ممكن اناقش معاكو الموضوع من كذا جهة !!
1 - خطر على الأمن القومي المصري : يا جماعة أنا لا أعتد بموضوع الأمن القومي المصري و أن الفلسطينين هما الخطر عليه و ذلك لأن الخطر الحقيقي على الأمن القومي المصري هو جوار الدولة الصهيونية نفسه وليس عواقبه .
و مشكلة النزوح هي من عواقب هذا الجوار الذي هو مسؤلية مصر للحد منه أو انهاؤه بأي شكل , و لكن مصر اختارت دفن رأسها في الرمل و الانفصال عن معاناة المسلمين الجيران العرب تماما حتى لا نشعر بأذى نفسي أو مادي أو اجتماعى .
فهذا النزوح هو تنبيه للنائم بموعد القيام و لا يحل بغلق المنبه .
2 - الدولارات المزيفة : و هوا احنا معتقدين ان أي شعب محاصر و مغلق و بياكل التراب هايكون معاه دولارات منين يعني ؟؟؟ كان حل طبيعي لمواجهة جشع التجار المصريين اللي (بدون استثناء) أول ما سمعوا الخبر رموا اللي في ايدهم و أجروا التريلات و حملوا البضايع باي سعر و كتبوا على نفسهم شيكات علشان يروحوا يمصوا دم الناس اللي جايين ممصوص دمهم أصلا . و فعلا الحاجات وصل تمنها لعشرين ضعف ...فا ماتزعلش على الناس دول انهم خدوا الدولارات المضروبة (اهو ربك بيخلص).
3 - الاعتداء على الأمن المصري: هوا حضراتكم فاكرين الأمن المصري ده كتاكيت معانا زي ماهم معا اليهود ؟؟؟ لا دول جامدين قوي و بيعرفوا يضربوا الغلابة كويس و لولا العنف ماكانوا قدروا يدخلوا أصلا .
و ضرب النار و العساكر اللي في المستشفى و الحاجات دي كلها أمور طبيعية في موقف زي ده (ده مش طابور عيش) دول ناس بيقتحموا بلد تانية . و كمان هم أكيد مضغوطين نفسيا من مصر لأنها ساهمت طواعية في حصارهم أشهر طويلة و منعت دخول الغذاء و الدواء لهم (و تخيل انت ابنك لو مات من الحصار و بينك و بين مصر 3 كيلو هايكون شعورك ناحية مصر ايه ؟؟ الود و الشكر ؟؟ أشك)
--------------------------------------------------------------
ما حدث في رفح هو تذكير لمصر بأنها الطرف المسؤل الأول في الصراع العربي الاسرائيلى و أن التنازلات لن تخلق الأصدقاء بل تقوي الأعداء و تقلب الأخ عدوا ... و هو أيضا تذكير بوقت تحمل المسؤلية ولو دفاعا عن الأمن القومي المزعوم و المخترق من أساسه
المفضلات