انا مش عارف اقولكم علي السينسور ده تعبني قد ايه يا جماعه و اسئلوا ممدوح كان معايا ساعتها و الله العظيم تعبت منه
المشكله في البدايه العربيه بتنتش مني علي اي سرعه ولما اجي اقف في اشاره ولا لي اي سبب الاقي ال ار بي ام بينزل اوي وكان العربيه هاتبطل مني و الماتور بيترج او مهرتل
وابتدي المشوار بيغير البوجيهات و فضل العيب زي ماهو و غير كابلات وبرده زي ماهو و غير السينسور بتاع العادم او الفرن برده الحال كما هو عليه وفي حاجه غريبة حصلت كمان حصلت انا وقفت مزهول و الناس كلها وكان ممدوح معايا
جي بدور العربيه وانا عند المكانيكي البطاريه اتفجرت مش عارف ليه لغيت دلوقتي وكانت ماساه.:(
وكنت الصبح لما اجي ادور العربيه الاقي التشيك انجين منور و اقل من دقيقه يطفي تاني لغيت ماممدوح هداني لفكرة اني احط العربيه علي الجهاز و اشوف ايه التشيك انجين بينور ليه او المشكله في ايه ورحت لي محمد الي عنده الجهاز في الدقي الراجل مش عارف اقول فيه ايه بجد راجل دماغه جمده جدا جدا بعد عذاب 3 اسابيع رحتله و حطيت العربيه علي الجهاز و طلع المشكله في السينسور بتاع حرارة الميه وهو ده الي عمل المشكله ازي بقي اقولكم انا بقي زي بعد مافهمت
السينسور ده بيدي اشاره لل Tps ان المايه بارده او الماتور بارد في صاحبنا ال Tps بيدي اشاره للكمبيوتر انه يزود البنزين علشان الماتور يسخن طبعا بنزين كتير و العادم ريحته بنزين ني او مش محروق كويس فاماتور يهرتل ويترج
و العربيه تنتش
فا انا النهارده ان شاء الله اروح اغير السينسور ده و اقولكم النتيجه ان شاء الله تعالي ومتاسف علي التطويل ده بس علشان لو حد وقع في المشكله لقدر الله يحط السينسور ده في حسابه برده
وشكرا ليكم جميعا