عرض للطباعة
من فضلكم عايز نصايحكم في البيرسونا ان كانت واسعه من جوه وتشيل عيله ولا لأ وهل اللوجان هتكون افضل خصوصا في موضوع الوسع الداخلي وبالذات انا عندي عيله كبيره ولا اضحي بنقطة الوسع ديه في مقابل ان يكون معايا عربيه فخمه زي البيرسونا
انا ديه اول مره اشتري فيها عربيه وتقريبا لسه بتعلم السواقه وكنت ناوي علي البيرسونا الهاف اوبشن
والف شكر لأحلي منتدي في نايل موتورز
لا يوجد وجه مقارنة اذا صح التعبير المقارنة تكون بين الساجا واللوجان
البيرسونا فئة أعلى
يا باشا اللوجان تقارنها بالساجا مش البيرسونا
البيرسونا اعلى بكتير ده غير فرق الفئة السعرية و السعر
و البيرسونا ابعادها الخارجية 4.477 متر طول ×1.725 متر × 1.438 متر ارتفاع طبقا للبرشور واعتقد انها اكبر من اللوجان
وربنا يوفقك
الصالون واسع ومريح والشنطة بحر يعني عائلية جدا بالإضافة للشكل الرياضي (ما شاء الله)
وانزل أي معرض اتفرج واحكم بنفسك
+11111111111اقتباس:
المشاركة الأصلية كتبت بواسطة midosalah
فين الحيرة في الحالة دي ؟؟
اقتباس:
المشاركة الأصلية كتبت بواسطة ahmedfathy77
يا جماعة الراجل محتار وعاوز المشورة فيما بين وسع اللوجان وخصوصاً في الكنبة الخلفية .. وبين أن البيرسونا كفئة وإمكانيات أعلى .. مش بيقارن عربيتين في فئة واحدة .اقتباس:
المشاركة الأصلية كتبت بواسطة eng_ahmedryad
وبالنسبة للأخ صاحب الموضوع .. أنا لو منك بيرسونا على طول من غير ما أفكر .. وشهد شاهد مش من أهلها .. يعني أنا لا معايا بروتون ولا لوجان
+111اقتباس:
المشاركة الأصلية كتبت بواسطة midosalah
طبعا اكبر فى كل حاجه لان الجين الهاتشباك عائليه :3_3_102[1]:
ربنا يوفق
لو الموضوع موضوع ابعاد ووسع
الطول: اللوجان 4250 سم البرسونا 4477 سم
العرض: اللوجان 1750 سم البرسونا 1725سم (اللوجان اعرض)
الارتفاع : اللوجان 1540 سم البرسونا 1438 (اللوجان اكثر ارتفاعا)
قاعدة العجلات: اللوجان 2640سم البرسونا 2600 سم (اللوجان قاعدة عجلات اكبر)
الشنطة: اللوجان 510 لتر البرسونا 430 لتر (للتقريب شنطة اللوجان هي فعلا عرض مترx متر x نص متر
استهلاك البنزين اللوجان 5.8لتر/100 كيلو (استهلاكي الفعلي) , البرسونا 6.7 لتر /100 كيلو (استهلاك البروشور)
اللوجان من جوا اوسع, سواء امامي او خلفي احساس ان السقف عالي فوق راسك بيدي وسع للصالون , الكنبة الخلفية وسع حقيقي, احساس بعلو الكرسي عن الارض
البرسونا افخم, تبدو أغلى من سعرها , ثبات اعلى , اضيق, احساس امامي بالسيارات الرياضية ان الدركسيون قريب منك, احساسك بقربك من الارض
بس !
لا يوجد مقارنة طبعاً ... مع إحترامي لملاك اللوجان
بس بجد ..بعيداً عن الأداء اللي مجربتهوش... لكن لو قعدت جوة العربية اللوجان.. هتحس انك قاعد في عربية عتيقة...
بعض الحاجات المنفرة جداً ليا شخصياً (احب اقولها عشان مش بتبان غير بعد الشراء):
-كلاكس في دراع النور
-زراير الإزاز الكهربا في الكونسول اسفل مفاتيح التكييف و التحكم في اللي ورا من عند الهاند بريك
-عشان تفتح تانك البنزين لازم بالمفتاح !
-لو اديت إشارة يمين او شمال ... الإشارتين بينوروا في لوحة العدادات!!
هي فعلاً اوروبي... بس من زمن الـ504 و 131
لا داعي للحيره فرق التكنولوجيا شاسع بين السيارتين
بيرسونا على طووووووووووووووووووول
ومش ضيقه خالص على فكره وممكن تشوف الواجا بردو عائليه اكتر
لكن لو معاك سعر البرسونا والواجا يبئا حرام عليك تجيب لوجان
اعتقد المقارنه بين البيرسونا والسيمبول في الماركتين بس برضه مش الفئتين عشان البيرسونا موتورها 1600
لكن اللوجان فعلا زي الاخوة ما بيقولوا تتقارن بالساجا واعتقد الساجا تكسب
البرسونا يا باشا و لو حابب تشوف وسعها ممكن تركبها و تجرب بنفسك
أكتر حاجتين بيخنقوني في اللوجان .. على الرغم من أنها عربية محترمة (بالنسبة لوجهة نظر ملاكها) بالنسبة لسعرها .. وأحب أضيف حاجة تانية هي تافهة بس كشكل جمالي حركة نص كم ألا وهي مفتاح الباب معمول في الصاج مش في أكرة الباب .اقتباس:
المشاركة الأصلية كتبت بواسطة m.osman
مقارنة غير عادلة البيرسونا فئة اعلى من اللوجان
بيرســـــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــونا
الحاجه الوحيدة اللي كويسة فى اللوجان هي موضوع استهلاك البنزين و ان بيتحطلها اي نوع بنزين حتى الـ80 و ده اللي موجود فى الرفيوهات بتعتها بره، غير ان حرام تتقارن بالبرسونا او حتى الساجا
يا جماعه انا بجد متشكر جدا علي نصايحكم وان شاء الله هروح احجز في التوكيل النهارده او بكره بالكتير عالبيرسونا
1000 مبروك مقدما و ربنا يباركلك فيها إن شاء الله
مبرووووووك مقدما واهلا بيك فى العائله :S_thum1[1]:اقتباس:
المشاركة الأصلية كتبت بواسطة OOOKA
ربنا يوفق
الف مبروك يا باشا والبرسونا عربيه محترمه جدا ماتور وعفشه وصاج وعمر افتراضى وتسارع وقدره حصانيه
من وجهه نظرى تكتسح الفئه بتاعتها تماما
وهى اساسا فئه اعلى من اللوجان وأنا ايام ما كنت بشترى لو كانت قطع غيارها منتشره زى دلوقتى كنت اشترتها لان فلوسها كانت معايا
بس ما يمنعش أن اللوجان فيها بعض المميزات هتتفوق فيها - أنا عارف أن كلامى مش هيعجب بعض الناس بس ألى مش عجبه يقولى السبب
استهلاك البنزين ( اكيد هتكون ميزه فى أى عربيه فى فئه اقل )
والوسع الداخلى (البرسونا مش ضيقه بس اللوجان اوسع )
والتقفيل
والتوكيل
والارتفاع عن الارض ( البرسونا مش واطيه بس اللوجان اعلى )
هو اخونا ربنا كرمه وخلاص خد قرار البرسونا يعنى الموضوع خلصاقتباس:
المشاركة الأصلية كتبت بواسطة m.osman
بس يا ريت يا باشا توضح اى اساس علمى بنيت عليه كلامك غير حكايه كلاكس والكلام ده عشان مفيش حد مش هيشترى عربيه عشان نور الاشاره فى التابلوه بينور لمبه واحد مش لمبتين
+99999999999اقتباس:
المشاركة الأصلية كتبت بواسطة ehabsharaf
اسمحلى اعقب على كلامك هوة طبعا حضرتك مقتنع ان البرسونا افضل فى كل شىء باستثناء النقاط دى مظبوط بس انا ليا راى فى النقاط دى تحديدااقتباس:
المشاركة الأصلية كتبت بواسطة zkralla
استهلاك البنزين مينفعش نقول لان الفئة اقل لان هنا مينطبقش بند الفئة اقل لان السعة اللترية واحدة هوة السعر اقل علشان الجمارك ولو مكنش فى جمرك كان سعرها اختلف كتير واكيد حضرتك عارف مش الموتور لان كل واحد فيهم 1600 واعتقدا ان الاستهلاك حيكون متقارب لتقارب السعة اللترية وحيعتمد الاول والاخر على طبيعة السواقة
الوسع الداخلى انا معاك ان اللوجان تكاد تكون اوسع عربية فى الفئة دى كلها (1600)
التقفيل هوة التقفيل بتاع البرسونا مالوا يباشا على فكرة التقفيل العربيتين من وجهة نظرى المتواضعة متقارب جدا لان نفس الخامات (كلة بلاستك حتى البومة والنيو اكسنت كل دة بلاستك لونة بيختلف مش اكتر ولا اقل لكن لو جينا نبص على شكل التابلوهين ودى ازواق بردة انا ممكن ارجح تابلوة البرسونا لانة شكلة احلى ولية طابع رياضى ومختلف مش حاجة تقليدية (بردة وجهة نظرى فى حد تانى شايف ان اللوجان احلى كتير عادى جدا )
التوكيل طبعا متحرم مفيهاش كلام
الارتفاع عن الارض بيتهيالى دى مش ميزة فى اللوجان انها تكون اعلى لان البرسونا مبتحكش فى المطبات ومش عالية علو اللوجان وبالتالى حتكون ثابتة على السرعات على النقيد اللوجان حتتاثر جدا بارتفاعها على السرعات (بعد 120 ) وبالتالى الميزة حتنقلب عيب (من رائى معلينها زيادة شوية )
تحياتى ليك وعلى فكرة انا بحترم اللوجان جدا وبحب شكلها جدا وربنا يباركلنا فى كل عربياتنا
فككاقتباس:
المشاركة الأصلية كتبت بواسطة zkralla
أنا متفق مع حضرتكاقتباس:
المشاركة الأصلية كتبت بواسطة mido_soliman
بس استلهلاك البرسونا اعلى فى البنزين شويه فعلا وده طبيعى (يعنى ماهى البيكانتو اكيد هتستهلك بنزين اقل من السيراتو مع فرق شاسع فى الفئه واكيد ده مش هيقلل من السيراتو واكيد البيكانتو هتاخذ مساحه ركن اقل وهيبقى ركنها ايسر فهل ده ييخلينا نقول البيكانتو احسن هههههههه اكيد مش ممكن كل عربيه منهم بتخاطب فئه معينه من المستهلكين عشان كده اكيد المقارنه مش وارده زى وضع المقارنه بتاعتنا )
موضوع علو العربيه عن الارض فهقول لحضرتك حاجه حلوه قوى
رغم أنك بتقول أن الارتفاع زياده بس والله أنا ساعات بحك فى مطبات(ثلاثه مرات لغايه دلوقتى ) فالعربيه - رغم انها بتتباع فى معظم دول اوربا واولهم فرنسا نفسها - لكنها فى الاساس مصممه للطرق المتميزه بتاعه دول العالم الثالث وعلى فكره الارتفاع مش مأثر على ثبات العربيه - طبعا مش هاقارنها بثبات البرسونا الى هى اصلا عفشتها رياضيه - لكن ثبات اللوجان حتى 150 ممتاز والعربيه بعدها ثابته برضه بس بتحس انها خفيفه فتخوفك ( عن نفسى فى ناس مش بتفرق معاها وبتقرص )
موضوع التقفيل باقصد تقفيل العربيه مش قاصد خامات التابلوه والصالون
+11111 وانا اتفق مع حضرتك تحياتىاقتباس:
المشاركة الأصلية كتبت بواسطة zkralla
انتو نسيتو حاجه مهمه توكيل البروتون سيئ على العكس من توكيل الرينو افضل بمراحل عن عز العرب
قطع الغيار مش متوفره للبيرسونا زى اللوجان
اقتباس:
المشاركة الأصلية كتبت بواسطة zkralla
اقتباس:
المشاركة الأصلية كتبت بواسطة M.Osman
لو هتشتري البيرسونا يبقى هاتها فول اوبشن عشان ما مستقبلاً لا تندم على عدم شرائك الفل اوبشن
+111 :36_1_1[1]:اقتباس:
المشاركة الأصلية كتبت بواسطة د.محمود صلاح
ربنا يوفق
اولا لصاحب الموضوع طبعا انا مش هتكلم على البيسونيا لانى مركبتهاش ولكن الاخ الاخ عثمان بتكلم على العربيه كانها اسؤ عربيه فى الدينا علشان حاجات غيره شايفها مميزات يعنى الكلاكس اللى هو شايفه حاجه قديمه والله بحبه جدا وشايف انه اسهل كتير فى الاستخدام الازار سهل جدا وبتتعود عليه انا راى اركب العربيتين واللى ترتحله نفسيا اشتريه مع العلم انا معرفش اى حاجه عن البيرسونيا لانها مش منتشره خالص ومعرفش اى حد من وسط معارفى شاريها ودا فيديو لو عايز تشوف كل كبيره وصغيره فى اللوجان
YouTube - New Dacia Logan facelift
ولو عايز تشوف الاتساع الخلفى والشنطه اتفضل
YouTube - Renault-Dacia Logan Laureate Phase 2 (1.4 benzine) Platinium