الموضوع: أهم مواضيع الكيا سول

المشاركة الأصلية كتبت بواسطة abouleila

بجد مجهود عالى يا نورمال وهو ده قسم كيا خدمة متميزة 5 نجوم وجميع افراد القسم بقدر المستطاع بيحاولو يساعدو جميع اللاعضاء

شكرا يا أبو ليله نورت


جزاك الله كل خير

شكرا

المشاركة الأصلية كتبت بواسطة hosam_optrawy

الله ينور يانورمال الف شكر على تعبك ومجهودك :)

حسام باشا
بنتعلم منك والله :)

المشاركة الأصلية كتبت بواسطة د.محمود صلاح

شكراً جزيلاً على التجميعه

العفو يا دكتور نورت

المشاركة الأصلية كتبت بواسطة hgaber

soul owners guide

شكرا يا باشا على الرابط

موضوع جميل شكرا

المشاركة الأصلية كتبت بواسطة NoRmAl

طبعا أنا حاسس بيك لكن هتخسر كتير دلوقتى
أنا رأيي تستهدى بالله كده وتستنى شويه
ممكن جمال السول يكون مأثر على تفكيرك دلوقتى خصوصا أنك مكنتش تعرفها
أستنى شويه كدا وهى نزوه وتعدى :)))
وترجع تانى للكارينز

نزوة!!!! ههههههههههه .. فعلاً! لكن نزوة من النــوع المطلوب و اللي بيثبت إن الواحــد لسة فيه روح و مخــاطرة الشبــاب و لســة ما عجزش .. و أهـــم حاجــة إن الــ ((مدام)) محمســاني للخطوة دي ع الآخــر.. رغــم إنهـــا هي اللي إختـــارت الكارينز من الأســـاس ..


أنــا فعلاً مستهدي بالله بقالي شهــر كامل باشــوف فيه السول في الشــارع، و في خلال الشهــر دة قريت جميع المواضيــع اللي إنت جمعتهــا إمبـــارح دي .. و سبحــان الله، إمبـــارح بس ركبتهــا و فليتهــا حتـــة حتـــة.. و خرجــت من عند الراجل و أنـــا متوكل على الله في الخطــوة دي.. و كمــان يا سيدي عملــت إستخــارة النهـــاردة..


و على فكــرة مش هاخســر كتير أوي يعني .. عربيتي ماشيــة 300 كيلو بس و أنــا قررت أركنهـــا لغايــة ما ألاقي بيعـــة .. و الخبيــر المتمّــن بتــاع المنتدى أستــاذ ((شريف)) قاللي تخســر فيهـــا 8 آلاف .. و دة بالنسبــة لي رقــم مقبول .. دة في الأســاس قدر ربنـــا إني ما أشوفــش السول إلا بعــد ما أشتري الكارينـــز..

____

المهـــم، عشــان كلامي ما يكونشـي مجرد ((رغي)) .. أحب أنقل الملاحظــات اللي شفتهـــا لمــا عاينت السول من الداخل .. يمكن حــد غيري يستفيــد بيهـــا ..



• العربيـــة أعلى عن الأرض بنسبــة واضحــة من الكارينـــز .. طبعــاً مع الأخذ في الإعتبــار إن العربيــة اللي عاينتهــا كانت خليجي جنــط 18 ..


• الـــتابلــوة و الـــ finishing بتـــاعه أفخـــم بمراحل من الكارينز من حيث التصميـــم، و الخامــــات..


• العربيـــة ليهـــا نفس الـــ panoramic view بتــاع الكارينز .. بمعنى إنك لمـــا تركبهـــا أكنك بتطلع "سِلّمــــة" لفوق و مش محتــاج "توطي" دمــاغك و إنت داخل .. مش بتنزل لتحــت زي عربيـــات كتير أوي زي الكروز .. يعني بتبقى قـاعــد على الكرسي شايف الدنيـــا من فوق زي الكــارينز تمـــام..


• مساحـــة الرؤيـــا للسائق كبيرة.. يعني الطريق كله بيكون مكشوف قدامـــك، على عكس عربيـــات تانيــة كتير .. زي الميجـــان الجديدة .. لمــا ركبتهــا أيـــام ما كنت باشتري كنت حاسس إني قــاعد جوة "سجن" .. مساحــة الرؤيـــا ضيقــة جداً للسائق و تحس إنك بتبــص من شبــاك سجن على الشـــارع..


• العربيـــة فعلاً فعلاً واسعـــة من ورا .. و دي أكبـــر مفاجــأة إتفاجأتهـــا .. لإنهـــا ما توحيش بكـــدة من برة أبداً .. بس طبعــاً مش نفس وســع الكارينز .. أول ما تركب السول ممكن تكتشــف على الفور المعلومـــة الآتيـــة :: إن الكارينز واسعـــة "زيــــادة عن اللزوم"..


• العربيـــة سقفهـــا واطي .. يعني تحس إن راســك قريبــة من السقف .. على عكس الكارينــز طبعــاً اللي ابني اللي عنده 3 سنين بيقــف فيهــا على الكرسي من غير مــا راسه تخبط في السقف..


• شنطــة العربيــة طبعــاً ضيقــة .. أضيق من الطبيعي يعني.. على عكس الكــارينز اللي شنطتهــا ممكن تــاخد "أوضـــة نــــوم"..


• الجنــط الـــ 18 فعلاً سُمـــك الكاوتش بتاعـــه قليل أوي .. أعتقــد فعلاً إن دة ممكن يعمل مشـــاكل مع شوارعنـــا ..


• فيـــه فئتين في الخليجي و الإتنين أوتوماتيــك ، الأولى بـــ 118 :: إيربـــاج واحـــد، جنـــط 16، فرش عـــادي .. و التانيـــة بـــ 130 :: 2أيـــربـــاج، جنــط 18 ، فرش جلــد سوبــر لوكــس ((عاجبني أوي أوي))، فتحـــة سقف مفصلــة مش كهربـــا.. و الفئتين نازلين فعلاً من غير السبويلـــر الصغيـــر الخلفي .. بس بصراحـــة ما حسيتش إن عدم وجود السبويلــر دة عامل تغيير واضــح في شكل المؤخـــرة ..

ربنا يوفقك يا باشا وكويس أنك أستخرت وربنا يقدم ما فيه الخير
وشكرا جدا جدا على الملاحظات

المشاركة الأصلية كتبت بواسطة hgaber

الف مبروك مقدما"
عندي سوال هوه فى cruise control ؟
المانيوال بيتكلم عنه كاأوبشن

معلش مش فاهم سؤال حضرتك
هو دا سؤال واحد ولا أتنين!