صوت طقه فى الباب اليمين هيجننى

**ahmedezzat78** · 05-02-2008 02:08 AM

يا جماعة عندى صوت من يوم ما جبت العربيه مش عارف مصدره

هوه صوت طقطقه بلاستيك جايى من الباب اليمين مع المطبات او مع الطلعه الاولى او مع الفرامل يعنى لما جسم العبيه بيتحرك.

التوكيل قالولى انت مش ركب مرسيدس او Bmw وده طبعا رد فى منتهى قله الادب و بص على الباب و قال ما فيش حاجه.

المهم الصوت معصبنى جدا و عملت الاتى:

فكيت فرش الباب لاقيت اثار احتكاك بين حرف الفرش البلاستيك و جسم الباب و لزقت بينهم عزل ارموفليكس
ربطت كل حاجه جوه الباب و برضو الصوت ما راحش
فكيت الغطاء البلاستيك اللى على القايم (مغطى حزام الأمان) و برضو عملت عزل لكل مكان ممكن يسبب صوت
ربطت مسامير مفصلات الباب (قولت ممكن يكون الباب بيلعب) برضو ما فيش فايده
بحرك كل حاجه بايدى ما فيش صوت لكن لما العربيه تتحرك باسمع الصوت

لو حد كان عندو المشكله و حلها يا ريت يقول و خصوصا ان كان فيه ناس فى المنتدى عربياتهم زيرو و كان عندهم نفس الصوت

هل مثلا الباب بيخبط فى العتب البلاستيك ........... مش عارف

**أبو ياسين** · 05-02-2008 09:21 AM

فعلا عندى نفس المشكله من ساعة ما جبت العربيه زيرو
و الغريبه ان الصوت بيروح لما يكون فى حد قاعد جنبى انما لو لوحدى فى العربيه الصوت بيجى
اصل انا كل ماحاول اقاعد حد جنبى عشان يسمع الصوت جاى منين بالضبط الصوت يروح
لو حد عنده معلومه يريت يفيدنا