الى الاخوة الاعزاء ارجوا منكم حل هذه المشكلة معى انا عندى سيارة كورولا موديل1990 بها محرك سعة1600 مؤشرالحرارة لما العربية تمشى وتسخن تمام يكون المؤشر فى المنتصف ولكن عندما اشغل التكييف تبدا الحرارة فى الارتفاع ارجو منكم الافادة وشكرا
عرض للطباعة
الى الاخوة الاعزاء ارجوا منكم حل هذه المشكلة معى انا عندى سيارة كورولا موديل1990 بها محرك سعة1600 مؤشرالحرارة لما العربية تمشى وتسخن تمام يكون المؤشر فى المنتصف ولكن عندما اشغل التكييف تبدا الحرارة فى الارتفاع ارجو منكم الافادة وشكرا
المشكله دة غالبا بكون سببها الاول ان اكيد مروحه تبريد التكييف مش مش شغاله او الفيوز بتاعها محروق
هتروح عن اى كهربائى هيظبطلك الحوار فى 5 دقائق بالظبط ... جرب شوف لما تفتح التكييف المروحه اللى قدام هتشتغل ولا لا
لان انت عندك فى مروحتين واحده للمتور وواحده للتكييف جرب وقولى
لازم تكشف عند فني كويس
شكرا على هذه الردود الكريمة اولا انا لسة شارى العربية على وضعها كده يعنى1600 ثانيا مرروحة التكييف شغالة تمام ولما رحت لفنى تكييف قاللى ان ضغط الفريون مظبوط وكان اقترح لحل مشكللة السخونية انه يفرغ الايرة من الفريون ويزود الكباس زيت ويشحن تانى انا بصراحة خفت انه يشتغلنى على اساس ان دايرة التكييف مغلقة وازاى الزيت ينقص فقلت اسال الاخوة فى المنتدى فنرجو النصيحة واقتراحتكم ايه فى الموضع
ولى استفسار اخر ازاى اعرف ان الماتور متسقط هل توجد وسيلة لذلك
بص حضرتك انا كان عندي نفس المشكله وبتاع التكييف قالي نفس الكلام انا كنت هاعمل زي ماقال بس قلت اجرب حاجة الاول
السربنتينه (المكثف) بتاعه التكييف لو مش نضيفة تعمل كده وتدخل هوا ساخن 80-90 درجة علي الرادياتير
روح بنزينه وضرب خرطوم المياه في شبكه العربية والسربنتينه والرادياتير نزل بلاوي وطين من السربنتينه
المشكله اتحلت والحمد لله
متابع معاك.....
ياريت يا جماعة الى يعرض مشكلة ياريت ياريت يتابعنا اما بالحل او لاء ولكم جزيل الشكر حتى تعم الفائدة على الكل
اخوانى انا اليوم استكمالا للمشكلة شوفت عربية كورولا نفس الموديل ولكن1300 لاحظت ان وش مروحة التكييف عندى بعيد عن سربنتينة التكييف حوالى 8سم ولكن فى العربية الاخرى بينها وبين السربنتينة حوالى 2سم هل ده ممكن يكون هو دا اللى بيسخن العربية
ممكن المروحة بتكون بعيدة بالفعل أو بتدور بالعكس .. وشد السيور كلها عشان طلمبة المياة تكون بتقلب كويس
متابع معاك
كان عندي المشكلة دي في عربيتي واعملت كل حاجة ومش اتحلت واحد ابن حلال قالي فك وش العربية بالشبكة وخدها بنزيمة وانفخها هوا واضرب المية ضغط عالي فيها وعملت كدة فعلا وعملتها بئيدي في البنزيمة وبقت الدنيا تمام التمام
انا كان عندي نفس المشكله وكانت دورة التبريد سليمة وكنت عملت موضوع زي يتاعك لغاية ماقريت علي منتدي اجنبي واحد بيعاني من نفس المشكلة وكان الحل تنظيف السربنتينة والرادياتير من بره عملت كده والحمد لله المشكلة اتحلت
شكرا جدا يا شباب انا كان عندى نفس المشكلة فى ابيزا 94 واتحلت لمل فكيت الشبكة وغسلت وش العربية بخرطوم مياه ف شكراً جدا للعضو osama_ruan وجربوها يا شباب مش لازم بنزينه اصلا انا عملتها تحت البييت