معاك لكن لو حظك وحش وانت ماشى عدل بالراحه
بترسى على حكه او حتى خبطه جامده
لكن لو حظك وحش وانت بتاخد غرزه ومثلا الخبطه جت ورا (كعادة الغريزه) العربيه بتلف بيك ويابتتقلب يابيوقف عمود نور
والمنظر ده انا شوفته كتير جدا وحصل لصاحبى وانا راكب معاه بس الحمد لله وقفنا رصيف دخلنا فيه بالوش وطبعا العفشه ضاعت
يعنى اللى اقصده ان الحادثه لو حصلت وانت ماشى بالراحه او وانت ماشى عدل بتبقى اخف كتير من والعربيه بترقص وبسرعه اعلى اكيد
عامة انا كنت كده بردو زمان وكنت احسن واحد بارد فى المواضيع الشبيهه من دى واقول انا غير اللى بيمشو بجنون و هبل وكده
لكن اكتشفت ان السواقه مالهاش كبير وكل مالواحد كان اهدى فى السرعه كل ماكان نسبة حدوث حوادث ليه اقل ولو عمل حادثه نسبة الخطر بردو اقل.
وبردو رغم اقتناعى بالكلام ده لكن مازلت باجرى وباقفل عدادات وكده وباعتبره مرض عندى واكبر عيب فى سواقتى
وعلى رأى والدى بيقولى
( اللى مابيعرفش يسوق وماشى بالراحه بيعمل 10 حوادث فى الشهر لكن كلها حكات وبيطلع سليم)
( لكن اللى بيعرف يسوق وبيجرى بيعمل حادثه كل 20 سنه وبيموت فيها)
بعد الشر علينا كلنا طبعا