الموضوع: كعـــب دايـــــر--تجربة اليمة

استاذى دور فى مواضيع هتلاقى موضوع عن رحلتى فى المرور خمس ايام القاهرة والاسماعيلية
انت لسة فى بداية الطريق ولازم تحط عندك شوية ثوابت
١- تخلى عن أدميتك
٢- الشياطين مش فى جهنم بس
٣- فى اله عند الاغريق كان اسمة((غيبوس))ودا اتكرر تانى فى المرور
٤-الصبر ثم الصبر ثم الصبر ووورق بعشرينات وعشرات وخمسات مالى جيبك

المشاركة الأصلية كتبت بواسطة د.محمود صلاح

مش عايز احبطك اكتر بس لازم أقول ,,,,

هنا عندي في عمان الموضوع لا يأكثر أكثر من 10 دقائق على شباك الموظف وهو موظف وااااحد فقط ..
بيدخل على الكمبيوتر ,, بيدفعك المخالفات بالفيزا كارت المشتري بيوقع امامه على البيع وتاخد الرخصة الجديدة وتمشي خلاص

انت بتتكلم عن عمان...و 10 دقايق بحالهم ؟؟؟ ككتير يا دكترة...أنا يا باشا أما كنت فالسعودية كنت بادخل على حسابي في موقع البنك واعمل سداد مخالفات المرور والكهربا والميه والتليفون وأي حاجة وانت قاعد تتفرج عالتليفزيون لأن كل ارقامك الرخصة والاقامة واي حاجة متمركزة حوالين رقم الاقامة

المشاركة الأصلية كتبت بواسطة dondark

استاذى دور فى مواضيع هتلاقى موضوع عن رحلتى فى المرور خمس ايام القاهرة والاسماعيلية
انت لسة فى بداية الطريق ولازم تحط عندك شوية ثوابت
١- تخلى عن أدميتك
٢- الشياطين مش فى جهنم بس
٣- فى اله عند الاغريق كان اسمة((غيبوس))ودا اتكرر تانى فى المرور
٤-الصبر ثم الصبر ثم الصبر ووورق بعشرينات وعشرات وخمسات مالى جيبك

كتير عليهم ....جيب لك شريط فايركتا او فاروفيجا او ترامادول وانت لو عاوز تطلع شهادة مخالفات وانت في بيتكم هتطلع...شغل صيادلة بقى

المشاركة الأصلية كتبت بواسطة exact

المهم توكلت على الله ومشيت على الاشواك لا عرفوا ايه وداك ولا ايه جابك....ومتقولش يا اخي انا بادور على ابرة في كوم قش ....دخت ساعتين فالشمس لحد ماوصلت...بعد كدة....
اكمل بكرة عشان انا شكلى واخد ضربة شمس محترمة

نكمل باقي الفيلم....اخش لك ياخويا على الموظف...مساء الخير ازي الصحة سلامات....عاوز مخالفات النمرة دي...!!!!!!!!!!!!!!!!!!!!!!!علامات التعجب دي منه...انت جبتها منين؟؟؟قلت له واحد جابها لي وقعدت حكيت الحوار....شمال يمين لازم الوقه تكون جواب رسمي زي دي وطلع لي ورقة....كلمة مني على كلمتين منه واصل المشوار والقصه الحمضانة....ببريزة الشهادة طلعت واتختمت....ها ياباشا نروح المحلة بقى؟؟؟....محلة مين انت لسه مجبتش مخالفات الرقم الجديد لتتحقق اسوا كوابيسي...انت تاخد بعضك وتروح تسلمهم الورقة بتاع المخالفات القديمة يقوم يديك المخالفات الجديدة !!!!!!!!!!!!!! إشي خيال يا ناس ....نروح فين طيب .....قال لي مرور الوايلي....ده فين ده قال لي العباسية....يا جدعان انا ام الرخصة عندي الحدايق قاللي هي مخالفاتك فالوايلي...وانا قلت يا ويلي....بيمشوا متى قال لي قدامهم نص ساعة المهم طيران عالعربية ومعرفش انا خدت المسافة دي في 10 دقايق ازاي الساعة 2 الضهر ...لقيت جراج قلت اسال قال لي ده في اخر السور جنبنا ....رحت رامي العربية في اول مكان وبعدين جري من هنا لهنا....فين المخالفات المبنى الجاي....لأ اللي بعده...لقيت الباشا بيلم عزاله...امسك عندك يا عم الحج....وعيد القصة وراح مديني شهادة المخالفات...قلت له خلاص كده قال لي يعني تقريبا....فيه ايه تاني؟؟ قال لي حاجة ممكن تحتاجها...ايه...قال لي شهادة البيانات ودي تروح الحدايق تجيبها من هناك ...قلت والله مانا رايح ويلعن ابو دي شغله....
والبقيـــــــــــــــــــ ة تأتي....فاصل و نعاود