السلام عليكم اولا
يابني مستعجل علي ايه في حاجة اسمها النصيب ربنا لو كاتبهاللك هاجيللك رغم انف اي حد
خدها نصيحة مني اسمع كلام اهللك علشان ماتتعبش وماتندمش
ابو عبد الله
عرض للطباعة
السلام عليكم اولا
يابني مستعجل علي ايه في حاجة اسمها النصيب ربنا لو كاتبهاللك هاجيللك رغم انف اي حد
خدها نصيحة مني اسمع كلام اهللك علشان ماتتعبش وماتندمش
ابو عبد الله
السن مش مشكلة
أنا اتجوزت و أنا ٢٣ و جبت أول عيل و أنا ٢٤ . و الحمد لله أنا عندي ٣ عيال
و بقالي ١١ سنة متجوز .. طبعاً الأول كانت العملية ناشفة.... بس ربك لم بيرزق.... له الحمد و الشكر على كل شيء
المهم انك تختار صح و تكون على قد المسؤلية ... أكيد أول سنة جواز بتكون ذي النار و محدش فاهم التاني خصوصاً في السن الصغير
أنا بجد ساعات بستغرب من حاجات أنا كنت بعملها في أول جوازي و علطول بقول ....... مراتي استحملت مني كتير أوي
أكيد علشان إنت اخترت بدري بعد كم سنة من الجواز ممكن تشوف وحدة تعجبك ..... بس تأكد دة كدة كدة هيحصل لو اتجوزت و إنت عندك ٢٢ سنة أو ٤٠ سنة
أنا دايماً بقول لمراتي أوعدك اني مش هحب حد غيرك بس موعدكيش اني أقدر أمنع نفسي من اني ممكن أعجب بوحدة تانية
طبعاً بيني و بين نفسي
و الله هي الجملة تحمل المعنيين
المعنى الرومانسي الجميل اللي هو :
راجع من الشغل تعبان و مطبق تلات ايام شغل علشان اجيب فلوس غسالة الأطباق ...لاقيت مراتي (ربنا يخليها) جايبالي بانادول و كوباية شاي علشان الصداع اللي هايفرتك دماغي و غيار بدل العرقان المكرمش و كلمتين حلوين علشان أنا مش طايق نفسي ...
كتر خيرها والله ست ولا أي ست
انما هو أنا لو ماكنتش متجوز ؟ كان مين اللي هايجيبلي الشاي و البانادول و الغيار و الكلمتين ؟؟؟
هو انا كنت هاخاد بانادول ليه أساسا و أنا ما كنتش هاكون مصدع
ايوة ما أنا هاصدع ليه و أنا مش هاطبق تلات ايام شغل
أطبق ليه و أنا و أنا مش هاشتري غسالة أطباق
أاااااااااااااااااااه
دي قصدها تقولي شكرا