ايضاح بسيط من egypt0777

**egypt0777** · 18-05-2010 09:40 PM

الاعضاء المحترمين فى نايل موتورز

تحية طيبة لكم جميعا ,,,,

اريد ان اوضح لكم موضوع من الممكن انه قد تسبب فى لبس لاناس قديرة هنا فى المنتدى , بالاضافة الى اننى اود الاعتذار من كل من قد تعاملت معهم باسلوب غير لائق فى ردى عليهم --- حيث انه فعلا من غير الائق ان اصب غضبى عليهم بل كان من الاحرى ان اصب غضبى على التوكيل .

فما ذنبكم انتم نحن نحاول الاستفاده من تجارب بعضنا و نفيد المقبل على تجربة اخرى ايا كانت .

كما اود ان اقد اعتذارى للسيد هولجن – عما اسلوبى المساتفذ له وهذا الاعتذار ناتج عن تلقاء نفسى.

حتى لا احدث لبس للاعضاء و لا ينتج عن كلامى تناقض فانا اود ان اوضح الاتى:

انا فعلا من ملاك العريبة و انا فعلا كنت من اشد اشد المتعصبين ليها – وهى تعتبر اول سيارة زيرو اقوم باقتنائها .

السيارة منذ ان اشتريتها وانا طاير بيها جدا – الحق يقال بدون تحيز – العربية صاجها ممتاز – سحبها رائع – ثباتها ممتاز – اتساعها من الداخل رائع – شكلها رائع و انسيابى – الاوبشن اللى فيها خرافى . و كنت فرحان بيها جدا .

الى ان بدات تظهر بها عيوب – هذه العيوب هى عيوب قطع غيار ليس الا و من الممكن حدوثها فى اى عربية – ولكن ليس بهذا الكم من مشاكل قطع الغيار – علبة دريكسيون بايظة – بلى عجل – مساعدين – مقصات – كوتشات كوبلن – طنابير تيل فرامل بايظ بتاع الفبريكة – قواعد ماتور - و غيره --- هى كلها عيوب فى قطع الغيار ظهرت مع الاستخدام و ليس سوء الاستخدام . السيارة عاملة 30000 كلم العيوب بدات تظهر بالتسلسل بعد ال 5000كلم

من المفترض ان انا راكب سيارة زيرو --- يعنى محطش فيها مسمار او يتفك منها مسمار اللهم الا تربيط العفشة فقط و عمل الصيانت العادية ---- انم يطلع فيها عيوب فى قطع غيار ناتجه عن استخام الوكيل لمكونات رديئة جدا --- فده فضيحة و فضيحة ليست هينة ,,, من الممكن ان الواحد يتغاضى عنها لو تم اعتراف الوكيل بها و الاعتراف بخطاءة و تحمل مسؤليتح تجاه ذللك و تغيرها --- زى بتوع تويوتا ---- الا انه يقوم بالمراوغة و محاولة التنصل من المسؤليه عن طريق اتباع سياسة تطليع الروح --- مما نتج عنه كرهى للسيارة تمام ( 180 ) درجة و اصبحت مشاكلى فيها هى عملى و كانى متفرغ للتوكيل و للسيارة و اصبحت استحى من اقاربى وزملائى فى العمل انى اجازة اصل رايح التوكيل ( يقولولى انت مش كنت عندهم الاسبوع اللى فات و كنت عندهم من يومين برده !!! طب ارد عليه ازاى اقلوهم انى ابو الفتوح بيعقبنى انى وتقت فى اسمه و اشتريت عربيته ( طب و الله العظيم انا شاريها عشان اسمة --- احنا كنا نعرف اسبرانزا ده منين ؟؟.

طبع بعد تطليع الروح فى التوكيل من الساعة 8 الى 4 بصفة شبه دورية و العيوب ياريت بتفضل زى ما هى لا ده ممكن يتعافى على العربية و يبوظلك حاجة و ماقلكش عليها و ده حصل معايا فى كذا موقف لدرجة ان الواحد وهو رايح مش واثق فيهم.

فكان امامى ام الاستسلام و الرضا بما يمنه علينا ابو الفتوح --- او اقوم بتصليح السياره عند اى مركز صيانة خارجة و بكده انا ما بقتش شارى عربية زيرو – ده بقت عربية مستعملة زى اى عربية تتصلح فى الشارع .

بصراحة ابو الفتوح علمنى انى اكره العربية بعد ما كنت بعشقها ,,, بس هل ابيعها لا انا شاكيه فى حماية المستهلك و مكمل المشوار معاه عندا فيه

ولو العربية ده مع حد نضيف يركب فيها مكونات نضيفة --- و الله كانت كسرت الدنيا --- عشان للاسف هو اللى طالب جوده رديئة لقطع الغيار ---

بس ده كان سبب انعكاسى من محب للسياره لكاره لها بسبب التوكيل

**Dr MNM** · 18-05-2010 09:51 PM

يا سيدى ...ممكن اعرف كلام حضرتك عن موديل اية بالظبط فى الاسبيرانزا
؟

**rotana_cinemaa** · 18-05-2010 10:06 PM

أكيد أسبرانزا m11 عشان ده نفس الي حاصل معايا بالظبط كنت معجب وحابب العربية جدا ودلوقتي بكره حتي اركبها التكييف بايظ من 5000ك والفرامل بايظة من 5000ك والماتور بيسقف وبلاعة بنزين وملهاش اي أكسسوار أو قطع غيار متوفرة لابرة التوكيل ولا جوه التوكيل غير لما ترفع قضية وتروح حماية المستهلك ويطلع عين الي خلفوك وادعولي ربنا يتمم مهمتي علي خير في التوكيل المرة الجايه عشان انا فعلا كل أسبوع هناك بقت وردية من ورادي الشغل الي بشتغله

**egypt0777** · 18-05-2010 11:38 PM

المشاركة الأصلية كتبت بواسطة dr mnm

يا سيدى ...ممكن اعرف كلام حضرتك عن موديل اية بالظبط فى الاسبيرانزا
؟

انا بتكلم عن ال 516 بس مافرقتش

كل الاسبرانزا حراميها واحد

**ahmeddarhos** · 19-05-2010 01:04 AM

أولا دى كلمة باقولها بمنتهى الحياد....
انت اسلوبك مع الأخ hugan كان مستفز جدا و غير لائق بالمرة...
و ردودك هى اللى حولت الاختلاف فى وجهات النظر الى خلاف شخصى..

يا ريت يا جماعة نعرف ان الهدف الأساسى للمنتدى ده هو ابداء الاراء و تبادل الخبرات بين الأعضاء لتعم الفائدة على الجميع.. لأنه من غير مبالغة فى ناس بتاخد قراراتها بناء على اراء الناس فى المنتدى...

و عموما أحييك بشدة على هذا الأسلوب الراقى فى انهاء الخلاف و ياريت تكون بعت لأخ hugan رسالة تعتذر عن اللى حصل... لاننا كلنا اخوة و ماينفعش نزعل من بعض بسبب عربية...!!!!!!!

**Dr MNM** · 19-05-2010 11:03 AM

انا اسف لتغليط حضرتك بس انا مستخدم شخصى لاسبيرانزا 516 قعدت معايا سنين و نص العربية اقسم بالله اكتر من رائعة و لما بعتها كنت حزين جدا عليها و بعتها بس علشان اجيب اسبيرانزا 620 و عمرى ما كنت هابيع موديل اسبيرانزا علشان اجيب موديل اسبيرانزا تانى اغلى الا لو الموديل الولانى كان جميل و اقنعنى جدا و بعدين انا يمكن متابعاتى قليلة فى المنتدى بس انا متابع دقيق جدالاخبار العربيات عامة و الاسبيرانزا خاصة نقطة تانية هامة الاسبيرانزا 516 بالذات هى الاكثر انتشارا فى موديلات الاسبيرانزا و اتعمل منها تاكسيات زى الرز يعنى لو فيها العيوب اللى انا مذهول و انا بسمعها منك دى كان طوب الارض سمع بيها لكن لا انا شوفت حاجة منها فى عربيتى و لا فى عربيات العشراااااااااااااات من مستخدميها اللى بتكلم معاهم سواء سواق تاكسى و لا ملاكى............فى حاجة فى كلامك مش مظبوطة....فى حلقة ضايعة فى الموضوع؟؟؟؟؟؟؟؟؟؟؟

**Dr MNM** · 19-05-2010 11:10 AM

بالنسبة لاسبيرانزا m11 دى مشكلتها الاساسية ان الشركة حبت تعمل عربية تدخل بيها السوق الاوروبى من اوسع ابوابة جابت تصميم ايطالى على شاسية انجليزى على موتور نمساوى هوبة ضربت معاها العربية خلف خلاف يعنى جت تكحلها عمتها اناشايف ان اسبيرانزا شركة بتتحسن اوى من موديل للتانى و لو استمرت فى التحسن السريع دة فعلا قريب جدا خلال شهور مش سنين هتنزل موديلات لاسبيرانزا شبة خالية من العيوب لان الكمال للة وحدة

**elassar2010** · 19-05-2010 12:36 PM

حصل خير وياريت تبعت لهوجن على الخاص وتصفى الموضوع وترجعوا اخوات فى المنتدى

**egypt0777** · 19-05-2010 12:53 PM

المشاركة الأصلية كتبت بواسطة dr mnm

انا اسف لتغليط حضرتك بس انا مستخدم شخصى لاسبيرانزا 516 قعدت معايا سنين و نص العربية اقسم بالله اكتر من رائعة و لما بعتها كنت حزين جدا عليها و بعتها بس علشان اجيب اسبيرانزا 620 و عمرى ما كنت هابيع موديل اسبيرانزا علشان اجيب موديل اسبيرانزا تانى اغلى الا لو الموديل الولانى كان جميل و اقنعنى جدا و بعدين انا يمكن متابعاتى قليلة فى المنتدى بس انا متابع دقيق جدالاخبار العربيات عامة و الاسبيرانزا خاصة نقطة تانية هامة الاسبيرانزا 516 بالذات هى الاكثر انتشارا فى موديلات الاسبيرانزا و اتعمل منها تاكسيات زى الرز يعنى لو فيها العيوب اللى انا مذهول و انا بسمعها منك دى كان طوب الارض سمع بيها لكن لا انا شوفت حاجة منها فى عربيتى و لا فى عربيات العشراااااااااااااات من مستخدميها اللى بتكلم معاهم سواء سواق تاكسى و لا ملاكى............فى حاجة فى كلامك مش مظبوطة....فى حلقة ضايعة فى الموضوع؟؟؟؟؟؟؟؟؟؟؟

انا مش مختلف معاك ان العربية جميلة -- بس قطع غيارها اللى بيركبها ابو الفتوح ما بيتعملش عليها مراقبة جوده فى مرحله التجميع
بمعنى ممكن يكون فى لوط قطع غيار بايظ و لوط مش بايظ ( انت و حظل يعنى )

بس المشكلة مش فى كده المشكله لما تروح التوكيل و يبقى عارف تماما ان المشكلة اللى عندك ناتجة من قطعة معيبة و يقللك لا ده هى كده

ده اسمه سرقة -- ان كرهت العربية من كده --

اقرب حاجة لقيت المهندس بيقولى الطنابير بايظة و عاوزه تتغير -- قلتله ليه العربية عاملة 30 ازاى الطنبير بايظة
قالى اصل التيل وحش
قلتله هو التيل جايبة من بتنا ما انتم اللى مركبينه و لو بوظها يبقى منكم

قالى لا ده مسوليتك انت و انت تشلها

طيب قلنا القطعالغيار جودتها \باله مش مشكله

بس لما تبوظ حاجة تبقى تتحمل مسؤليتك

عرفت ليه انا كرهت العربية

العربية ده لو انا جايبها مستعملة و بصلحها عند الميكانيكى اللى فى الشارع -- كانت ممتازة

انا جايبها زيرو --- يعنى ادور العربية و امشى مليش دعوة طنابير خوابير جن ازرق , طول مانا بعمل الصيانات فى ماعدها ده مش مشكلتى انا مالى

يبقى ده كعربية زيرو عاربية فاشلة --- عموما انا عامل شكوى فى حماية المستهلك

**egypt0777** · 19-05-2010 01:04 PM

المشاركة الأصلية كتبت بواسطة elassar2010

حصل خير وياريت تبعت لهوجن على الخاص وتصفى الموضوع وترجعوا اخوات فى المنتدى

انا شاء الله حاعمل كده

بس هو موقوف دلوقتى لمده شهر من قبل الادارة عشان استخدم فيما يبدوا الفاظ خارجة فى احد ردوده عليه

واول ما يرجع اان شاء الله

نا طبعا لازم اعمل كده