الموضوع: النترا تقفيل محلى

غالبا
1: الفيرنا هيقف انتاجها
2:الاكسنت هتتقفل مصرى وغالبا مش هيقل سعرها ولا حاجة
3:الالنترا تتقفل هيا كمان هنا وتبقى بردك بنفس سعرها
4:الافانتى تنزل زى ما هية باسمها وتبقى كأنها موديل جديد علشان عمر ما الناس هتبلع النترا ب 140 الف مثلا
ويبقى دة التطور الطبيعى للتكنولوجيا.............


طب على كدة الواحد يلحق يجيب النترا كورى بقى

لانها بجد عربية محترمة اوى وناعمة اوى يمكن عيبها العفشة اللى بتهبط مع التحميل بس مش بتحك اوى يعنى
عموما ادينا هنشوف ياعم غبور

معلش يا جماعة لان الخبر ده خلانى ازعل على الالنترا
ياترى المتوقع ان غبور يقوم بكدة امتى ؟؟

الكلام ده بيقول الأتي
-فعلا ان اتجه غبور في تقفيل اللانترا في مصر و في مجال منافسة السيراتو..كده يبقى حقق من الإلانترا اللي هو محتاجه(اقبال جماهيري اكتر علشان قطع الغيار تبقى اوفر و سعر اعادة بيع يبقى متميز).....و ده مافتكرش ان غبور هايعمله
-ان اتحه غبور لتقفيل اي عربية محلي فلازم تبقى مكوناتها في حدود المعقول...يعني, غبور ياجماعة عنده كام مصنع او خط انتاج؟؟؟ هو واحد بس على ما أظن..و الدليل ان قبل الفيرنا المصري غبور جمع اكسنت الشكل القديو ولا انا غلطان؟...علشان كده ان كان في عربية هاتتجمع محلي فاتبقى الأكسنت الجديدة خصوصا لأن الأكسنت نفس خط الإنتاج مش محتاجة مصنع جديد
-فالتوقع الأقرب انه هايوقف انتاج الفيرنا و ينزل الانترا الجديدة -الشكل الجديد-
-يوقف استيراد الانتر الشكل القديم-لأن دي عادته و خصوصا انه جرب اللعبة دي قبل كده ولا الملاك الانترا القديمة زعلوا ولا الجديدة
-يجمع الاكسنت محلي عاشان نفس مستلزمات و طاقة تشغيل المصنع اللي بيجمع فرنا
-و أوبشن زيادة انه ينزل الفيرنا-الاكسنت- الجديدة بالشكل الوهمي الجديد و دي مش هاتبقى غالية قوي لأن ساعتها هاتبقى مستوردة من مصنع الصين
-بالنسبة للأسعار..الفيرنا القديمة:بخ, الأكسنت نفس السعر , نيو فيرنا: سعر الانترا الحالي(و شوفو المواصفات لو مش مصدقين) , نيو الانترا: زود 10000 عن السعر الحالي.....و اسف اني طولت عليكو

ايوة يا باشا بس معنى كدة ان كل موديلات الهيونداى هتغلى عن السعر الحالى وده هيخليها تفقد ميزتها المهمة وهى امكانيات مقابل سعر اقل
فبالشكل ده الاقبال هينخفض جدا جدا