اوبل فيكترا 1995، محتارة بين المانيول و الاتوماتيك؟

**NoraMagdy** · 18-05-2010 06:05 AM

شكراً جزيلاً tananybasha

المشاركة الأصلية كتبت بواسطة tananybasha

اللى بينفرد بيه الموتور الألفين و احد ابرز عيوبه الماف كنترول ( ده اللى بيقيس الهوا اللى داخل للعربية )

ايه مشاكله؟ وامكانية تصليحة؟ وكيفية صيانتة والمحافظة عليه؟ وممكن احتاج اغيرة كل فترة كم؟ وسعره؟

المشاركة الأصلية كتبت بواسطة tananybasha

فى السوق ال 1600 اغلى عشان المرور و الضريبة

هو الفرق بينهم كبير لدرجة تأثر على سعر العربية؟
انا سمعت أن فرق 1600cc من 2000cc لموديل 1995 فى المرور والضريبه حاجه بسيطه حوالى 300 جنية، هل هذا صحيح؟
ممكن أعرف تكلفة المرور والضريبة للـ 1600cc و للـ 2000cc لموديل 1995؟

**tananybasha** · 18-05-2010 11:18 PM

المشاركة الأصلية كتبت بواسطة noramagdy

شكراً جزيلاً tananybasha

ايه مشاكله؟ وامكانية تصليحة؟ وكيفية صيانتة والمحافظة عليه؟ وممكن احتاج اغيرة كل فترة كم؟ وسعره؟

مشاكله لو باظ العربية تخرف تخريف غريب تاكل بنزين و تتخنق و تدخن كل انواع الدخان
امكانية تصليحه محدوده جداً لعدم توفر قطع الفيار البديله انما لو موجوده هو اهيف من الهيافه
صيانته و المحافظه عليه نضافه فلتر الهو مش اكتر من كده و مع التأكد ان الغطاء العلوى محم الغلق و مش بيدخل تراب و وساخه على البورده
ملوش عمر افتراضى بختك يا ابو بخيت يعنى
لو موجود و مش مختفى زى ما حصل من فتره بيلعب من 550-750 لو بحالة الزيرو و لما اختفى وصل 1500-2000
هو الفرق بينهم كبير لدرجة تأثر على سعر العربية؟
انا سمعت أن فرق 1600cc من 2000cc لموديل 1995 فى المرور والضريبه حاجه بسيطه حوالى 300 جنية، هل هذا صحيح؟
ممكن أعرف تكلفة المرور والضريبة للـ 1600cc و للـ 2000cc لموديل 1995؟

ميوصلش فرق الضريبه 300 جنيه و لا حاجه
1600 ضريبته و مليش دعوه بالحاجات التانية الأجبارى و الأختيارى و الذى منه 260 جنيه
موديل 95 ضريبه السنه دى 450 جنيه و تقل 50 جنيه كل سنه مع ثبات ضريبة ال 1600

**N.a.j.d** · 19-05-2010 11:23 AM

الله ينور ياطناني

**tamertamer** · 19-05-2010 12:18 PM

انا شايف ان 2000 اوتومتك هتبقا متعبة فى الصيانة
مفيش اسهل من المنوال اخرك اسطوانة ودسك والمتور ولا ماف ولا ديولو اخرك ايدل كنترول وممكن تحطى بتاع اللانوس عادى جدا ببلاش

**NoraMagdy** · 19-05-2010 06:20 PM

السلام عليكم

النهارده المعلم سمكرى السيارات فحص العربية (الاوتوماتك)، وقالى الآتى:
1) التابلوه مشقق ومفكوك قبل كدا (صاحب العربية قال: اى اوبل 95 لازم هتلاقى التابلوه مشقق)
2) احدى الدواسات واكله حجر ووكلاها البارومه
3) الموتور مرشح زيت (مش عارفه يعنى ايه ؟)
4) العداد ملعوب فيه (عدادها كان قارى 90 ألف) ، بس السمكرى بيقول ان العربية شقيانه (يعنى ايه شقيانه؟)
5) فردة كاوتش ناعمه
6) الكاسيت كلاريون
7) غير ذلك حالة حديد العربية جيد

انا لم اعرضها بعد على ميكانيكى

هل هذه عيوب خطيره فى العربية ، تخلينى ابعد عنها واشوف غيرها؟
ولا دا عادى بحكم انها موديل 95 ؟
ممكن عمل صيانات لهذه العيوب وهل ممكن تغيير التابلوه (التابلوه سعره حوالى كم؟)

شكرا

**ENG\AHMED** · 19-05-2010 06:54 PM

المشاركة الأصلية كتبت بواسطة noramagdy

السلام عليكم

النهارده المعلم سمكرى السيارات فحص العربية (الاوتوماتك)، وقالى الآتى:
1) التابلوه مشقق ومفكوك قبل كدا (صاحب العربية قال: اى اوبل 95 لازم هتلاقى التابلوه مشقق)
2) احدى الدواسات واكله حجر ووكلاها البارومه
3) الموتور مرشح زيت (مش عارفه يعنى ايه ؟)
4) العداد ملعوب فيه (عدادها كان قارى 90 ألف) ، بس السمكرى بيقول ان العربية شقيانه (يعنى ايه شقيانه؟)
5) فردة كاوتش ناعمه
6) الكاسيت كلاريون
7) غير ذلك حالة حديد العربية جيد

انا لم اعرضها بعد على ميكانيكى

هل هذه عيوب خطيره فى العربية ، تخلينى ابعد عنها واشوف غيرها؟
ولا دا عادى بحكم انها موديل 95 ؟
ممكن عمل صيانات لهذه العيوب وهل ممكن تغيير التابلوه (التابلوه سعره حوالى كم؟)

شكرا

1- اى كلام , مفيش الكلام اللى بيقول علية لو استخدام نضيف هتلاقية بحالتة - انا كان معايا مازدا 82 اتباعت بعد 24 سنة والتابلوة بحالتة مش 95 والتابلوة شقق !!

3- فى ترشيح زيت على الموتور من برة هتلاقى جوان او خرطوم فايظ محتاج يتغير
4- شقيانة يعنى متبهدلة مش متحافظ عليها

بلاش منها وبلاش تشترى عربية من تاجر او معرض بالطريقة دى هتفضلى تلفى وتتعبى نفسك ومش هتلاقى حالة نضيفة يااما هتدبسى فى عربية حالتها تعبانة وتزهقك مصاريف
اشترى من الاهرام او الوسيط واشترى العربية من صاحبها احسن

**tananybasha** · 19-05-2010 11:23 PM

الله ينور يا احمد
و انا اسف يا ست الكل انا بارد على المشاركه و مش واخد بالى انا اسف و الف شكر على التنبيه يا استاذ كريم
الكلام ده كلام بطيخ
قليل قوى لما اشوف فيكترا التابلوه مشقق ده جلد طبيعى و طالما العناية بيه على طول يفضل زى الفل
اللعب فى العداد على حالة الهربدة دى وارد
الزيت مرشح عيب صيانه دورية و اويل سيلات و جوانات يعنى قصه
و ده معرض زباله و عربية زباله
و كانت بكام بقى على كده
تقططع ايدى لو ماكنش طالب 38000-40000

**kar!m** · 20-05-2010 08:57 AM

تابلوه الأوبل مش من التابلوهات اللى بتشقق الا لو العربيه مرميه فى الشمس طول النهار و مفيش عنايه بيه .. فى عربيات زى الهيونداى أكسنت لازم تابلوها يشقق و الكيا سيفيا لازم تلاقى التابلوه مفتوح من ناحية الهوايات اللى تحت الازاز اللى قدام.

أحب ألفت نظر حضرتك لحاجه .. انتى ليكى نظره فى العربيه غير نظرة السمكرى يعنى السمكرى هيقولك العربيه دى معملتش حادثه و سليمه و موتور و عفشه .. انما انتى اللى هتركبى و تقعدى فيها و تمشى بيها فا لو فى حاجه مش عاجباكى قولى لأ العربيه مش عجبانى .. يعنى مثلا أنا من فتره كنت بتفرج على عربيه لانوس وواخد السمكرى بتاعى معايا و العربيه موديل 2005 فابريكه بالكامل و عامله 45000 كيلو و السمكرى شكر لى فيها .. قعدت أقلب فيها قلت لأ مش عاجبانى .. كان فيها حتت كتير فى الصاج معموله على البارد فا باين انها معروجه .. محسوبه عليا فابريكه وشكلها مش عاجبنى .. التابلوه واخد كمية ملمع بشعه .. الكاوتش اللى حوالين ازاز الباب فيه حتت مقطعه .. فقلت لصاحبها شكرا و مشيت .. حتى حسيت ان السمكرى بتاعى اتضايق عشان من وجهة نظره مفيش سبب يخلينى أرفض.
الشاهد انك ليكى نظرة غير نظرة الفنى يعنى ميقولكيش اه كويسه اشتريها تشترى وانتى مغمضه .. و ربنا يوفقك لما فيه الخير.

الموضوع: اوبل فيكترا 1995، محتارة بين المانيول و الاتوماتيك؟

LinkBack

أدوات الموضوع

عرض

-

-

-

-

المواضيع المتشابهه

برجاء المساعدة فى تكيف اوبل فيكترا 1995

اوبل فيكترا a مو 1995 اول يد

عاوز معلومات عن اوبل فيكترا 1995

للبيع اوبل فيكترا 1995

اوبل فيكترا اتوماتيك موديل 1995

الكلمات الدلالية لهذا الموضوع

المفضلات

المفضلات

ضوابط المشاركة