أنا عندي سيارة ريجاتا 84 يا ريت حد يدلني لو حبيت أعمل الزجاج كهرباء يتكلف كام المصنعية بالاضافة للأشياء التي سيتم تركيبها (شامل كل شئ)
عرض للطباعة
أنا عندي سيارة ريجاتا 84 يا ريت حد يدلني لو حبيت أعمل الزجاج كهرباء يتكلف كام المصنعية بالاضافة للأشياء التي سيتم تركيبها (شامل كل شئ)
250 ج عند واحد في الهرم كان واحد صاحبي ركب عنده بس مكن بتاع كيا مش بتاع الريجاتا عشان غالي مووت و بلاستيك مش معدن
السعر ده بالنسبة لأربعة أبواب وأنا مش فاهم يعني إيه غالي موت يعني المكن اللي في الكيا غير الريجاتا ويا تري المكونات اللي بتركب عبارة عنإيه
معرفش المكونات
مكن الكيا بيركب مكان مكن الريجاتا و ارخص منه بكتير-تقريبا مكنة الريجاتا الواحدة ب سعر مكنتين كيا
اخى الكريم
اعتقد انه لا يوجد فى السوق ماكينات زجاج جديده للريجاتا او الدوجان لانهم موديل قديم
انصح حضرتك بشراء مكن زجاج كهرباء استعمال استيراد الخارج من الحرفيين
عن تجربه شخصيه : سيارتى الريجاتا كان بها زجاج كهربائى امامى و انا ركبت لها مكنتين خلفيتين ووحدة رفع لكى يكون فيها 4 زجاج كهرباء يقفلوا مع الانذار زى العربيات الجديدة
اشتريت الماكينه بـ 200 جنيه من واحد اسمه محفوظ فى الحرفيين بناء على نصيحه كهربائى معرفه
و اشتريت وحدات الرفع من التوفيقية من واحد اسمه هشام لهيطه مشهور جدا بـ 100 جنيه
و ركبتها عند نفس الكهربائى ( اسمه عادل فى الطالبية و انت رايح كفر طهرمس بعد رئاسه حى الهرم على اليمين) و اخذ على التركيب سبعين حنيه و عشره جنيه شاى (!!)
ملاحظة هامة : الكلام ده كان سنه 2006
حاليا اعتقد و الله اعلم ان ثمن الماكينتين حوالى 400 -450 جنيه انت و شطارتك معاهم
و خذ بالك ان الماكينه المقص اللى بيرفع الزجاج فيها بلاستيك لابد ان تختبره لحسن يكون مشروخ
و خذ بالك كمان انك تاخذ الكاوتشات اللى بتمسك الزجاج مع الماكينه و لو قالك مش موجودين متشتريش لانهم لا يباعوا لوحدهم ابداً
و انصحك ان تشترى ذراع باب دوجان مزود بازرار التشغيل و الدائرة لتركبه و توصل عليه الماكينه فى كل باب بدلا من اللعب فى الكهرباء بعمل زرار فى التابلوه للزجاج الذراع كان ثمنه وقت ما اشتريت اربعين جنيه (الله اعلم كم ثمنه الان) و ستقوم بفك زراع الباب و تركب ذراع الدوجان مكانه (تقريبا نفس المقاس لكن لن يكون مايل مثل زراع باب الريجاتا)
لو تريد المزيد من المعلومات او عندك اى سؤال حول الريجاتا انا تحت امر حضرتك
طيب يا باشا ما بدا ما يدفع 450ج في مكن الريجاتا ما يجيب مكن كيا ارخص و جديدة مش استيراد
طب لو سمحت ممكن اعرف المكان الي بيبيع مكن الكيا الجديد و بكام و هل ممكن بتاييف لعربية تانية زي الاستيراد
هسال صاحبي و ارد عليك ان شاء الله