فكرة جديدة للضاع منه نسخة من المفتاح او عاوز يطلع نسخة إضافية

موضوع فقد المفتاح ده كان ليه في تجربة وواحد قالي علي فكرة وانا لسة بدرسها


ايه هي الفكرة

اولا : عشان اطلع مفتاح تاااني من التوكيل فعلا تكلفته 750 جنيه وهو سنتر بس

تاني حاجة عشان اني اعمل مفتاح احتياطي يدور العربية ويكون فيه الفحمة عشان التشفير تكلفته 150 جنيه


الفكرة بتاعتي اني اركب جهاز انذار ممكن ( ولف وفي جهاز سيمفوني )
والأجهزة دي تتراوح قيمتها من 200 جنيه لغاية 250 جنية وبيكون اصلا معاها مفتاح انا بعمله واشفره بحيث يفتح ويقفل مع الإنذار والسنتر لوك وكمان بيتحط في الفحمة وبالتالي يدور العربية

التكلفة كلها

250 جنيه جهاز إنذار

150 جنيه تشفير

يبقي الإجمالي 400 جنيه وأصبح كمان معايا المفتاح الأصلي ومفتاح إحتياطي واسبير بتاع الإنذار عشان يفتح ويقفل العربية

ايه رايكم في الفكرة دي

منتظر التقييم وأراكم

فكره حلوة جداااااااااااااااااااااا

بجد والله فكره جامد جدا

فكرة حلوه اوى

فكرة رائعة وانا جريتها قبل كده فى عربية بورا 2001 والتكلفة كانت 250 انذار +100 فحماية تشفير ركبيت على مفتاح الانذار عند محل فى مصر الجديدة , لكن الميزة فى المفتاح المشفر الذى يتم عمله فى التوكيل هو عمل عمل كود جديد للمفتاح الا صلى والجديد

انا بالفعل عامل الموضوع ده لما المفتاح ضاع منى وكنت خايف ان العربيه تتسرق او حاجه
فواحد صاحبى اخد منى المفتاح الاسبير وغير التشفير بتاعه وعمل مفتاح اسبير تانى بس معرفش التكلفه لانه ماخدش منى فلوس وكده كده انا مركب جهاز انذار فوما

النتيجه ان لو حد لقى المفتاح بتاع العربيه او لو انا طلبت مفتاح من التوكيل مش هايشتغل

اقتباس:

---

المشاركة الأصلية كتبت بواسطة explorist

فكرة رائعة وانا جريتها قبل كده فى عربية بورا 2001 والتكلفة كانت 250 انذار +100 فحماية تشفير ركبيت على مفتاح الانذار عند محل فى مصر الجديدة , لكن الميزة فى المفتاح المشفر الذى يتم عمله فى التوكيل هو عمل عمل كود جديد للمفتاح الا صلى والجديد

---

عموما الحمد لله ان الفكرة عجبت حضراتكم

هي مميزاتها

تكلفة أقل

نسخة إضافية من المفتاح مع اسيبر تاااني


لكن اعتقد ان ليها برده بعض عيوب

منها
1ــ يتوقف علي مهارة الفني اللي هيشتغل في العربية عشان مش يلعب في الضفيرة وممكن يعمل مشكلة لحاجة تانية .

2ــ كده بقه معاك السنتر الأصلي بتاع العربية مع وجود جهاز إنذار مركب

عشان الجزئية دي

انت بتخلي المفتاح الأصلي للعربية في البيت وبتخلي المفتاح الجديد هو اللي يفتح العربية وبرده تشغل بيه العربية
طبعا حضراتكم عارفين عشان مش يحصل تضارب بين الإنذار وبين السنتر


وما زلت منتظر ارائكم وإقتراحتكم

اقتباس:

---

المشاركة الأصلية كتبت بواسطة أبو إياد

انا بالفعل عامل الموضوع ده لما المفتاح ضاع منى وكنت خايف ان العربيه تتسرق او حاجه
فواحد صاحبى اخد منى المفتاح الاسبير وغير التشفير بتاعه وعمل مفتاح اسبير تانى بس معرفش التكلفه لانه ماخدش منى فلوس وكده كده انا مركب جهاز انذار فوما

النتيجه ان لو حد لقى المفتاح بتاع العربيه او لو انا طلبت مفتاح من التوكيل مش هايشتغل

---

ابو اياد كمان نورنا هنااا



هي الفكرة بتاعتك سليمة بس انا سألت عليها لقيتها برده مكلفة
تقريبا تغيير شفرة وعمل مفتاح جديد 750 جنيه


لكن الفكرة دي اقل في التلكفة شوية

اقتباس:

---

المشاركة الأصلية كتبت بواسطة m_waheed

ابو اياد كمان نورنا هنااا



هي الفكرة بتاعتك سليمة بس انا سألت عليها لقيتها برده مكلفة
تقريبا تغيير شفرة وعمل مفتاح جديد 750 جنيه


لكن الفكرة دي اقل في التلكفة شوية

---

ده نورك ياباشا

انت خلتنى اسال صاحبى على التكلفه رغم انى كنت محرج جدا بس لقيتها بـ 120 ج بس تغيير شفره وعمل مفتاح وعلشان اطمن عملت نسخه عاديه بـ 10ج علشان اتاكد ان الشفره تمام لقيته فتح الباب والكونتاكت بس مشغلتش الموتور والحمد لله

حلوة جداااااااااااااااااااااا

اقتباس:

---

المشاركة الأصلية كتبت بواسطة أبو إياد

ده نورك ياباشا

انت خلتنى اسال صاحبى على التكلفه رغم انى كنت محرج جدا بس لقيتها بـ 120 ج بس تغيير شفره وعمل مفتاح وعلشان اطمن عملت نسخه عاديه بـ 10ج علشان اتاكد ان الشفره تمام لقيته فتح الباب والكونتاكت بس مشغلتش الموتور والحمد لله

---

الله عليك يا ابو إياد

خلاص يا ريت تقولنا المكان فين او رقم التليفون

انا كده اول زبون واكيد في ناس هنا كمان عاوزة تعمل نسخة إضافية وتغير الشفرة


عموما جزاك الله خيرا للمشاركة

هتجيب الفحمة منين لو المفتاح الأصلى ضاع؟
ماهو كده اللى هيشغل الموتور مفتاح واحد بس اللى فيه الفحمة والباقى تفتح العربية كأبواب بس

بص يا دكتور انا هاشرحلك الموضوع ببساطه

العربيه ليها مفتاحين . واحد منهم ضاع . اصبح عندى مفتاح واحد بس معرض طبعا انه يضيع وفى نفس الوقت مش مطمن لان العربيه ممكن تكون معرضه للسرقه

اللى بيتم انه بيغير الشفره بتاعه العربيه وبيعمل مفتاح جديد خالص ومشفر بالشفره الجديده

كده المفتاح الاصلى اللى معايا مش شغال >>>> هو بقا عدل شفره المفتاح على الشفره الجديده

النتيجه >>> معايا مفتاحين مشفرين ولو حد لقى المفتاح اللى ضلع منى مش هايشغل العربيه
والموضوع ده عند عزب اللى فى شارع السودان وفى اكتوبر
انا زى ما قولت واحد صاحبى اخد منى العربيه وعملى الموضوع ده وقالى التكلفه 120ج

فهمت وتمام كده شكرا جزيلا

زى ماقولت قبل كدا الفكره تجنن بس المشكله اللنسر بتتسرق وهى مقفوله وكمان هى اكتر نوع الحرميه بيحبوه ليه ماعرفش؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة أبو إياد

بص يا دكتور انا هاشرحلك الموضوع ببساطه

العربيه ليها مفتاحين . واحد منهم ضاع . اصبح عندى مفتاح واحد بس معرض طبعا انه يضيع وفى نفس الوقت مش مطمن لان العربيه ممكن تكون معرضه للسرقه

اللى بيتم انه بيغير الشفره بتاعه العربيه وبيعمل مفتاح جديد خالص ومشفر بالشفره الجديده

كده المفتاح الاصلى اللى معايا مش شغال >>>> هو بقا عدل شفره المفتاح على الشفره الجديده

النتيجه >>> معايا مفتاحين مشفرين ولو حد لقى المفتاح اللى ضلع منى مش هايشغل العربيه
والموضوع ده عند عزب اللى فى شارع السودان وفى اكتوبر
انا زى ما قولت واحد صاحبى اخد منى العربيه وعملى الموضوع ده وقالى التكلفه 120ج

---

ازيك يا ابو إياد

يا رب تكون بخير

معلش في استفسار

النسخة اللي انت عملتها كانت مفتاح مشفر فقط

ولا مفتاح مشفر بريموت

طبعا انت عارف انا أقصد النسخة اللي انت عملتها ب 120 جنيه

اقتباس:

---

المشاركة الأصلية كتبت بواسطة m_waheed

ازيك يا ابو إياد

يا رب تكون بخير

معلش في استفسار

النسخة اللي انت عملتها كانت مفتاح مشفر فقط

ولا مفتاح مشفر بريموت

طبعا انت عارف انا أقصد النسخة اللي انت عملتها ب 120 جنيه

---

متشكر جداااا على سؤالك وانا بخير والحمد لله اما عن المفتاح فعربيتى من غير ريموت اساسا والمفتاح اللى انا عامله من غير ريموت ومشفر

اقتباس:

---

المشاركة الأصلية كتبت بواسطة أبو إياد

متشكر جداااا على سؤالك وانا بخير والحمد لله اما عن المفتاح فعربيتى من غير ريموت اساسا والمفتاح اللى انا عامله من غير ريموت ومشفر

---

[overline]
جزاك الله خيرا يا أبو إياد


عموما كده احنا قولنا فكرتين

فكرة أبو إياد لعمل مفتاح مشفر فقط والتكلفة 120 جنيه
[/overline]
وفكرتي وهي عمل مفتاح مشفر بريموت وإنذار وسنتر لوك والتكلفة 400 جنية