صباح الفل
محدش قدامه أوبل فيكترا مو2000
بحالة ممتازة
؟؟؟؟؟؟؟؟؟؟؟؟؟؟؟؟
عرض للطباعة
صباح الفل
محدش قدامه أوبل فيكترا مو2000
بحالة ممتازة
؟؟؟؟؟؟؟؟؟؟؟؟؟؟؟؟
اوبااااااااااا مسكتك ...
انت غيرت رايك و قررت تجيب المانى بسرعه كده ههههههههههههه
لو ادامى حاجه هقولك يا معلم ..
بس عاوز 1600 ولا 2000 و لو 1600 مانيوال ولا اوتو ؟؟
حبيبي
حبيبي
...ياريت لو 1600 مانيوال
كده تكون تمام أوي معايا ...الــ2000 إستهلاكها هيبقا عالي معايا علشان أنا بلف بالعربية طول النهار على مخازن الأدوية
يعني الــ1600 قشطة معايا
وانا واخد على المانيوال ...ومش بستريح في الاتوماتيك
لو قدامك حاجة ياريت تعرفني
بس المفروض إنها تكون بنت ناس ومحترمة...وياااااااااريت ماتكونش من النوع الي بيفتح بقه
وتسلملي يامعلم
رايى تروح على عصابة الاوبل فى منتدانا و هنعمل معاك واجب و اهو نتعرف
احمد باشا اخبارك ايه
في عربية 2000 1600 الشكل المعدل دواخل شركة ورشة برة مع صديق هيبيعها لو عايزها ابقة قولي اديلكم رقم تيلفونه
شوف يا احمد
العربية 1600 ملنيوال نبيتي الشكل المعدل شكل ال 2001 و2002
دواخل شركة كلها ورشة برة بالكامل
عداد الكيلو متر تقريبا 180 الف مش متاكد من دي
زجاج وسنتر وباور وتكييف ممتاز ووحدات رفع ومرايات ضم وجنوط اسبور من الي علي قده
العربية انا شايف انها محتاجة مصروف فنش بس زي من الحاجات الي شفتها ان الشبكة الامامية معمولها خوص صاج ومربوطة بيها و الباب الايسر الخلفي في خبطة معمولة علي البارد عايزة تتسمكر وتتعمل صح زرار الانتظار في حتة مكسورة يعني حاجات من هذا القبيل
العربية موجودة في حلوان
فيها رخصة باسم صاحبها وعامل توكيل للي معاه العربية حالياهو من الاخر مدرس وبيتاجر بس محترم والشهادة لله بس الرخصة فيها تقريبا سنة برده منش متاكد
السعر الي طالبه 54 وانا سعرتها لما كان بيفرجني عليها من كام يوم كده ب 51 او 52 اخرها
بس ده تقريبا هو كل حاجة ولو مواصفاتها وحالتها المبدئية عاجباك قولي وانا اديلك رقمه واي خدمة
أولا
شكرا على تعبك جدااااااا
ثانيا
ربنا يكرمك لو تعرف تجيبلي صورة ..علشان أكون رايح وأنا قلبي مطمن إن شكلها عاجبني
موضوع الشكل ده مهم برضووو معايا
ان شاء الله يا احمد اخليه يعدي عليا في الليل وهو جاي من الشغل وانزلك صورها
بس حضرتك تعرف اسهل طريقة لرفع الصور علي المنتدي اكون شاكر جدا
من على موقعarabsh.com
هترفع الصور عليه ..وتنسخ أول رابط يطلعلك بعد تحميل الصورة
وتلزقه في مكان الصور في الرد المتطور هنا
احمد باشا صور مبدئية للعربية الرابط هو http://dc11.arabsh.com/i/01531/n5y769prbucc.jpg
والرابط التاني هو
http://dc11.arabsh.com/i/01532/y47g966qubun.jpg
طيب الله يكرمك..حالة الصالون إيه..ومطلوب كام
أنا روحت النهاردة سوق الزقازيق..وشوف عربيتين أوبل
حالة زفت ..زفت ..زفت
التابلوه مكسور ..وعاملين معجون على القوايم كمان..وحاجة بطيخ خاااااالص
انا عرفت الطريقة ان شاء الله لما اشوفه تاني اصورهالك باستفاضة من الداخل والخارج
وهتعمل ايه في اللانسر
ههههههههههههههه
تصدق ان اول مره اعرف ان فيه سوق في الزقازيق
والله يا أبو شنوري(مش هتسميه شنوري برضوووو..هههههههههه)
أنا جربت كام ياباني
وكلهم نفس العيوب..
أختى كانت مسافرة معايا مرة..وكانت راكبة في الكنبة
مع أول مطب هوا ..راحت مخبوكة في السقف
العفش الخلفية وحشة جدا
وصوت المكنة في حضنك في الصالون..وعزل الكابينة مش الي هوا
وأنا جربت الفرنساوي والالماني
بصراحة
لاوجه للمقارنة
احمد دي صور العربية من جوة بس ملحوظة انا اكتشفت ان التكييف مش شغال مع ان كل حاجة راكبة والمواسير فيها فريون وفي حتة في الستارة صغيرة اوي علي البارد غير مؤثرة ممكن تشوفها في صورة الحوض بس كبر الصورة وانا بصراحة سعرتها علي 49 الف وهو طبعا مش موافق والامر متروك لك واتركك مع روابط الصور
http://dc06.arabsh.com/i/01554/43otp7w1p54j.jpg
http://dc04.arabsh.com/i/01554/nuy4zdetj48l.jpg
http://dc08.arabsh.com/i/01554/sv5l26yorqzj.jpg
http://dc05.arabsh.com/i/01554/y8njda84acht.jpg
http://dc08.arabsh.com/i/01554/l0low7u7t57k.jpg
شريف باشا....
ربنا يكرمك يارب...وشكرا جدا على تعبك معايا
بس المهم ..والأهم
ياريت مايكونش عليها معجون....أي معجون
وشكرا جداااااااااا
والله ياشريف
أنا بتعقد لما أركب عربية وأبص في المراية ..الافي تموجات في الباب
ولما تكون جاي من بعيد..تلاقي الباب مليات مطبات
معلش ياشريف تعبتك معايا
بس أنا عاوز عربية ماأغيرهاش خااااااالص..أنا من هواه العربيات
وعاوز أجيب عربية تفضل معايا لحد لما حد فينا يموت
يعني عاوزها مافيهاش غلطة ..وبالذات موضوع المعجون ده
علشان أنا بظبط العربية لنفسي..مش للسوق
كدة يا احمد باشا انت بتتكلم صح واحسن حاجة انك تكون محدد مواصفاتك بس كده احسنلك دور علي برة وجوة وتكون سليمة ولو جت حاجة امامي برده هاديلك خبر بأذن الله
انا اسمى رامى رفعت
وعندى عربية اوبيل فيكترا موديل 2000و1600cc جميع الكماليات:
4زجاج كهرباء
سنترلوك
مريات كهربا من الداخل والخالج بتلف يعنى
abs+وسائد هوائية+كاست الاوبيل الاصلى
العربية لونها اسود وبها جنوط اسبور لا تحتاج مصاريف نهائى وماشية 86000كيلوميتر
المطلوب 72000 انا رقمى للمعاينة 0120475952
من شبرا مصر هتتفرج ومش هتندم
بص ما دام انت من الشرقيه .. فى واحده فى معرض العبور اللى جنب نقابة الأطباء قدام الصواف .. لونها أبيض موديل 1996.. 1600 سى سى .. شكلها نضيف جدا من بره .. رقمها 4222 .. أنا متفرجتش عليها بس أنا أعرف العربيه دى عشان صاحبها صاحب والدى بس وكان عارضها علينا من فتره بس أنا كنت جبت الأوبل اللى معايا .. بس مش عارف بصراحه هو اللى بيبيعها ولا باعها لحد ولا باعها للمعرض عشان انا بشوفه دلوقتى راكب مرسيدس 280 .. و هو تقريبا كان المالك الأول للأوبل دى أو التانى بس هى فضلت معاه فتره طويله.