الموضوع: اعمل ايه في المخالفة دي ضروري

المشاركة الأصلية كتبت بواسطة mo7a_mo7a

ونصيحتي خليها قبل التجديد ب 4 او 5 شهور علشان تبقي بالمرة لو في حاجة تانية لا قدر الله
وعلي ما تاخد ميعاد جلسة ويطلع حكم حيكون جه ميعاد التجديد

لأ دا لازم تبقى على التجديد لان لو الجلسة حددوها بدرى و لسة فى وقت على التجديد يبقى لما يجى يجدد مش حايعرف يعارض تانى .. يعنى ياخد تصريح افضل لانه لو مثلا عليه 3000 جنيه و القاضى نزلهم ل 600 جنيه .. و بعدين جه يجدد بعد شهر لقى عنده مثلا 2000 جنيه مخالفات قديمة اتوردت متاخر لما جه يجيب شهادة مخالفات مش حايعرف يعارض و حايضطر يدفعهم .. فميزة انه يعارض فى اخر وقت ان المبلغ اللى القاضى حايحدده حايندفع و يجدد على طول قبل ما تيجى مخالفات جديدة

المشاركة الأصلية كتبت بواسطة gebreel

يا جماعة كان في موضوع على ان الكشف على المخالفات على الحكومة الاكترونية اشتغل من جديد فدخلت و كشفت على العربيتين

عربية معلهاش حاجة الحمد لله و الثانية لقيت عليها مخالفة سير عكس الاتجاه و تعطيل حركة المرور ب 1300 جنيه و اللي يغيظ اني معملتهاش

ده حتى علشان اروح الشارع اللي ورانا ممكن اخدها عكس مسافة عمارة واحدة و مع ذلك بروح لاخر الشارع و لافف و راجع تاني علشان مخدهاش عكس

عمري ما ركنت عربيتي صف ثاني و انا مش فيها

الموبايل بتكلم منو في السماعة

الحزام مبعرفش اسوق من غيرو

السرعات بحاول التزم بيها

مخالفات مش بتاعتي و في بلاد مش بتاعتي ب100 و 200 جنيه و مبعملش مشاكل و بدفع و انا ساكت يبقى ده جزاتي اني ملتزم و ماشي كويس و مبخالفش بقدر الامكان و حتى لما دفعوني مخالفات مش بتاعتي دفعت يقومي يجيبولي مخالفة ب1300 جنيه:i_angr1[1]::i_angr1[1]::i_angr1[1]::i_angr1[1]::i_angr1[1]::i_angr1[1]:

انا تجديدي في يناير 2012 و بصراحة من امبارح محروق دمي و فعلا فعلا مش عارف انام من اني حاسس اني مظلوم و ان حرام ادفع ثمن مخالفة مش بتاعتي او واحد معندوش ضمير كتب نمرة عربية ثانية و اتظرف ال20 جنيه راح مفبركها على نمرتي

ايه العمل دلوقتي ؟ انا بفكر اني اروح اطلع شهادة مخالفات و اتظلم و اشوف ايه اللي هيجرى مع وكيل النيابة و واحد صاحبي يعرف حد في المرور كلمو قالو خليه يستنى وقت الترخيص اعمل ايه قولولي

حسبي الله و نعم الوكيل

بص يا معلم خير الكلام ما قل ودل
" ادفع بالتي هي احسن "
الموضوع دة حصل مع واحد صاحبي واخد عكس الاتجاة ومحمول في الاسكندرية وبيحلف انه ما راحش اسكندرية من خمس سنين ، وعمل كل حاجة ممكن تتخيلها لدرجة انه جاب شهادات من شغلة وشغل مراته تثبت انهم كانوا في اشغالهم بالقاهرة يوم المخالفة دي ، راح وكيل النيابة قالة كويس انتم الاتنين كنتم فعلا في القاهرة هاتلي شهادة بقى تقول ان العربية هي كمان كانت في القاهرة .
راح دافع على طول علشان يخلص
وربنا يسترها عليا وعلى الجميع من شر ولاد التيييت اللي بياخدوا النالس مخالفات بالغلط

المشاركة الأصلية كتبت بواسطة gebreel

حسبي الله و نعم الوكيل

السؤال بقى هل ممكن اعرف المخالفة دي اتعملت فين بالظبط لأنه كاتب على الموقع مدينة نصر فانا عاوز اعرف فين بالظبط في مدينة نصر علشان انا بدأت اشك في نفسي و الله او اني دخلت في شارع غلط بدون ماعرف لأن فكرة الظلم دي نفسها مش قادر اتقبلها

ياريت والله - هل ينفع فعلا أعرف المخالفة كانت فين

أنا حاليا بجدد برضه الرخصة - وأثناء السنة الي فاتت كل مخالفاتي كانت عبارة عن مخالفتين سرعة وسددتهم فوري - وفوجئت وانا بأطلع شهادة المخالفات اني عندي مخالفتين ب 600 جنيه يعني مخالفتين سرعة برضه - معقولة صدفة يعني - مش ممكن خلال السنة أقف بمخالفتين سرعة وبالصدفة مخالتفين برضه بس من غير لجنة ولا تصالح

أنا الشك هايقتلني اني كده دفعت المخالفتين دول مرتين - مرة فوري ومرة في التجديد - فهل ينفع أسأل المخالفات بتاعتي مكانها فين أو طبيعتها إيه أو أي معلومات عنها غير الورقة العجيبة بتاعة عدد الأحكام والقيمة الاجمالية دي ..؟؟؟؟

بص من الاخر مفيش حل فعا عن تجربة لان انا برضة جتلى نفس المخلفة و بنفس السعر ولفيت كتير ودوخت و تظلمات وقرف و برضة مش بينزلة اى حاجة ودخلت لوكيل النيابة قلى السير عكس الاتجاة مش بيتخفض خالص ولا اى حد يقدر يعمل فى حاجة