الموضوع: مراكز الخدمة المعتمدة لأوماترا

الف مبروك يا باشا على انضمامك لينا ومتزعلش من مركز الاقصى، العيب مش عندهم اوى، العيب على التوكيل اللى مش بيتابع المراكز المعتمدة دى.

يوكو لما كلمنى وحضرتك هناك اكدت عليه ان مفيش حاجة اسمها فلتر تربو وان دى اشتغالة من الناس هناك، والحمدلله ان حضرتك نفضت منهم.

المشاركة الأصلية كتبت بواسطة yassinhaitham

ذهبت يوم السبت الماضي لعمل صيانة ال20000لسيارتى الينيا تربو في مركز المعادى المعتمد للتوكيل و هالنى ما رأيت في الأول:

لقيت مع مهندس الاستقبال جداول صيانة للفيات المفروض انها معتمدة من التوكيل ولكن لقيت العكس و طبقا لهذا الجدول وجدت أن صيانة ال20000 من فئة صيانة تسمى m2 و يلزم بها تغيير قطع الغيار التالية:

1- فلتر زيت و زيت موبيل 1 (عادى).
2-فلتر هواء (عادي برضه)
3- فلتر دخول الزيت علي ال turbocharger( مش عادى و مش موجود أصلا من الاساس و ده اللي يوكو اكدهولي بعد كده).
4- طقم بوجيهات (انا عارف انه بيتغير عند ال 30000مش ال20000 و اكتر كمان و ده برضه يوكو و المهندس مؤمن بالتوكيل أكدوه) و الغريب ان الطقم ده بيغره حسب الجدول كل 10000
5- تغيير فلتر التكييف (غريب جدا لانه بيتنضف بس)
6- تغيير مياه التبريد
7- المصنعيات حسب الجدول 175 جنيه ( المهندس قاللي انها زادت 20% و الغريب اني لقيتها 175 جنيه في الفاتوره برضه)

و معني الكلام ده ان الصيانة كان حيتعمل فيها حاجات مش مطلوبة كتير و كله علي قفا الزبون و حتعددددددي . المشكلة في الجدول الغريب ده اللي معرفش مين اللى عمله و واضح جدا أن ملوش دعوة باالتوكيل اساسا لأن يوكو أكدلى ان أوماترا معندهاش جداول صيانة رسمية لحد دلوقتي.

طبعا انا قلقت و كلمت يوكو علي طووووووول

عموما يا جماعة الحمد لله خليتهم يعملوا المطلوب بس من غير أى حاجة زيادة

الدروس المستفادة من الموضوع:

1- يجب توحيد أسعار الصيانة و المصنعيات و قطع الغيار في المركز المعتمد زى الوكيل
2- لو رحت تعمل صيانة في مركز معتمد لازم تتأكد من تكلفة الصيانه و ايه الي مطلوب فيها مش تدفع و خلاص.

و أخيرا شكرا ليوكو علي اهتمامه بالموضوع لدرجة أنه كان مستعد ييجي لحد عندى

فلتر التكيف بيتغير في التوكيل في صيانه ال٢٠
تغير مية التبريد المفروض بتتزود بس!!!
وحضرتك نسيت إن قالولك هنغير زيت الفرامل (برده المفروض تتزود بس ولو نقصت يبقى فيه مشكلة أصلا)
المصنعيات كده غليت فعلا ٢٠٪ لإن حضرتك لغيت حجات فالمفروض المصنعية تقل مش تبقى ثابته!!
والدروس المستفاده عندك حق فيها بس الغلط غلط التوكيل إنه مش متابع مع مراكز الخدمة

المشاركة الأصلية كتبت بواسطة semsem_uno

والله الف شكر عالموضوع و التوعية يا باشا و الحمد لله
و فعلا يوكو من الناس المحترمة اوي

بطل نفاق شويه يا سمسم مش هرد عليك تاني لو مبطلتش عشان بدايق بجد لإن ده واجبي

المشاركة الأصلية كتبت بواسطة moe86

فى صيانة ال20 فى جسر السويس غيرولى تيل الفرامل برضو بعد ما قالولى و لما بصيت عليه لقيت لسة فية شوية حلوين
فلتر التكييف بيغير حسب حالته و حسب الاستخدام , فى صيانة ال20 قالولى نظفولى الفلتر بالهواء و أدائه اتحسن شوية , بس بعد كام شهرغيرته بنفسى لما لقيت أداء التكيف قل و ظهور ريحة كمكمة كدة !

ايوه بس دول كانوا عايزين يغيروا زيت الباكم مش التيل!!!