السلام عليكم
كنت عايز اجيب باركنج سنسور للفلوانس و كنت عايز اسأل حضاراتكم شوية اسئلة: :U_thin1[1]:
- هو ينفع اصلاً اركبه و لا الموضوع فيه لعب فى الكهربا والعربية تطلع من الضمان ؟؟؟؟
- طب لو ينفع أجيبه منين و بكام و اركبه فين ؟؟؟؟؟
عرض للطباعة
السلام عليكم
كنت عايز اجيب باركنج سنسور للفلوانس و كنت عايز اسأل حضاراتكم شوية اسئلة: :U_thin1[1]:
- هو ينفع اصلاً اركبه و لا الموضوع فيه لعب فى الكهربا والعربية تطلع من الضمان ؟؟؟؟
- طب لو ينفع أجيبه منين و بكام و اركبه فين ؟؟؟؟؟
ركب الأصلي بتاع التوكيل أفضل ,,, عشان العربية ماتطلعش من الضمان ,, وعشان تضمن الحاجة راكبة صح
أنا اتهورت لما كان عندي الميجان وركبت واحد برة التوكيل ابو 4 حساسات ورا و2 في الامام ,, الصنايعي بهدله وما عرفش يركبه مظبوط
وندمت على المصاريف كلفني حوالي 500 ج وبتاع التوكيل كان بحوالي 700 ج وقتها
جيبو من عند ادريان نضيف و كويس و فاهمين شغلهم و ملوش دعوة بضفيرة الكهرباء الفكرة كلها انو بيقشر الcover الخارجي (حتة صغيرة جدا) بتاع سلك المارشدير و بيلف عليه سلك الباور بتاع السينسور و يلفو بشريط لحام و خلاص على كدة
يا دكتور العربية لسه جديدة مفيش داعي حد يلعب فيها ....... أستني شوية و على التوكيل عدل
متابع مع حضرتك باهتمام
لاني عايز اركب واحد برده
انا سألت فى التوكيل على الباركنج سنسور الاصلى قالولى انة للاسف مش موجود و قدامة شوية وقت عقبال ما يوفروة كأكسسوارات لكنهم ممكن يركبوا نوع بديل
بس بصراحة انا ما حبتش اركب حاجة غير الاصلى حتى لو فى التوكيل و علشان كدة انا قررت الانتظار لما الاصلى يبقى متوفر اشوف سعرة حيكون كام ولو فى المعقول اركبة انا عارف انة فى الغالب حيكون غالى جدا بس الاصلى اصلى بردة
انا ركبنو و انا عامل حوالي 300 او 500 كيلو مش فاكر
و في حاجة نسيت اققلها ان التوكيل انت ممكن تجيبلو السينسور و هما يركبوه بس بياخدو تقريبا مصنعية 350 جنيه ده كان في اللوجان من 8 شهور
في نوع تايواني تجميع مصري و عليه ضمان ٣ سنين و ثمنه ٢٠٠ جنيه اسمه سيمفوني و في منه الوان جاهزه .. مركبه في السيينا و قوي جدا و حساسيته عاليه ... انا معرفش شكل السوكيت بتاع نور المرشدير بتاع عربيتك شكله ايه ..بس في نوع من السوكيت بيتركب بدون قطع او تقشير في الضفيره ..لو النوع ده عندك ،محدش هيقدر يفتح اي كلام معاك في التوكيل
كلام حضرتك مظبوط بس بصراحة انا ما سألتش على التفاصيل الخاصة بالبديل لانى ناوى استنى الاصلى لما يبقى متوفر و اشوف تكلفتة حتبقى كام بس على ما اتذكر الراجل اللى كنت بكلمة قال ان البديل فى حدود 700 جنية و حيتحطلة شاشة على التابلوة و مش حينفع يشتغل على شاشة العربية زى الاصلى
معلومة صغيرة للتوضيح قبل الشراء.
الفرق بين بتاع التوكيل و بتاع السوق غير نظافة الخامات هى أقل مسافة يقدر السينسور يستشعرها.
فكرة السينسور قايمة على الsonar و الecho أو صدى الصوت و أقل مسافة يمكن أن يميزها السينسور فى أنظف موديل هى 20 سم من إكصدام العربية و دى هتدى صفارة إنذار متصلة...أقل من 20 سم مش بيقدر يميز الفرق بينها و بين ال20 سم.
بالنسبة للأنواع الأخرى العادية أقل مسافة بيقدر يميزها هى 30 سم.
اللي أعرفه إن الأصلي صوت بس، حتى اللي بينزل مع الفئه ١٥٨٠٠٠
أنا شايف أن أحسن حاجه أنك تشترى أحسن نوع من خارج التوكيل وبعدين توديه التوكيل يركبوهولك
Dear Dr. Dido,
Reference to your request kindly note that now I called and told me that this sensor will be available with 2 weeks ISA
Thanks
BR
جزيل الشكر على مشاركتكم و على تعاونكم الكريم و جزاكم الله عنى خيرا،انا كل مادا بحبكم اكتر :8_8_13:
اية نظام الكاميرا اللى بتركب فى الخلف و توريك كل اللى ورا
دى ممكن تركب فى التوكيل ولا صعب و يترى تكلفتها كام