أقباط كنيسة مارى جرجس يشاركون فى إطفاء حريق بمسجد بالعجوزة

شهدت منطقة العجوزة أمس، الأحد، حريق بالجانب الخارجى المغطى بالقماش من مسجد الرشد، وشارك الأقباط المتواجدون بكنيسة مارى جرجس المجاورة له مع عامل المسجد فى السيطرة عليه وإطفائه.

تلقت غرفة النجدة بلاغا من سكان شارع محمد طلعت بالعجوزة يفيد باشتعال النيران فى الجزء الخارجى الخاص بمسجد الرشد المغطى بسقف من القماش، فأخطر اللواء مساعد وزير الداخلية لأمن الجيزة، وأمر بسرعة انتقال رجال الحماية المدنية والسيطرة على الحريق، وعقب الانتقال تبين أن المتواجدين بكنيسة مارى جرجس المجاورة للمسجد شاركوا مع عامل المسجد فى إطفائه والسيطرة عليه، وتبين أن الحريق ناتج عن ماس كهربائى من مصباح معلق بالسقف القماش فحرر محضر بالواقعة وأخطرت النيابة للتحقيق.

عادي جدا .....شقة جار لينا مسيحي في منزل غالبيته من الاخوه المسيحيين اشتعلت فيها النيران ولما يطفئها بعد الله الا العبد لله واصحابي شباب المنطقة وكلنا كنا مسلمين وواحد منا اصيب بأختناق كان من الممكن ان يكون شهيد الان وطبعا المطافي جات بعد الهنا بسنه موضوع المصائب مابيكنش فيه مسيحي ومسلم وحق الجيرة في الاسلام والمسيحية فرض على الفرد معتنق ايا من الديانتان

جزاهم الله خيرا..موقف مشكور..
لم يدخل هذا العدد الكبير من نصارى مصر وغيرها في الإسلام منذ عهد عمرو بن العاص إلى يومنا هذا إلا بما ييسره الله سبحانه من حسن المعاملة وبيان الحق

ده موقف انسانى و التصرف اللى حصل ده طبيعى لانى لو لقيت انسان وقع فى الشارع قدامى وهو ماشى مش هستنى اسأله الاول انت مسلم و لا مسيحى عشان افكر اسعفه و اساعده و لا لأ انما الدافع الانسانى هو اللى هيحكم تصرفى..... الدين مش فاصل بيننا بل على العكس هو جسر تواصل لمن يفهم ان هدف كل دين هو الانسان و سمو اخلاقه و طبيعته الانسانية التى نشترك فيها كلنا قبل وعينا بالدين و المفروض ان يستمر بعد وعينا به.....

اقتباس:

---

المشاركة الأصلية كتبت بواسطة بحري

جزاهم الله خيرا..موقف مشكور..
لم يدخل هذا العدد الكبير من نصارى مصر وغيرها في الإسلام منذ عهد عمرو بن العاص إلى يومنا هذا إلا بما ييسره الله سبحانه من حسن المعاملة وبيان الحق

---

اعتقد ان الاستاذ الفاضل صاحب الموضوع مشكورا غرضة نقل خبر لتوطيد العلاقات بين الطرفين.

و اعتقد بردة ان كلام حضرتك دة ملهوش اي علاقة بالموضوع و مش في مكانة بالمرة لانة ممكن يفتح ابواب مناقشات خاسرة لكل الاطراف و ارجوا من الادارة المحترمة حذف المشاركة و حتي حذف ردي.

اقتباس:

---

المشاركة الأصلية كتبت بواسطة smax

اعتقد ان الاستاذ الفاضل صاحب الموضوع مشكورا غرضة نقل خبر لتوطيد العلاقات بين الطرفين.

و اعتقد بردة ان كلام حضرتك دة ملهوش اي علاقة بالموضوع و مش في مكانة بالمرة لانة ممكن يفتح ابواب مناقشات خاسرة لكل الاطراف و ارجوا من الادارة المحترمة حذف المشاركة و حتي حذف ردي.

---

كلامي له علاقة وطيدة بالموضوع وبلاش تاخد الموضوع بحساسية..إحنا بنتكلم عن شئ واقعي..وأنا قلت إن التصرفات الحسنة دي هي اللي بتخلي الناس تتعامل كويس مع بعض بعيدا عن التشنجات ونظام (حجة البليد)...يعني الطبيعي إن أهل المكان ده بعد كده تكون معاملاتهم ببعض كويسة كما أمر الشرع وبضوابطه لكن بشرط غياب نافخي الكير

اقتباس:

---

المشاركة الأصلية كتبت بواسطة بحري

كلامي له علاقة وطيدة بالموضوع وبلاش تاخد الموضوع بحساسية..إحنا بنتكلم عن شئ واقعي..وأنا قلت إن التصرفات الحسنة دي هي اللي بتخلي الناس تتعامل كويس مع بعض بعيدا عن التشنجات ونظام (حجة البليد)...يعني الطبيعي إن أهل المكان ده بعد كده تكون معاملاتهم ببعض كويسة كما أمر الشرع وبضوابطه لكن بشرط غياب نافخي الكير

---

ارجوا من الادارة الحكيمة مرة تاني حذف المشاركات و اتخاذ اللازم للأتي:

1- لكي لا يتحول الموضوع الي مناقشات غير لائقة.

2- نقطة رقم 9 ج بقانون المنتدي و هي:
نشـر أى فتوى غير خاصة بمجـــال السيـــارات و ذلك لعدم إختصاص المنتــدى.
• نشـر أى معلومات عقائدية تناقش صميـم عقيـدة معينـة و ذلك لعدم إختصاص المنتــدى .
• النيل من أي عقيدة دينية سماوية .
و العقوبة بقوانين المنتدي:
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع

و اعتقد ان مشاركت العضوا الاولي تحتوي علي الثلاث نقاط معا.

3- نقطة رقم 13 بقانون المنتدي:
13- ممنوع تماما التهجم أو التهكم أو شخصنة الحوار فى المنتدى سواء بالإهانة او السخرية او ايه اساليب مشابهة.
ستعامــل هــذه المشاركـــات بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .
• فى حالـة مخالفـة هـذه القاعـدة ثانى مرة سيتـم إنذار ثانى العضـو مع إيقافـه أسبوعيـن.
• فى حالـة مخالفـة هـذه القاعـدة ثالث مرة سيتـم إلغاء عضويتـه.
إن تدخل المشرف في هذا الحوار نهائي لا يصح بعده استكمال الفعل المستوجب للعقوبة مرة أخرى ، وأن إعادة تبادل الاتهامات في الموضوع ذاته يستوجب العقوبة الأشد فوراً .

و اعتقد ان جملة "التشنجات ونظام (حجة البليد)" و "لكن بشرط غياب نافخي الكير" في الرد الثاني فيها تهكم و شخصنة.

حاسس ان في مواقف الشده الواحد مابيفكرش في الديانات , الواحد بيفكر بس ان ده انسان و محتاج مساعده , و ربنا ينتقم من اي حد بيسبب فتنه طائفيه سواء في مصر او في اي حته تانيه , و طبعا شكرا للناس الي عملت الموقف الشهم ده .
و الاخ سماكس و بحري شكلكوا فاهمين بعض غلط علي فكره اهدوا كده و روقوا

تاني مرة يا سماكس أنا كلامي هادئ وواقعي وياريت متحملش الموضوع أكثر مما يحتمل بلا داعي
ولو تأملت في كلامي لن تجد فيه ما يخالف القواعد التي نسختها في الموضوع
وبالنسبة للتهكم والشخصنة التي فهمتها من كلامي فلا أدري لذلك سببا
وما يجعل الموضوع يتحول إلى مناقشة غير لائقة هو التعدي والإساءة والتشويش والاستفزاز والترصد...وطالما لا توجد هذه الأمور فما الذي يمنع من المناقشة الهادئة التي تبغي الإصلاح
التحفز المسبق وقفل باب المناقشة الهادئة هو ما يؤدي إلى الاحتقان ولما الواحد بيسد ودانه هو أول حد بيجيله صداع وبيتعب.

معلش أنا أصلي شايف الموضوع عادي اصلي طول عمري أنا وصحابي اخوات. بس أنا لفت انتباهي حاجة تانية , كل حرايق البلد سببها ماس كهربائي. أنا بجد نفسي أفهم إيه حل الموضوع ده. أنا حاسس إن شوية والحكومة هتقطع عننا الكهربة عشان موضوع الماس ده. ياما المعمل الجنائي حافظ إن الحريق سببه مس كهربائي. هل احنا متخلفين للدرجة مش عارفين نظبط الكهربا. أصل الموضوع ده مش بيحصل بالطريقة ده في دول بره. ده الماس ده ولع في مسرح العتبة ومجلس الشعب ومصنع جهينة. طب إيه بقى ملوش حال قبل مايولع فأبو الهول

ده عادي ياجماعة

مش غريبة على المصريين اجدع ناس

أنا شايف الأمر عادي جداً وطبيعي
وأكيد حصل أكثر من مرة حوادث مشابهة سواء مساعدة المسلمين للمسيحيين أو المسيحيين للمسلمين
ولم ينهانا الاسلام عن المودة مع النصارى ولم ينهانا ايضأ عن أن نأكل عندهم أو نزورهم
وعمر ما أحد سأل أحد عن ديانته بل بكل معاني الشهامة تجد الطرفين متجانسين ولا تجد الفتنة الا بسبب مفتعل من أشخاص لهم مصلحة في هدم البلد لأنهم لا يعيشون فيها يريدون هدمها على من بداخلها .
ولنا جيران مسيحيين منذ أكثر من 25 سنة ومش شخص ولا اثنين ده أكثر من خمس أو ست شوارع وكلهم في حالهم ومحترمين وبيننا مجاملات كثيرة .

اقتباس:

---

المشاركة الأصلية كتبت بواسطة mahora

ده موقف انسانى و التصرف اللى حصل ده طبيعى لانى لو لقيت انسان وقع فى الشارع قدامى وهو ماشى مش هستنى اسأله الاول انت مسلم و لا مسيحى عشان افكر اسعفه و اساعده و لا لأ انما الدافع الانسانى هو اللى هيحكم تصرفى..... الدين مش فاصل بيننا بل على العكس هو جسر تواصل لمن يفهم ان هدف كل دين هو الانسان و سمو اخلاقه و طبيعته الانسانية التى نشترك فيها كلنا قبل وعينا بالدين و المفروض ان يستمر بعد وعينا به.....

---

*9999999999

اقتباس:

---

المشاركة الأصلية كتبت بواسطة بحري

تاني مرة يا سماكس أنا كلامي هادئ وواقعي وياريت متحملش الموضوع أكثر مما يحتمل بلا داعي
ولو تأملت في كلامي لن تجد فيه ما يخالف القواعد التي نسختها في الموضوع
وبالنسبة للتهكم والشخصنة التي فهمتها من كلامي فلا أدري لذلك سببا
وما يجعل الموضوع يتحول إلى مناقشة غير لائقة هو التعدي والإساءة والتشويش والاستفزاز والترصد...وطالما لا توجد هذه الأمور فما الذي يمنع من المناقشة الهادئة التي تبغي الإصلاح
التحفز المسبق وقفل باب المناقشة الهادئة هو ما يؤدي إلى الاحتقان ولما الواحد بيسد ودانه هو أول حد بيجيله صداع وبيتعب.

---

*99999999999999999999999999999999

ده شيء طبيعي جداااا وممكن يحصل كل يوم ومابيطلعش في الاخبار

لان ببساطة المصيبة لما بتحصل ماحدش بيفكر ده ديانته ايه

يا جماعة ده الواحد سواء مسلم ولا مسيحي وليه صاحبه من ديانة تانية واتخانق مع حد غريب مش بيفكر وبيتخانق لصاحبه

هي الفكرة ان الامر عادي جداااا......بس الناس بقت حساسة اوي ومستنيه اي خبر حلو.......نظرا لبعض القلة من الفتنة السخيفة اللي بتحصل

ويا رب دايما نقف مع بعض في الخير

وتحياتي للجميع

اقتباس:

---

المشاركة الأصلية كتبت بواسطة بحري

جزاهم الله خيرا..موقف مشكور..
لم يدخل هذا العدد الكبير من نصارى مصر وغيرها في الإسلام منذ عهد عمرو بن العاص إلى يومنا هذا إلا بما ييسره الله سبحانه من حسن المعاملة وبيان الحق

---

أستاذ بحري ، كلنا هنا إخوات مسلمين ومسيحيين ، بس أنا شايف جملتك هنا مش في محلها خالص ، سواء في هذا الموضوع أو غيره
في الواقع عند استخدامك لم وإلا وهو إسلوب قصر عن طريق النفي والتخصيص يوحي بأن المسلمين وانما يفعلون هذه المعامله الحسنة لأجل دخول عدد من النصاري في الإسلام وهو ما لا اعتقده. عند طلب المساعدة لا أحد يلتفت إلى ديانة الاخر.
وتاني ياريت تتفهم كلامي من غير حزازيات أو زعل وشكراً

اقتباس:

---

المشاركة الأصلية كتبت بواسطة fadod

أستاذ بحري ، كلنا هنا إخوات مسلمين ومسيحيين ، بس أنا شايف جملتك هنا مش في محلها خالص ، سواء في هذا الموضوع أو غيره
في الواقع عند استخدامك لم وإلا وهو إسلوب قصر عن طريق النفي والتخصيص يوحي بأن المسلمين وانما يفعلون هذه المعامله الحسنة لأجل دخول عدد من النصاري في الإسلام وهو ما لا اعتقده. عند طلب المساعدة لا أحد يلتفت إلى ديانة الاخر.
وتاني ياريت تتفهم كلامي من غير حزازيات أو زعل وشكراً

---

لا أبدا مفيش حزازيات أو زعل وأهلا بالمناقشة العاقلة الهادئة في أي وقت ومن أي أحد

شوف يا دكتور
أنا قلت حسن المعاملة وبيان الحق،،،مش حسن المعاملة فقط..ده أولا
ثانيا..ده واقع في دول كتير عبر التاريخ مثل دول إفريقيا والهند وشرق آسيا وهؤلاء كانوا غالبا من أهل الديانات الأرضية الأصل ولم يكونوا من النصارى وكانت حسن معاملة التجار وأمانتهم سبب رئيسي في رغبة هؤلاء في التعرف على الإسلام
ثالثا..كل إنسان يسدي لغيره معروفا تكون له أهداف...
إما أنه يريد حسن المعاملة في الدنيا وحسن التعايش وتبادل المنفعة فقط
وإما أن يجمع إلى ذلك أهداف أخرى تختلف حسب نيته وهذا لا عيب فيه طالما كانت نيته حسنة وغرضه سليم
الخلاصة أن حسن المعاملة لها أكبر الأثر في توسيع دائرة قبول الإنسان وهذا مما لا خلاف عليه سواء قصد هذا الإنسان ذلك أم لم يقصده

اقتباس:

---

المشاركة الأصلية كتبت بواسطة بحري

لا أبدا مفيش حزازيات أو زعل وأهلا بالمناقشة العاقلة الهادئة في أي وقت ومن أي أحد

شوف يا دكتور
أنا قلت حسن المعاملة وبيان الحق،،،مش حسن المعاملة فقط..ده أولا
ثانيا..ده واقع في دول كتير عبر التاريخ مثل دول إفريقيا والهند وشرق آسيا وهؤلاء كانوا غالبا من أهل الديانات الأرضية الأصل ولم يكونوا من النصارى وكانت حسن معاملة التجار وأمانتهم سبب رئيسي في رغبة هؤلاء في التعرف على الإسلام
ثالثا..كل إنسان يسدي لغيره معروفا تكون له أهداف...
إما أنه يريد حسن المعاملة في الدنيا وحسن التعايش وتبادل المنفعة فقط
وإما أن يجمع إلى ذلك أهداف أخرى تختلف حسب نيته وهذا لا عيب فيه طالما كانت نيته حسنة وغرضه سليم

الخلاصة أن حسن المعاملة لها أكبر الأثر في توسيع دائرة قبول الإنسان وهذا مما لا خلاف عليه سواء قصد هذا الإنسان ذلك أم لم يقصده

---

الحساسيات مش هتغير التاريخ
والناس فى مصر قبل دخول عمرو بن العاص اتغيروا للسبب اللى د بحرى ذكره ودا لا جدال فيه ولا داعى لإظهار الغضب من المشاركة اللى شايفها بريئة جدا ولا تسئ لأى أحد كان إلا لمحبى الأكشن

بسم الله الرحمن الرحيم

(لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُوَاْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَاناً وَأَنَّهُمْ لاَ يَسْتَكْبِرُونَ)
صدق الله العظيم

اقتباس:

---

المشاركة الأصلية كتبت بواسطة mahora

ده موقف انسانى و التصرف اللى حصل ده طبيعى لانى لو لقيت انسان وقع فى الشارع قدامى وهو ماشى مش هستنى اسأله الاول انت مسلم و لا مسيحى عشان افكر اسعفه و اساعده و لا لأ انما الدافع الانسانى هو اللى هيحكم تصرفى..... الدين مش فاصل بيننا بل على العكس هو جسر تواصل لمن يفهم ان هدف كل دين هو الانسان و سمو اخلاقه و طبيعته الانسانية التى نشترك فيها كلنا قبل وعينا بالدين و المفروض ان يستمر بعد وعينا به.....

---

اقتباس:

---

المشاركة الأصلية كتبت بواسطة John_Samy_1

معلش أنا أصلي شايف الموضوع عادي اصلي طول عمري أنا وصحابي اخوات. بس أنا لفت انتباهي حاجة تانية , كل حرايق البلد سببها ماس كهربائي. أنا بجد نفسي أفهم إيه حل الموضوع ده. أنا حاسس إن شوية والحكومة هتقطع عننا الكهربة عشان موضوع الماس ده. ياما المعمل الجنائي حافظ إن الحريق سببه مس كهربائي. هل احنا متخلفين للدرجة مش عارفين نظبط الكهربا. أصل الموضوع ده مش بيحصل بالطريقة ده في دول بره. ده الماس ده ولع في مسرح العتبة ومجلس الشعب ومصنع جهينة. طب إيه بقى ملوش حال قبل مايولع فأبو الهول

---

+999999999:shine[1]:

اقتباس:

---

المشاركة الأصلية كتبت بواسطة Karim_Mohy

ده شيء طبيعي جداااا وممكن يحصل كل يوم ومابيطلعش في الاخبار

لان ببساطة المصيبة لما بتحصل ماحدش بيفكر ده ديانته ايه

يا جماعة ده الواحد سواء مسلم ولا مسيحي وليه صاحبه من ديانة تانية واتخانق مع حد غريب مش بيفكر وبيتخانق لصاحبه

هي الفكرة ان الامر عادي جداااا......بس الناس بقت حساسة اوي ومستنيه اي خبر حلو.......نظرا لبعض القلة من الفتنة السخيفة اللي بتحصل

ويا رب دايما نقف مع بعض في الخير

وتحياتي للجميع

---

المشكلة الحقيقية ان اى مشكلة بين مسلم ومسيحى تلاقى منشيتات الصحف كلها فى الصفحة الاولى عن الفتنة الطائفية
وخبر ذى دة بيتنشر فى سطرين وبخط صغير علشان ماحدش يشوفة!!!!:_Alshmokh08[1]:

اقتباس:

---

المشاركة الأصلية كتبت بواسطة baskota

بسم الله الرحمن الرحيم

(لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُوَاْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَاناً وَأَنَّهُمْ لاَ يَسْتَكْبِرُونَ)
صدق الله العظيم

---

" لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُوا الْيَهُودَ وَالَّذِينَ أَشْرَكُوا وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ. وَإِذَا سَمِعُوا مَا أُنْزِلَ إِلَى الرَّسُولِ تَرَى أَعْيُنَهُمْ تَفِيضُ مِنَ الدَّمْعِ مِمَّا عَرَفُوا مِنَ الْحَقِّ يَقُولُونَ رَبَّنَا آمَنَّا فَاكْتُبْنَا مَعَ الشَّاهِدِينَ. وَمَا لَنَا لَا نُؤْمِنُ بِاللَّهِ وَمَا جَاءَنَا مِنَ الْحَقِّ وَنَطْمَعُ أَنْ يُدْخِلَنَا رَبُّنَا مَعَ الْقَوْمِ الصَّالِحِينَ. فَأَثَابَهُمُ اللَّهُ بِمَا قَالُوا جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا وَذَلِكَ جَزَاءُ الْمُحْسِنِينَ. وَالَّذِينَ كَفَرُوا وَكَذَّبُوا بِآيَاتِنَا أُولَئِكَ أَصْحَابُ الْجَحِيمِ" (الآيات 82-86 من سورة المائدة)...وهي نزلت في النجاشي ملك الحبشة ومن آمن معه

اقتباس:

---

المشاركة الأصلية كتبت بواسطة John_Samy_1

ماخوات. بس أنا لفت انتباهي حاجة تانية , كل حرايق البلد سببها ماس كهربائي. أنا بجد نفسي أفهم إيه حل الموضوع ده. أنا حاسس إن شوية والحكومة هتق.

---

تصدق برضوا يا جون الموضوع ده غايظني جدا؟؟ و برضوا بنزينة التعاون الي في النزهه كان سببها ماس كهربائي,, مرة بقي يا عمي الشقه عندنا حصل فيها حريقه و احنا مش موجودين, الشرطه جت قالولنا ده ماس كهربائي ماقدرتش بقي امسك نفسي من الضحك ساعتها والله :ma:

يا جماعة عادى الكلام دا فى مصر
الكلام دا تشوفه كمان لما يبقى فى حادثة فى الطريق ولا حاجة تلاقى كل العربيات وقفت والناس نازلة عايزة تساعد اللى فى العربية اللى عملت الحادثة وتطمن عليهم

الأحوة المسيحيين جميعهم احبابنا واخواتنا ... طبيب العائلة ايام طفولتى كان مسيحى وكان ساكن جنبنا وعمره ما تأخر علينا لما كان أى واحد فينا يحصل له حاجة ... وكان بيعالجنا مجاناً وكان بيرفض ياخد فلوس ..... أعز اصدقائى فى الاعدادى والثانوى والجامعة كانوا مسيحيين ومتفوقين ومؤدبين جداً ... أول واحد ساعدنى فى شغلى كان مسيحى ....
مش غريبة عليهم الشهامة والجدعنة بتاعتهم وربنا يديم المحبة بيننا الى الأبد

اقتباس:

---

المشاركة الأصلية كتبت بواسطة بحري

جزاهم الله خيرا..موقف مشكور..
لم يدخل هذا العدد الكبير من نصارى مصر وغيرها في الإسلام منذ عهد عمرو بن العاص إلى يومنا هذا إلا بما ييسره الله سبحانه من حسن المعاملة وبيان الحق

---

دية مشاركت الاخ بحري الاولي و الي تحت دة تعليقي طالما الادارة شايفة مفيش مشكلة في التحدث في مثل هذة الامور, بس هنشوف اذا كان دة متاح لكل الاطراف و لا لاء :
1-انت شايف ان سبب دخول عدد كبير من نصاري مصر و غيرها في الاسلام هو حسن المعاملة, دية طبعا وجهة نظرك و انت حر فيها بس سئوالي هل معلوماتك دية من خلال كتب التاريخ ولا جبتها منين؟؟؟؟
2- مش فاهم تقصد اية ببيان الحق! هل تقصد بيان الدين الحقيقي . لاو دة المقصود مش دة نيل من العقائد السماوية ذي ما مكتوب في قانون المنتدي؟ طب بزمتك لاو مسيحي هو الي كتب العكس مش هيكون في مشكلة!!!!!!!!!!!
3- سئوال علشان تعرف ان كلامك ملهوش علاقة بالموضوع, الراجل بيقول ان اقباط شاركوا بأطفاء جامع و مفيش اي تعليق يسيء الي معاملة المسلمين للمسيحيين . و انت داخل تقول "معاملة المسلمين الحسنة للنصارة" طب هو حد جاب سيرة معاملة سيئة!دة الناس داخلة تقول كلنا اخوات و لا انت عايز تنفي اي حاجة و خلاص عموما انا مش هقول زي ما انت قولت عليا "حجة البليد" و الي علي رأسة" و الامثال دية بس مشاركتك دية مستفزة و في غير محلها بالمرة؟؟؟؟؟؟؟؟؟

سيدي الفاضل احنا كلنا اخوات في الوطن مليش عندك غير حسن و عدل المعاملة و انت نفس الكلام و كل واحد من حقة يؤمن ان دينة هو دين الحق و ربنا الي هيحاسبنا بس نصيحة ليك اتكلم عن دينك بالطريقة الي انت عايزة بس بدون مساس او حتي زكر دين غيرك علي الاقل ادامة لان حاجة من اثنين يأما هيرد عليك و تعمل خناقة ملهاش لزمة يأما هيسكوت و مش هيرد بس هيكون مدايق من كلامك و كدة هتكون ضيعت حسن معاملة الي بتتكلم علية.
علي فكرة صحيح احنا كلنا اخوات و علشان الاخوات بيتعتبوا بقولك الكلام دة و عموما دية اخر مشاركة ليا بس حبيت اوضحلك كام حاجة يمكن تكون غايبة عنك.

اقتباس:

---

المشاركة الأصلية كتبت بواسطة smax

دية مشاركت الاخ بحري الاولي و الي تحت دة تعليقي طالما الادارة شايفة مفيش مشكلة في التحدث في مثل هذة الامور, بس هنشوف اذا كان دة متاح لكل الاطراف و لا لاء :
1-انت شايف ان سبب دخول عدد كبير من نصاري مصر و غيرها في الاسلام هو حسن المعاملة, دية طبعا وجهة نظرك و انت حر فيها بس سئوالي هل معلوماتك دية من خلال كتب التاريخ ولا جبتها منين؟؟؟؟
2- مش فاهم تقصد اية ببيان الحق! هل تقصد بيان الدين الحقيقي . لاو دة المقصود مش دة نيل من العقائد السماوية ذي ما مكتوب في قانون المنتدي؟ طب بزمتك لاو مسيحي هو الي كتب العكس مش هيكون في مشكلة!!!!!!!!!!!
3- سئوال علشان تعرف ان كلامك ملهوش علاقة بالموضوع, الراجل بيقول ان اقباط شاركوا بأطفاء جامع و مفيش اي تعليق يسيء الي معاملة المسلمين للمسيحيين . و انت داخل تقول "معاملة المسلمين الحسنة للنصارة" طب هو حد جاب سيرة معاملة سيئة!دة الناس داخلة تقول كلنا اخوات و لا انت عايز تنفي اي حاجة و خلاص عموما انا مش هقول زي ما انت قولت عليا "حجة البليد" و الي علي رأسة" و الامثال دية بس مشاركتك دية مستفزة و في غير محلها بالمرة؟؟؟؟؟؟؟؟؟

سيدي الفاضل احنا كلنا اخوات في الوطن مليش عندك غير حسن و عدل المعاملة و انت نفس الكلام و كل واحد من حقة يؤمن ان دينة هو دين الحق و ربنا الي هيحاسبنا بس نصيحة ليك اتكلم عن دينك بالطريقة الي انت عايزة بس بدون مساس او حتي زكر دين غيرك علي الاقل ادامة لان حاجة من اثنين يأما هيرد عليك و تعمل خناقة ملهاش لزمة يأما هيسكوت و مش هيرد بس هيكون مدايق من كلامك و كدة هتكون ضيعت حسن معاملة الي بتتكلم علية.
علي فكرة صحيح احنا كلنا اخوات و علشان الاخوات بيتعتبوا بقولك الكلام دة و عموما دية اخر مشاركة ليا بس حبيت اوضحلك كام حاجة يمكن تكون غايبة عنك.

---

كلام حضرتك عقلاني

و مش معناه ان بحري برضه غلط

انا فعلا مش شايف اي تناقض بين كلامك وكلامه

كل واحد مننا مؤمن بأن دينه دين الحق ......ولحد هنا ونقطة لأننا لو عدينا الجملة دي و نفينا الحق عن دين سماوي أخر يبقى وقعنا في الغلط .

و اللي بحري قاله عن اسلام من اسلم من نصارى مصر مش حاجة تزعل اخواننا المسيحيين

هو انا لو عرفت ان مسلم ارتد و اعتنق المسيحية ...هازعل ؟؟

هو حر ..كل واحد حر

و مافيش دين بيقف على ده ولا على ده


الأهم من النقاش ده ..اننا حقيقة واقعة

مسلمين و مسيحيين

بشر نحيا سويا في بلدنا

نتعامل بالخير بدون تفريق و اصحاب و حبايب

و انا والله باقول الكلام عن صدق

خلينا نبص دايما للحتة دي قبل اي حاجة

اقتباس:

---

المشاركة الأصلية كتبت بواسطة ahmed samy

ده عادي ياجماعة

مش غريبة على المصريين اجدع ناس

---

درسنا في المدرسة... في التاريخ
ان المصريين وقفوا وقفة رجل واحد امام العدوان

دايماً بيكونوا واقفين مع بعض وقت الأزمات بس ...
دا اللي انا اتعلمته ....

دلوقتي للأسف...
اتفرج عالشارع المصري عامل ازاي ... محدش طايق التاني

إلا من رحم ربي

اقتباس:

---

المشاركة الأصلية كتبت بواسطة بحري

" لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُوا الْيَهُودَ وَالَّذِينَ أَشْرَكُوا وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ. وَإِذَا سَمِعُوا مَا أُنْزِلَ إِلَى الرَّسُولِ تَرَى أَعْيُنَهُمْ تَفِيضُ مِنَ الدَّمْعِ مِمَّا عَرَفُوا مِنَ الْحَقِّ يَقُولُونَ رَبَّنَا آمَنَّا فَاكْتُبْنَا مَعَ الشَّاهِدِينَ. وَمَا لَنَا لَا نُؤْمِنُ بِاللَّهِ وَمَا جَاءَنَا مِنَ الْحَقِّ وَنَطْمَعُ أَنْ يُدْخِلَنَا رَبُّنَا مَعَ الْقَوْمِ الصَّالِحِينَ. فَأَثَابَهُمُ اللَّهُ بِمَا قَالُوا جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا وَذَلِكَ جَزَاءُ الْمُحْسِنِينَ. وَالَّذِينَ كَفَرُوا وَكَذَّبُوا بِآيَاتِنَا أُولَئِكَ أَصْحَابُ الْجَحِيمِ" (الآيات 82-86 من سورة المائدة)...وهي نزلت في النجاشي ملك الحبشة ومن آمن معه

---

انا عارف اني ممكن اتضرب بس مش قادر امسك نفسي اني اقول ،،،،ايوه كده يا ودييع ....والله كنت لسه قايم اجيب المصحف اطلع الآيه الجميله ديه بس عم بحري سبقني:hlopaet_prv:

تم غلق الموضوع منعا لتحوله عن هدفه الأساسي
مشرف عام .3