صيانه 10000 m11 فى توكيل الكويت و البلاد العربيه الدقى
السلام عليكم
عملت صيانه 10000 فى توكيل الكويت و البلاد العربيه بتاع فولفو اساسا بس هو شغال كله فولفو و اسبيرانزا ودايو وشيفروليه وهيونداى وكيا
مبدئيا المكان شكله منظم و مريح احسن من ابو الفتوح العباسيه شكلا بس استلموا العربيه الساعه 10 وقالولى هتستلم الساعه 2وكان عندى شويه ملاحظات المهندس قال كله فى ابو رواش من الاخر عندهم تربيط عفشه وتغيير زيت
المهم الساعه 2الا ربع لقيت العربيه زى ماهى يدوبك بيفكوا طبه الزيت المهم زعقت مع المهندس لعدم الالتزام بلميعاد
ودخلت لرئيس القطاع الفنى و اشتكيت بعت معايا واحد اعتذر لى وقالى هتستلم بعد نص ساعه ولقيت العمال بيشتغلوا فيها و غسلوها وكله تمام بس للاسف المهندس وهو بيخرج العربيه خبطها فى عربيه 516 كانت واقفه خبطه بسيطه الحمد لله تجريح فى الباكته وتحت الباكته الباب الخلفى دخل حاجه بسيطه المهم عندهم ورشه سمكره خدوا العربيه ودخلوها وطلبت انهم ما يرشوش الباكته يشيلوا التجريح بس و الخبطه يردوها على البارد و الحمد لله اتعملت و لمعولى العربيه كلها بوليش واجب اعتذار قدر الله وما شاء فعل
بصراحه لما خرجت بالعربيه الصيانه معموله حلو تربيط عفشه وتحس ان العربيه فايقه بس عيبهم عدم الالتزام فى المواعيد
اناعملت صيانتين 1000 فى ابو رواش و5000 فى العباسيه بس دى كانت احسنهم
المشكله الوحيده عندى فى العربيه بوابه التكييف بتطلع سخونيه فى لمشى لعادى واشتكيت مرتين ومحدش عملها
شكلى كده هدخل فى موضوع حمايه المستهلك
شهاده حق للعربيه تستاهل للى اندفع فيها واكتر لان العيوب للى فيها ثانويه
واى استفسار انا فى الخدمه
