الموضوع: هانقل من مرور لمرور ممكن مساعدة

+1111111111111111111111

صلاحية الطفايه خمس سنوات من تاريخ الانتاج
والتاريخين بكونا محفورين على الطفايه ممكن سيادكم مراجعته بنفسك .

هو احسن حاجة انك تظبط نفسك على قد ما تقدر بدل ما يكون التفكير ان الواحد يدي ده مبلغ و ده مبلغ أو يشوف واحد يخلصله كل حاجة و هكذا .....
لما الواحد يظبط كل حاجة يبقى هيدفع لو مضطر فقط,

لو ينفع تغيير اللمض يبقى أحسن , انا معايا لمض عادية زيادة (الــ 3 صباع) بتوع اللانوس , خدهم لو ينفع يتركبوا عندك ,
الطفاية فعلاً 5 سنين صلاحية بس هما بيرجوها علشان يتأكدوا إنها مليانة و لا لأ ,

فكر في موضوع إنك تعمل بطاقة بدل فاقد على العنوان القديم و ريح دماغك من قصة مرور السلام ...

المشاركة الأصلية كتبت بواسطة karim_monir

سلام عليكم ورحمه الله
انا مرور عبود وترخيص 6-2007
الرخصة هاتخلص خلال ايام
وانا غيرت عنوان سكني على جسر السويس -السلام
فبقيت تبع اللعنة اللي اسمه مرور السلام

وتعمل فى نفسك كدا ليه بس !!!!!!!!!!!
السلام يا راجل يا طيب
يالا كلنا لها
هكمل معاك لانى نفس المرور وعديت على كل حاجة لانى حصلت ليا مشاكل نقل من محافظة لمحافظة وتغيير موديل وهقرف

ممكن سؤالين؟
هل في طريقة اني اجدد تبع عبود تبع الوالد في شبرا على عنوان البطاقة القديمة بس هي منتهية في 2008 حتى لو دفعت اي مبلغ لاي حد لاني مش عايز انقل السلام

لا دى مش هينفع لانك هترخص باسمك وبعنوان البطاقة

ولو مفيش عشان نقل ايه الاجرائات المتبعة لاني حيص بيص في المرور ومعنديش وقت باليويمن والتلاتة عشان اعمل اي حاجة
لو مركب نمر بارزة او جديدة مش هتحتاج شهادة بيانات
لوا لنمر عندك ((دق محلى))الى هى بتكون مكتوبة بس هتجيب شهادة بيانات وتسلم النمر فى عبود وتطلع فى شهادة البيانات غير مطالب الرخصة-غير مطالب اللوحات-غير مطالب بالمخالفات
((وركز على مطالب باية ومش مطالب باية لانه ممكن يرجعك عليهم تانى))
وتجيب شهادة مخالفات من عبود

واخر حاجة انا مفيم العربية زيرو وان وفيها زينون
هل في الفحص لازم اشيلهم ولا فحص صوري
بوص انت تبقة فى المرور على 7 او 7.30 بالكتير اوى وياريت لو 7عشان تركن العربية فى الاخر بعيد عن الظابط ال بيفحص التاكسيات عشان مش يشوفها ((طقم الظباط الى هناك اتغير من فترة قريبة فـ يمكن تلاقيهم رخميين خالص))
وتجيب استمارة فحص ودى تحاولى تجيبها ولو من قبلها بيوم عشان يبقة كله عندك وجاهز
تحاول تشوف الواد الى بياخد البصمة ياخدهالك ولو قبل المهندس ما يجى عشان تكون انجزت وتديله 5 جنيه او 10 جنيه عشان العربية جديدة والحسد بقة :D
اول ما يوصل المهندس ((مش فاكر اسمة)) بيوصل بعد 7.30 هو بشنب كدا وتحس انه شغال بتاع شاى فى قهوة...تديلة الورق ومعاه كدا 20 او 30 وهيبدء يقولك فاميه وبتاع وزينون قوله انت بتاعنا والكلام الحمصى دا واديله 50 او حاجة بس تحاول يخلى مش يرخم عليك ((وبالنسبة للفامية نزل الازاز كله بس الزينون مظنش انه هيقولك شوف النور((لانى معرفش بيبان من غير ما تنور ولا لا))
وانا فى الفحص قالى اركب ودور كدا قولته انا لسة هقعد وادور انا عايز اخلص (((بعد ما خد الفلوس طبعا))) قالى معلش عشان الناس بس هههههههههههههه

وانا معاي مثلث اصلي
هل بيجيبو شنطة اسعاف ولا الخدعة دي انتهت
انا اشتريت مثلث وشنطة بس مش اجبارى الراجل قالى عايز تشتريهم اشتريهم مش عايز بلاش
بس لانى عرفت انه من اول 5 هيبقة رسمى فـ اشترتهم ب71 جنية تقريبا

بالنسبة للطفاية ادخل على الراجل وفى ايدك 10 جنيه او 20 لانه فى كلمتين هيقولهم
لو رقم الشاسية على الطفاية هيقولك دى صلاحيتها خلصت مع انه صلاحية الطفايات 10 سنين
ولو الرقم مش زى الى على الطفاية هتضطر تغيرها ملهاش حل تانى

العربية كرولا 1300 2007
وهل حد عنده فكرة مبدئية عن التكلفة كام لتجديد 3 سنوات
وهل في ضريبة باثر رجعي بعد مازات الضريبة
شكرا جزيلا للمساعدة مقدما

معرفش الضريبة والله بس كان فى موضوع هنا فى الضرائب وحسبتها
بس دا فايل لقيته هنا يمكن ينفعك فى حسابها
http://www.mediafire.com/?nmi0jgyjknz

-نسيت اقولك انك هتطلع الدور التانى هتجيب حاجة اسمها استعلام عن البطاقة
هتديهم صورة البطاقة وهم يطلعوهالك مختومة بعد نص ساعة او ساعة ولو مش عندك
الست الى على الشباك تحت مع الملف اديها 20 جنيه وهتعدى :D

نصيحة من اخ ...أياك يا استاذى والى برا لا حد يقولك اعملك حاجة ولا اجيبلك حاجة كله نصب وممكن يلبسوك فى مشاكل اكتر
تعامل مع الى جواه بنفسك وفى الحالتين هتدفع هتدفع

اى حاجة مش واضحة
تحت امرك انا بكره المرور دا جدا
ولو مش مخالفة دى نمرتى لو عايز اى توضيح اكتر
0128008303
ولو مخالفة يبقةا لمشرف يمسحها
و sry