الخوف الرهيب من البروتون وعر العرب

**mody2008taher** · 17-05-2010 07:10 PM

اولا انا فى البدايه اخب اوضح انى من اشد المعجبين بماركة بروتون لكن انا لا انتم فى هذا المنتدى الرائع تشكرون بها انا هاحكيلكم على تجربتى تخيلوا انى كل ما اروح معرض واقوله عايز بروتون يقولى ابعد عنها حتى فى المصريه للسيارات طبعا اسئلهم ليه وبالمناسبه انا لفيت تقريبا على ما يقرب من 50 معرض تخيلوا ان ولا معرض شجعنى على شرائها المهم يقلولى توكيلها اسوء توكيل فى مصر ده خلى الناس تبعد عنها ولو اشترتها تبقى لبست يا معلم هاتشوف اللى عمرك ماشوفته مع عز العرب طبعا غير انك لو فكرت تبعها ده اذا عرفت هاتخسر فيها جامد اوى اتمنى اى حد فى المنتدى يوصل الكلام ده للمسؤلين فى التوكيل لان اللى بيحصل تقصير منهم رهيب وبيهدد عرش بروتون فى مصر واتمنى انكم تدونى النصيحه فى شراء الجين2 وانا اسف انى طولت عليكوا بس انا صعبان عليا العربيه دى اوى بس توكيلها اللى مدمرها دى لو كان توكيلها غبور او كيا موتورز كانت بقت انجح عربيه فى واسف مره اخرى للاطاله

**powerofhelll** · 17-05-2010 07:22 PM

حضرتك ممكن تسال الاعضاء الي بيمتلكوا العربيه و ليهم تجارب حقيقيه مع التوكيل و انت تعرف الحقيقه نصيحه اوعي تصدق كلام المعارض

**eng.m7md.ali** · 17-05-2010 07:30 PM

بعد تجربتي لتوكيلين عز العرب ومنصور
اقدر اقول ان عز العرب احسن بمراحل كبيرة اوي
ده كفاية ان غبور ومنصور بيستخفو بعقول العملاء اذا حد اشتكى من بعض الاصوات عارف هيقولو ايه؟؟
(مفيش اصوات ده بيتهيقلك) وعن تجربة مريرة سابقة والله مع الافيو

**Ahmed.Ali** · 17-05-2010 07:41 PM

انا شايف ان عزوز لطيف مش معملش معايا مشاكل حتي الان و انا عامل 18000 كيلو و العربيه مقلتش اصلها معايا و الحمد لله علي الرغم من نوبات الهبل الي بتجيلي علي الدائري

**mangere90** · 17-05-2010 08:03 PM

السلام عليكم ورحمة الله وبركاته

بس حبيت اوضحلك حاجه حصلت معايا تعتبر زي اللي حصل معاك بالظبط , انا اول مره شوفت
فيها الجين 2 كانت مع صديق ليا مهندس معماري وصديقي ده ليه اراء خاصه بيه لوحده كده ,
ركيتها منه والعربيه عاجبتني اوي بجد , انا ركبت اوبترا وركبت افيو ويعتبر ركبت معظم الكوري
طبعا هناك فرق شاسع مابين الكوري والجين 2 , فققرت اشتريها حتي ماكنش ليا صله بالمنتدي
خالص والدي راح كلم واحد صديقه صاحب معرض واول ما بلغه انه هيجيب بروتون قالو لأ اوعي
تجيبها دي قطع غيارها خاليه ومش موجوده واعادة البيع مافيش لالا ابعد عنها اركب لانوس
نوبيرا اوبترا , انا صممت رأي وجبتها علشان العربيه عجباني كا أمكانيات مش الحاجات اللي بيقول
عليها دي , ( وبعدين فهمت ان كل صحاب المعرض بياخدو رأيهم علي السمع يعني ايه العربيه اللي
مشهوره وماشيه اكتر في السوق ويبعها هو بيتكلم من مبدأ تجاري ومتهمهوش بقي العربيه حتي لوكانت صيني المهم مبيعاتها ) , وعارف بعد ماجبت العربيه وشافها وركبها هو كمان عجبته اوي
وبعديها اشتري واحده وهو اصلا توكيل سوزوكي , وقطع الغيار موجوده بره التوكيل عادي زي اي
عربيه في اكتر من 25 محل علي مستوي مصر بيبعو قطع غيارها وطبعا هتنتشر كل ماتنتشر السياره واظن العربيه انتشرت عن الأول كتير , يعني صديقي اشتراها ومكانش حد عارف عنها حاجه. وبعدين بالنسبه لأعادة البيع انا شايف ان ده الطبيعي العربيه بتعمل 85000 لما تيجي تبيع
بتعمل من 60000:75000 علي حسب الموديل والحاله والكيلو متر عادي اي سياره بتنزلها 20000الف في اعادة البيع .

يارب يكون كلامي اقنعك وطمنك وطبعا القرار يرجعلك في الأخر

**midosalah** · 17-05-2010 08:06 PM

ادخل حضرتك منتدى شيفرولية وكيا وهيونداى واتفرج على تجارب العملاء مع التوكيلات انا مش بشكر فى عز العرب بس عايز اوصللك وجهة نظرى
انا شايف ان عز العرب مستواه متوسط او جيد وان لم يكن فتقريبا كل التوكيلات الى فى مصر سيئة
وفعلا متسمعش كلام المعارض صدقنى مفيش معرض هيبقى همو مصلحتك انت ومصلحتو هوا لا
اتفرج على تجارب الاعضاء فى كل الاقسام وقرر وانا من راى لو حابب تجيب جين2 العربية هايلة

**batoot556** · 17-05-2010 08:27 PM

حضر تك توكيل عز العرب يعتبر البافارية بالنسبة لغبور او منصور

**mby** · 17-05-2010 08:33 PM

http://www.nilemotors.net/Nile/147750-a.html

**eng.m7md.ali** · 17-05-2010 08:54 PM

علة فكرة انا طلع عيني علشان اجيب الواجا لاني مفيش معرض رضي يجيبهالي مش علشان مصلحتي لا ده علشان مكنش هيعرف يجيبها بالسعر اللي هيجيب بيه النيو اكسنت او السيراتو مثلا

**abdoumahros** · 17-05-2010 09:03 PM

السلام عليكم
كلام حضرتك عن المعارض مظبوط بس عارف ليه؟ لانهم موش عارفين يحصلوا عليها والعربيه موجوده بس في التوكيل والموزعين المعتمدين
تعالي نحسبها سوا اولا بالنسبه للعربيه نفسها اداء ممتاز وثبات وشكل رائع والعربيه فرضت نفسها علي السوق المصري رغم انها ماتعملش ليها دعايه ده معناه ايه.؟
بالنسبه لقطع الغيار ارخص بكتير من الاوبترا والافيو ومعظم الهايونداي وبقت متوفره جدا الاصليه والبدائل وكلها بسعر معتدل جدا .
اما اعده البيع ياريت حضرتك تتمشي لحد سوق العاشر وانت هاتلاقي اي حد بيعدي ببروتون السماسره بيشاوروا ليه وعموما كداب اللي يقولك ان مافيش عربيه بتخسر في اعاده البيع وصدقني كله زي بعضه
حاجه كمان لو العربيه موش كويسه وليها مستقبل ما كانش محلات قطع الغيار جابت ليها قطع غيار اصليه وبدائل
الناس دي موش بترمي فلوسها علي الارض. واخيرا توكيل عز موش ممتاز لكن جيد وافضل بكتيير من منصور وغبور واخيرا عندك اصدقاء بروتون لكافه الاستشارات المجانيه

الموضوع: الخوف الرهيب من البروتون وعر العرب

LinkBack

أدوات الموضوع

عرض

-

-

-

-

-

-

المواضيع المتشابهه

ملاك البروتون ساجا افيدونى ,,, ورودا قسم البروتون ...!!

هل البروتون إكسورا ال suv نزلت عند عز العرب فعلاً

سؤال عن عز العرب مش عن البروتون

( saga ) روحت امبارح عز العرب فرع مدينة نصر عشان الساجا , و زعلان من سياسة عز العرب

العرب العاربة والمستعربة (العرب ليسو عرق بشري إنما قومية لغوية)

الكلمات الدلالية لهذا الموضوع

المفضلات

المفضلات

ضوابط المشاركة