الأول طول ما انا مسافر والله ماكدب طول الطريق حوادث بشعه وكتير جدا وإسعاف رايح جاي وكل شويه عربية إنقاذ بترفع عربيه إستغربت جدا ومقدرتش غير إني أعلق وأقول لمراتي ديه أخرت الكوسه وتطليع الرخص بالفلوس فردت عليه بس ده مش سبب كافي لكل الحوادث ديه قولتلهه لأ طبعاً بس ده تاني سبب بعد سواقة الستات ...... :B4_556: وطبعا خدت الطريحه بتاعت كل مره :stink[1]:
الموقف التاني حوالي 7 عربيات موديلات حديثه من بعد كارتة القاهره كل واحد واقف وفاتح الكبوت وفاتح معاه حنكه بالمره وفي إيده إزازة ميه وباصصلك بغلب وبيهزهه :M_yes[1]:..... يعني معاك شوية ميه ونبي
طبعا الحر كان جامد جدا امبارح بس لدرجة انه يعمل كده في العربيات الحديثه زي ما بيعمل في القديمه وبصراحه أنا عملت موقف وزعلت من نفسي جدا ... كان فيه واحد بعربيه أوبل قارفني من الاسكندريه للقاهره وفردهه أوي عليه ولقيته واقف بيهز مع اللي بيهزوا والطريق كان واقف وشمت فيه شويه وقعدت أقوله ديه أخرت الحرق في دمك وعلى الغيار ... شوفت اللي بيفتري أخرته إيه ... ومشيت والله العظيم بعديهه بنص كيلو كنت راكن وبهز أنا كمان.:ma(30):
-
غريبة ان ال 128 تسخن فى الطوالى .... المهم الحمد لله على السلامة
أفهم من كده ان المياه نقصت من الردياتير مسافة لغاية الكارتة ؟
-
لا اله الا الله
هاقول لك ايه
كما تدين تدان و اهو الواحد بيتعلم
-
الواحد لازم ياخذ احتياطاته في السفر من مياه وعدة واستبن ,,,الخ
-
الحمد لله انها جت علي اد كدة
حمدلة علي سلامتك
-
الغريب فعلا اني متعود اني عند الكيلو 100 أوقف العربيه وأسيبهه تبرد وأزود مايه ان احتاجت وده فعلا اللي عملته بس مش عارف ايه اللي حصل ان المايه تنقص أوي كده
-
-
احيانا الواحد بيشوف عربيات " حديثه " بتعطل وللاسف عدم الاهتمام بعمل الصيانه اللازمة بيكون احد الاسباب الرئيسيه
الحمد لله على كل شئ وربنا يكفينا شر الاعطال
-
حمدا لله علي سلامتك الشماته وحشه برضوا
-
كما تدين تدان و اهو الواحد بيتعلم
Content Relevant URLs by
vBSEO 3.6.0 PL2