الموضوع: اوبل فيكترا 1995، محتارة بين المانيول و الاتوماتيك؟

المشاركة الأصلية كتبت بواسطة nab!l

لحظه
مع احترامى لك ولخبرتك
انت لخبطت خالص فى الاسترا
اولا 2002 عمرها ما تكون ب45000 الا لو ضايعه
وفتحة السقف موجوده وطاره مالتى موجوده لكن لو نضيفه هتعمل60
ومفيش abs خااااااااالص
ومفيش اوتوماتيك الا لو مو 2003 اللى هى 1600 وطبعا مش هتكون ب45
وشكرااااااا

انا معرفش الاسعار لأنى مش متابع السوق بقالى فترة كبيرة فالما قولت الاسترا كان على اساس ان الناس قالوا ممكن استرا فا لو حسبتها هتطلع بالنسبالها الاسترا اريح من ناحية الصيانة وقطع الغيار

انا لما قولت الاسترا لحد 2002 بتكلم على الاسترا 1.2 عموما لأنى معرفش انهى موديل فيها ممكن يبقى بالسعر دة

بالنسبة لل abs انا قولت اعتقد لأنى مجربتش العربية فا مش متأكد , انا جربت ال 1.6 انما ال 1.2 لأ

بالنسبة للأوتوماتيك اعتقد على حسب مافتكر ان عربية قريبى كانت اوتوماتيك وكانت 1.2 بس مش فاكر موديل كام

المشاركة الأصلية كتبت بواسطة nab!l

الاسترا اللى ب45000 بتكون مش كويسه
وكمان فى منها بتوصل ل60000
وخالى معاه واحدة حاله المصنع بمعنى الكلمه ماشاء الله قالى مش هبيعها اقل من 65000 طبعا دى صعبه شويه بس هو قال كده ومش عاوز يبيعها اصلا


اوتوماتيك و1200
دى استحاااااااااااله
ملهاش وجود الا لو مغير فتيس ودى كمان صعبه
طب تخيل انت موتور1200 واوتوماتيك هيكون مقتووووووووول طبعا

كدة يبقى نشيل الاسترا من الحساب

بالنسبة لقصة الاوتوماتيك
الكلام دة كان من سنيييييين فاتت فا مش فاكر اوى وخصوصا ان العربية مطولتش معاة وباعها
وكانت فابريييكة ومش مغير فيها اى حاجة دة الاستبن مكانش شاف الارض

شكراً جزيلاً للأهتمام والمشاركة

المشاركة الأصلية كتبت بواسطة hellboy

نصيحه لوجه الله ...الالماني مايتركبش وحالته نص نص هتدوخك وتصرفي كتير .اشتري راحتك واستمتاعك بركوب الالماني ودوري علي عربيه حالتها حلوه ولازم متخصص يساعدك في ابداء الراي فيها وبالتوفيق ان شاء الله.

شكراً جزيلاً على النصيحة، هذا بالفعل ما ابحث عنه، قابلتنى عربية 95 مانيول حالتها كويسه جداً، لكن أبحث عن اوتوماتك بنفس الحالة، وواضح أن البحث عن عربية 95 بحاله كويسه جداً موضوع صعب، لكن كله يجيى بالصبر.

المشاركة الأصلية كتبت بواسطة NoraMagdy

2) فيكترا 95 افضل ما انتجتة أوبل من موديل 94 حتى موديل 2000
3) شخص أخر كان أكثر تعصباً لفكترا 95 ، قال: فيكترا 95 أفضل سيارة انجتها أوبل
ً

هل هذا الكلام صحيح؟ أم مبالغ فيه؟

المشاركة الأصلية كتبت بواسطة Ahmed_lol2007

نصيحة بلاش حاجة %50 عشان متتعبيش معاها

بالتليفون قبل ما اشوف العربية قال: العربية كلها حالتها كويسه جداً الا العفشة فقط 50%
الفنى الى معايا قال: عفشة الالمانى ممتازة، فمعنى ان حالتها 50% ، أن العربية شقيانه كتير ، لكن مفيش مانع نشوف حالتها ونعاينها على الطبيعة

المشاركة الأصلية كتبت بواسطة tananybasha

عفشة كامله هتخش فى حوالى 2000-2500 جنيه
مساعدين و مقصات و جلب ورا و قدام و شدادات و كل حاجة
تزيد 500 لو فيها بارات و علبة دركسيون
و الأهم تكون علبة الدركسيون سليمه

لو الموضوع داخل فى 3000 بس وأغير العفشه بالكامل ، هتبقى العربية موديل 1997 اتوماتك فى حدود 48 ألف، بالنسبه لى انى ادفع 45 الف ، وبعدين أغير العفشه، دا حل مناسب، بس الى مرددنى موضوع أن موديل 95 أفضل من موديل 97، الى سبق وطرحته، وبخاصة أن من حيث المظهر موديل 97 أجمل من 95، لكن لو دخلت فى مفاضله بين المظهر مقابل القوه والاداء والصيانة، مش هأختار المظهر طبعاً.

المشاركة الأصلية كتبت بواسطة tananybasha

45000
يا نهار اسود
بالحالة دى و السعر ده
اعلان هام عربيتى ب 60000

هههههههههههههههههههه
الراجل دا كان عنده أكتر من 4 عربيات فى الجراج
أغلبهم أعلى من فيكترا، وحاجات مش منتشره اوى، اتذكر ان كانت واحده منهم لنكون
فواضح انه بيبيع غناوه ، ومش محتاج للفلوس

المشاركة الأصلية كتبت بواسطة ENG\AHMED

طيب نحسبها بالورقة والقلم ونفكر بهدوء
اية اللى عايزاة من العربية ؟؟ بتدورى على اية فيها؟؟
هل هى استخدام شخصى ولا عائلة يعنى محتاجة شنطة واسعة وصالون واسع ولا على اد استخدام انتى بس فالموضوع مش فارق؟؟
هل ليكى خبرة فى العربيات ؟؟

دلوقتى انتى بتدورى فى حدود 45 ... لما نشوف ال 45 ممكن تجيب اية
- فكترا 95
- استرا 1.2
- كورسا سيدان
- تجيب كورسا هاتشباك وهيتبقى معاكى فلوس

طيب نبتدى نشوف مميزات وعيوب كل واحدة
- الفكترا 95 عربية اتكلمنا عليها قبل كدة وممتازة بس صعب انك تلاقى حالة نضيفة بمعنى الكلمة ( صعب مش مستحيل) واللى فهمتة من كلامك ان انتى اللى هتتعاملى مع الميكانيكى وانتى اللى مسئولة عن العربية ... اسمحيلى انتى مش هتقفى كل شوية عند الميكانيكى
صحيح العربيات دى مش من النوعية اللى بتعز الميكانيكى ولازم تزورة كل شوية بس بردة الاستخدام لية حكم وعلشان تشترى عربيى تريحك لازم تبقى حالة نضيفة مش اى حاجة عشلان مش تتعبك وخصوصا ان ملكيش خبرة فى الميكانيكا وقطع الغيار

- استرا 1.2 عربية كويسة صحيح انا مجربتهاش بس كان ليا واحد قريبى كانت معاة وبيشكر فيها جدا باستثناء الموتور اللى كان علية تعليق انة مش اوى على وزن العربية وفى واحد معرفة معاة واحدة وبيشكر فيها
عربية احدث فة منها لحد 2002 وبالتالى فرصة انك تلاقى منها حالة نضيفة اكتر , ابعادها اصغر من الفكترا وبالتالى اسهل فى الزحمة والركن .. فى منها اوتوماتيك وفى منها مانيوال يعنى سواء عايزة دة او دة موجودين
فيها اوبشنز اكتر من الفكتر 95 ... اعتقد فيها abs وايرباج وفى منها بفتحة سقف ودريكسيون مالتى فانشكن

- الكورسا السيدان هتلاقى منها موديلات لحد 2006 , عربية ظريفة وعملية , موتورها طلقة , اصغر من الاسترا والفكترا , اوبشنز اقل من الاسترا
عيبها مفيش منها اوتوماتيك وكمان وضعية السواقى مرتحتش فيها اوى لأن الدريكسيون ثابت وانا مبحبش الدريكسيون العالى وكمان انا طويل فا بصراحة قعدتها مختلفة تماما عن الفكترا

- كورسا هاشتباك ودى اصغرهم من حيث ابعاد وصالون وشنطة

اعتقد كدة ممكن تبقى الامور اوضح شوية وطبعا الرأى والاختيار ليكى فى الاخر
شوفى انتى محتاجة اية من العربية
ونصيحة حتى لو متمسكة بالفكترا شوفى اية اكتر عربية تحبيها بعد الفكترا يعنى لو الفكترا رقم واحد شوفى اية ممكن يكون رقم اتنين بحيث مش تحصرى اختياراتك على حاجة واحد لأ شوفى الاتنين واللى تلاقى منة حالة نضيفة توكلى على الله

شكل الكورسا الهاتشباك مش فخم، ممكن يكون شبابى ، الفكترا شكلها أفخم بكتير
بالنسبه للأسترا ... قريبى معاه استرا GLS موتورها 1200cc رشاشات، موديل 2000 مانيوال وفيها كماليات كويسه (اير باج - ABS - تكيف - باور - سنتر لوك - ...الخ) وعارضها للبيع فى حدود امكانياتى، بس هى مانيوال وكمان الشكل مش عاجبنى أوى ولما بأركبها مش بأحس بقوة الفكترا، كمان هو عارضها للبيع عشان يشترى فيكترا ... هههههههههه
بالنسبه لموضوع الاستخدام العائلى أم الشخصى، أكثر الاوقات احتاج لاستخدام عائلى (اصطحاب بابا وماما) ، وكمان ممكن السفر للمصايف
ممكن ترتيب الافضلية بالنسبه لى: فيكترا أتوماتك - كورسا سيدان 1.6 أتوماتك - استرا 1.2

المشاركة الأصلية كتبت بواسطة tananybasha

الحاله الكويسه فى الفيكترا صعبة بس موجوده

هذا ما أبحث عنه، وطبعاً موضوع انها صعبة دا ملموس جداً بالنسبه لى، لكن أكيد بعد الصبر هألاقى ما ابحث عنه

المشاركة الأصلية كتبت بواسطة ENG\AHMED

خصوصا من المشاركات حاسس انها محتارة ومش لاقية حاجة كويسة

لقيت عربية 1.6 مانيول موديل 95 حاله كويسه ولسه موجوده، وابحث عن 2.0 أتوماتك تكون بحاله كويسه، فإذا لم أجد فى الفتره القادمة ، سأشترى الـ 1.6 المانيوال وربنا يسترها.

المشاركة الأصلية كتبت بواسطة tananybasha

والله يا احمد
اكتر من مره اجى ابيع عربيتى عشان كنت عايز اركب اتوماتيك

عشان كدا بأبحث عن الاتوماتك من الأول

المشاركة الأصلية كتبت بواسطة NoraMagdy

2) فيكترا 95 افضل ما انتجتة أوبل من موديل 94 حتى موديل 2000
3) شخص أخر كان أكثر تعصباً لفكترا 95 ، قال: فيكترا 95 أفضل سيارة انجتها أوبل
ً

هل ممكن تأكيد أو نفى هذه المعلومة ؟

شكراً ... وأسفه على الاطالة