سمعت كلام كتير بقالي يومين ان اسعار السيارت الاوروبي (وخصوصاً البي ام والمرسيدس) حتنزل جامد الشهر الجاي (او اللي بعده عشان المخزون) عشان اليورو وقع اوي... يا تري حد عنده خبر عن الكلام ده ومدي مصدقيته؟
عرض للطباعة
سمعت كلام كتير بقالي يومين ان اسعار السيارت الاوروبي (وخصوصاً البي ام والمرسيدس) حتنزل جامد الشهر الجاي (او اللي بعده عشان المخزون) عشان اليورو وقع اوي... يا تري حد عنده خبر عن الكلام ده ومدي مصدقيته؟
مش سلو بلدنا ان حاجة ترخص..... اللى هيرخص هو الباير بس لكن اللى بيبيع كويس طبيعى هيرخص ليه؟ حد يبقى جايله فلوس و يقولها لأ؟ هو ده شعار توكيلات بلدنا
لا هو ممكن
يرخص .. بس يعني يوم ما يرخص
مش هيرخص زيي مانت فكر اوى :rfds:
يا سلام لو يرخص زي ما انت فاكر.. :3mla:
البي ام دبليو والمرسيدس بيتجمعوا في مصر...يعني ملهاش أي علاقة باليورو..ممكن اللي يتأثر -مع ان استحالة ده يحصل- الـ X6 , X5 ,135 من البي ام عشان استيراد ومن مرسيدس C180 , ML350 ,ML500 ,Sl350 ....بس ما اعتقدش ان ده هيحصل..
تاكيدا لكلامي يا جماعة رجاء مراجعة اللينك ده
ContactCars | توقعات بانخفاض أسعار السيارات الأوروبية
انا ليه مهتم اوي بالموضوع ده؟ عشان انا حاجز مرسيدس c180 إستلام شهر 7 او 8 الجاي إنشاء الله ومكتوب في إستمارة الحجز ان العبرة بتمن التسليم مش الحجز، وبرغم كدة خايف السعر يقع والوكيل يستعبط عليا ويقولي ادفع التمن اللي حجزت بيه !
معلش هيا بتتجمع في مصر بس بيشتروها باليورو فالما ينزل اليورو سعرها المفروض يقل
السعر يقع؟؟؟ مش قوي كده...في حاجات كتير بتقع في مصر لكن الاسعار مش بتقع...هي يعني كانت وقعت في 2009 في عز الازمة الاقتصادية لما كانوا بيبيعوا العربية في امريكا و عليها عربية هدية و هنا في مصر الاسعار ماتغيرتش....علي العموم لو العقد مكتوب فيه انك تدفع حسب السعر عند الاستلام يبقي ماتسبش حققك...هو فعلا السعر ممكن ينزل كم الف بس مش هايقع و انت اولي بالفرق ده
يعني هو برميل البترول لما سعره نزل البنزين رخص ... انسى ان حاجة ترخص في البلد ديه الا البني آدم