بإذن الله بكرة هستلم الفانتازيا 2010 أوتوماتك سيلفر.إدعولي بقي ربنا يملاها بركة ويحميها من عين الحسود ويعطينا خيرها ويكفينا شرها..محتاج نصايحكم.
عرض للطباعة
بإذن الله بكرة هستلم الفانتازيا 2010 أوتوماتك سيلفر.إدعولي بقي ربنا يملاها بركة ويحميها من عين الحسود ويعطينا خيرها ويكفينا شرها..محتاج نصايحكم.
ربنا يديك خيرها و يكفيك شرها
سيبك من اى حد يقولك تليين و متقرصش على العربيه و متشغلش التكييف
و الكلام ده عشان الكلام ده فى ناس كتير اختلفت فيه و فى ناس قالت ان العربيه بتكون متلينه عشان كده
نصيحه شخصيه ( تقرأ الكتالوج و شوف مكتوب فيه ايه و تنفذه مفيش حد هيفهم فى العربيه اكتر من اللى صانعها لو مكتوب تليين يبقى تلين لو مش مكتوب يبقى دوس على العربيه براحتك )
بص اتاكد انك اخدت لون الفرش اللي طلبته
تتاكد من كل حاجه شغاله و الاهم النقر اللي بتبقى في الصاج علشان بيسلموها ليك مليانه تراب من بره
متشربش عصير اللمون لو حتستلمها من فرع المقطم علشان طعمه وحش اوي :d
و ربنا يباركلك
طبعا تتاكد من الكتالوجات و رقم الشاسيه اللي بتاخده في ايديك و الكود بتاع المفتاح اللي بتستلمه
بس
متشكر جدا يا جماعة ربنا يخليكوا ليا.أنا بصراحة إتشديت أكتر للفانتازيا بعد مقارنة عنيفة بينها وبين الجيتا.وأتمني إن أكون وفقت في إختياري.وأي نصايح تانية قولوها علي طول
الف الف مبروك يا باشا اخيار موفق
الف مليون مبروك و ربنا يجعل قدمها عليك خير و بركة يا رب و يكون وشها حلو عليك ان شاءالله، بس امانة عليك اول ما تستلمها تشغل قرآن فيها عشان ربنا يكرمك ان شاء الله
ان شاء الله ربنا يحفظهالك و تكون وش الخير عليك بإ ابو حميد اهم حاجة القرآن عشان البركة
بالتوفيق ان شاء الله وربنا يحفظهالك من الحسد ومن شر الطريق ومن كل سوء
الف مبروك يا باشا ربنا يرزقك خيرها ويكفيك شرها .. اولا طبعا تصدق من باب شكر النعمة .. ثانيا اقرأ الكتالوج كويس جدا .. وخلي بالك من اول 1500 كم .. ثالثا حرص شوية في الاول لغاية متتعود على ابعاد العربية لانها صعبة شوية في الاول وفي حتت ميتة مبتتشفش .. رابعا اياك انك تهمل في الصيانات واي صوت او اي حاجة في العربية لاحظها وتروح على لاتوكيل جري لو لا قدر الله في اي صوت .. خامسا استشير في اي حاجة واقفة قدامك والناس هنا ماشاء الله خبرات كتيرة
اخيرا بقي ان شاء الله اختيار موفق وانا في رايي انها افضل من الجيتا (راي شخصي مبني على تجارب شخصية معايا ومع اصدقائي).
أستاذ مروان متشكر جدا لحضرتك..أنا مليش بركة إلا أنتم..أنا والله بعتبر أعضاء المنتدي هنا أخوة ليا..بالنسبة للعربية,,أولا أنا كنت بقارن بينها وبين الجيتا من فترة وإستنتجت إن الجيتا شكلها القديم زي ما هو ولما شوفتها كويس من جوة معجبتنيش بصراحة.الطابلوه مش منسق زي بتاع الفانتازيا (رأي شخصي ) وثانيا موضوع الفتيس الجديد ده أنا مش ضامنه نهائي.الفانتازيا أعلي من الجيتا عن الأرض والإتنين نفس الثبات.الأداء متشابه في العربيتين.الكماليات متشابهة في العربيتين.شنطة الفانتازيا بحر.وكيل السكودا مع إني مش بحبه بس أفضل من وكيل فولكس.كل دي دوافع شدتني للفانتازيا أكتر + إني ضامن سكودا برقبتي بعد ركوبة الـ a4 حبيبتي اللي مش هفرط فيها إن شاء الله.:Ob_mak1[1]: إدعولي بقي عشان هستلم النهاردة إن شاء الله
الف مبروك ربنا يديك خيرها و يكفيك شرها
الله يبارك فيكم يا جماعة متشكر جدا
inspiron باشا الف مبروك يا كبير أنا لسه شايف الموضوع ربنا يديك خيرها و يكفيك شرها بس ابقى افتكرني بلفه بقى :3mla:
حبيبي يا باشا والله ربنا يبارك فيك والعربية كلها تحت أمرك
1000 مبروك
مباااااااااااااااارك عليك يا غالي
وقولنا ايه اللي حصل بالتفصيل الممل تجربتك يا غالي؟
حبيب قلبى احمد مجدى باشااااا الف مبرووووك و ربنا يملهالك خير و بركه و يكفيك شرها . و عايز بقى تقولنا كل حاجه بالتفصيل الممل عن العربيــــه . و اى حاجه انا تحت امرك يا باشا .
محمد عباس باشا منور..الله يبارك فيك.إن شاء الله أول ما هستلم أعمل تقرير مصور بالتفصيل,,كان المفروض الإستلام النهاردة بس هي واقفة علي جواب المرور..يعني تترخص بكرة إن شاء الله وأستلم علي طول,ربنا يسهل.
الف مليون مبروك يا باشا ...
خد بالك بس من صاج العربيه عشان ممكن تبقى محكوكه او فيها نقر ...
و طلع صدقه ..
و شغل قران فيها على طول ..
و هات لفه ..
و كل شىء يبقى تمام ..
محمد باشا وخالد باشا منورين..الله يبارك فيكم.أنا لسه والله مستلمتش بسبب خطاب المرور.وحاليا بنتصرف في نمر تجارية وتصريح مؤقت بعدين أستلم..العربية تحت أمركم يا رجالة يعني هيبقي في أعز منكم؟!
ربنا يبارك لك فيها و يحفظهالك إن شاء من العين
الف مبرووووووووووووووووووك يا باشا وربنا يملاها لك بركة
منتظرين التقرير
ربنا يديك خيرها و يكفيك شرها