عرض للطباعة
بدون اي مقدمات---- انا كنت ماشي بالعربيه عادي خالص فجأه لقيت في دخان من التابلوه وكان قريب من مفتاح الكونتاكت
طبعا بطلت العربيه واستنيت لما الدخان انتهى وبعدين شغلتها عادي خالص بس لما ركنت وجيت ابطل العربيه لقيتها لسه شغاله مع ان المفتاح في ايدي...فخمنت ان مفتاح الكونتاكت يكون علق ولا حاجه
الخلاصه اني فصلت العربيه من الاسبرتير وفصلت البطاريه ومستني لما افضى واروح لأي كهرابائي
سؤالي بقى>>>>>1- ايه سبب الدخان 2-هل علاجها بسيط ولا لازم اروح لكهربائي؟؟
اكيد طبعا لازم تروح للكهربائي
ممكن تكون الفيشة بتاعت الكونتاكت باظت
قفله في الضفيره في سلك الكهرباء العمومي .. حصل نفس الحكايه معايا في البي ام بتاعتنا علي طريق المطار و انا مسافر بورسعيد ..بصيت لقيت التابلوه زي ما تكون ولعت فيه كده و الدخان ملا العربيه .. ابطل مافيش فايده .. اشيل قطاش البطاريه لسه دايره برضه .. و العربيه اوتوماتيك ماببتبطلش علي الغيار .. كنت باروح اشد سلك الموبينه (مجنون انا جداً :d ) .. لفيت علي كهربائي مالقيتش حد رضي يعملهالي (كان الجو متاخر) .. فضلت مكمل بيها لحد بورسعيد ..
نزلت هناك سيبتها لكهربائي معرفه ... قلتله اتعامل ..
طلعلي ضفيره التابلوه مطبوخه في بعضيها .. مافهاش سلك باينله معالم .. و كل ده من سلك الكهرباء العمومي اللي تحت التابلوه !
انت تسيبك من النت دلوقتي و تروح لكهربائي يشوفلك ايه الحكايه تحت التابلوه
اقتباس:
المشاركة الأصلية كتبت بواسطة al_manara
اقتباس:
المشاركة الأصلية كتبت بواسطة Xpert
هههههه ...ربنا ميحرمنيش منكو ابدا ..وربنا يجيب العواقب سليمه
كده العيب فعلا في فيشه الكونتكت روح لكهربائي سريعا و يستحسن نك تبعت تجيب واحد و يا اما حيغير لفيشه يا اما حتجيب كونتاكت جديد
فعلا اغلب الظن فبره كونتاكتاقتباس:
المشاركة الأصلية كتبت بواسطة hazem_khidr
المارش هتلاقية معلق وكويس انك فصلتها بسرعة علشان ميتحرقش وإن شاء الله خير
متشكر جدا جدا ياجماعه
والله انا مكنتش متخيل الاهتمام بالموضوع....على العموم جزاكم الله خيرا جميعا