صور بنزينة التعاون بعد ما أتفحمت بالعربيات اللى فيها

**ahmed_h_g** · 18-05-2010 02:11 PM

أنا مش عارف أقول ايه ....
عارفين البنزينة اللى على طريق السويس وأنته داخل مصر بعد الكيلو 4 ونص وأنته رايح روكسى عند الشارع اللى داخل على بنزينة فيسكو للغاز الطبيعى ...
هيه ديه اللى ولعت بالعربيات اللى فيها .
اللى حصل ان البنزينة ولعت بخطأ من شخص ما فى البنزينة أثناء تعبأة التنوك الخاصه بيها يوم الجمعه اللى فاتت حوالى الساعة 8 باليل
المنظر كان محزن جدا" جدا"
المشكلة ان البنزينة ولعت ومفيش ولا طفاية حريق فى البزينة شغالة
المشكلة التانية ان المطافى وصلت بعد ساعة الا ربع بعد وقوع الحادث
المشكلة التالتة ان المطافى بعد ما وصلت وحاولوا يطفوا الحريقة طلعت الخراطيم اللى فى عربيات المطافى مقطوعه
نص العمال بيطفوا والنص التانى بيحاولوا يسدوا قطع الخراطيم
وبعد كله ده الجيش لما لقى العمليه خربت بعت عربيتين مطافى ضغط عالى وسيطروا على الموقف
بعد ما أتفحمت طبعا"
طريق السويس كان مقفول والناس عماله بتصور فيديو فرحانين بالمنظر أو فرحانين (بالناااااااار)
مش عارف أقول ايه ولا أتحسبن فى مين
وطبعا" أحنا علشان معروفين بالشهامه محدش هيقول مين السبب فى الخساير ديه
ومحدش يعرف ايه اللى كان هيحصل لو الموضوع ده حصل فى بنزينة وسط ميدان أو وسط تجمعات سكنية
هسبكوا للصور ومستنى تعليقاتكوا .

نسيت أقول ان البنزينة ولعت ب3 عربيات تانك وعربية نقل صغيرة كانت مركونة وعربيات تانية وربنا يستر علينا
معايا فيديو وهيه بتولع من أحد المتفرجين على العرض المجانى لكن للأسف مش باين فيه غير أضاءة شديدة ودخان ومش باين فيه أى شئ .

**mido_soliman** · 18-05-2010 02:17 PM

مهو حضرتك لو محصلتش مصيبة كل وقت والتانى كدة وتكون ظلال السيب وسوء التصرف وغباء ادارى وتنظيم بلا وعى وكل السلبيات اللى بتتقال بكلمات رنانة وقوية هية السبب فيها للاسف حننسى ان احنا عايشين فى مصر فكتر خيرهم كل شوية بيفكرونا بس والحمد لله ان مكنش فية خساير بشرية الحمد لله