السلام عليكم ,أنا قدامي عربية bmw 316i coupe 1995 automatic
فـا كنت عايز أعرف في عيوب في ال فتيس الاتوماتيك بتعها و قطع غيارها نظامها إيه
وإيه نظامها في ال حرارة يعني بتسخن ولا لأ , أرجو الافادة لو سمحتوا
عرض للطباعة
السلام عليكم ,أنا قدامي عربية bmw 316i coupe 1995 automatic
فـا كنت عايز أعرف في عيوب في ال فتيس الاتوماتيك بتعها و قطع غيارها نظامها إيه
وإيه نظامها في ال حرارة يعني بتسخن ولا لأ , أرجو الافادة لو سمحتوا
السيارة ليست بها اية عيوب. بالنسبة للحرارة, ال e36 مؤشر الحرارة الطبيعى بيكون عند منتصف عداد الحرارة! بالنسبة لقطع الغيار ك e36 مش غالية بالمرة! هتجد قطع الغيار فى المتناول و مش مكلفة للدرجة اللى حضرتك متخيلها! فيه هنا موضوع به أسعار بعنوان استفسار عن ال e36 ال 1992 الى 1994 أنا مش متذكر العنوان بشكل جيد لكن تقريبا هو العنوان الخاص بالموضوع فيه شىء من هذا القبيل فى احد الردود تجد بعض أسعار قطع الغيار!
العربية جميلة جدااااااااااا.
وخالية من العيوب ف الفتيس
وقطع الغيارة سعرها متوسط ..
وعربية مريحة جداا
وانصحك بيها
شكرا يا شباب على الردود ,أعزوروني أنا خبرتي قليلة في ال bmw
أنا كل خبرتي في العربيات الالماني كان معايا opel vecta 2001 cdx و عيبها الوحيد إنها كانت حساسة قوي للحرارة ,بس أنا دلوقتي معايا new accent 2010 يعني الموضوع يستاهل إني اضحي بعربية 2010 واجيب عربية 1995 وكمان هادفع فرق ؟
هى معروضة على كام
على 85 ألف
بس الكوبيه زبونه نادر شوية ...
متهيألى سعر عالى شوية, لأن صديق ليا بايع واحدة م 99 أول الشكل e46 على 90 و كانت فابريقة برة و جوة (لكن فيها شوية مشاكل فى العفشة و الفتيس), بس عموما تقدر تجيب موديل 99 ب 90 ل 95, ف صعب أوى م 95 يتباع ب 85 (حتى لو كوبيه)
على بركة الله, ربنا يوفقك فى حالة ان شاء الله
هى عالعموم الكوبيه بتفرق سعرها عن السيدان, يعنى حضرتك إذا اردت أن تشترى سيارة سيدان 1995 بحالة نظيفة جدا هتكلفك مش أقل من 75000 جنية, لأن سعر ال 1992 التى لا تحتاج مصاريف و بحالة ممتازة مش أقل من 63000 جنية, سعر الكوبيه كابروليه تفرق عن سعر الكوبيه تفرق عن سعر السيدان! هو السعر إذا كانت السيارة بحالة جيدة لا تحتاج مصاريف فى أشياء ضرورية و كل ما تحتاجه هو مراجعة على كهرباء السيارة! ممكن على 80000 جنية! و عالعموم حضرتك و براعتك فى السعر! ممكن تأخدها من غير فلوس على الأطلاق :) .
كلمة أخيرة مش شرط إن فيه شخص سواء هو بنفسه أو صديق له اشترى بسعر معين يبقى لازم كل الناس تبيع بنفس السعر لأنه مش إلزام! قطع غيار ال e46 بشكل عام معروفه بالغلاء و بأسعارها المرتفعة يعنى جزء إن السيارة محتاجة شغل فى العفشة و خلافه معناها إن السيارة فى النهاية هتقف على صاحبها مش أقل من 105000 جنية إذا كانت تحتاج الى تغيير العفشة! ارجو من الأستاذ اللى كان كتب إن صديقه اشترى e46 ب 90000 جنية يعرف أن هذا مجرد نقاش ليس إلا و كلامى ليس له مقصد معين أو اية اساءة على الأطلاق!
بالنسبة للأسعار, فيه أشخاص معها السيارة على سبيل المثال كأول يد منذ نزول السيارة الأسواق فهو تمتع بالسيارة مدة كافية جدا! و منهم من هو معه من المال ما يجعله يستطيع شراء 5 سيارات من نفس النوع وليس واحده! فعند بيعه للسياره قد تجده يبيعها بسعر ولا يفرق معه لأنه إما تمتع بها او معه المال الوفير! لشراء غيرها وغيرها......
العربية كوبيه مش كابروليه,والعربية محتاجة شغل كهربة,يعني مثلا العربية مفيهاش كاسيت التكييف مفصول والنور الامامي العالي مفصول ولمبة abs منورة و المرايات الكهربة مش شغالة وال سنتر ساعات بيعلق.ده شغل الكهربة اللي العربية محتاجة مبدئيا لكن العربية مش متهانة من جوه و لسة صاحب العربية جايب كاوتش جديد ولسة راششها نضافة.أنا بقارن حالة العربية بالسعر المطلوب.وأنا خبرتي بسيطة في عربية el-bmw فـمعرفش سوق العربية عامل إزاي
هو شغل الكهرباء فيها شكله كثير! و من الممكن يدخل فى أشياء ثانية حضرتك ممكن تعمل شىء جميل جدا و هذا متوقف على موافقة صاحب السيارة. حضرتك تستأذن صاحب السيارة إن يذهب معاك للحرفيين و تكشف على السيارة هناك و إذا لم يكن لديك ميكانيكى جيد ممكن أدلك على ميكانيكى ممتاز و إن شاء الله يكشف لك على السيارة! ثم من الميكانكيى الى كهربائى سيارات و تعرف بالضبط تكلفة شغل الكهرباء التى تحتاج إليه السيارة ثم من هنا تستطيع معرفة السعر بالضبط لأن ما ذكرته من عيوب كهربائيه قد يكلفك كثيرا! و سوف يحتاج إلى وقت لتصليحه