المشاركة الأصلية كتبت بواسطة moe86
خليك مسالم يا خالد لو بتخاف على نفسك أو عربيك , لأن أغلب أصحاب المعارض دى بيبقوا بلطجية و عالم صايعة
ممكن تلاقى قزاز العربية متفشفش فى مرة
ممكن تلاقى الأربع فرد متقطعين
و الأخطر بقى ممكن لاقدر الله عيل يرمى على وشك مية نار و يطلع يجرى , و لا واحد يغزك بمطوة
أنا بحكيلك على مواقف حصلت بجد مش خيال يعنى
أنا اتخانقت مع كل المحلات اللى فى شارعنا و الشارع اللى جنبينا لما مش بلاقى مكان تحت البيت و أركن قدامهم , كذا مرة و صلت لزق و ضرب
و فى مرة اتضربت جامد بصراحة , و جبت واحد صاحبى وكيل نيابة و عربية نجدة و حوار , و فى الأخر صاحبى خدنى على جنب و قالى الراجل دة ممكن يتحبس 3 شهور أقل واجب , بس ما نضمنش هاينتقم ازاى بعد كدة , فقبلت الصلح و باس راسى قدام الناس , علشان خايف على نفسى و عيلتى و عربيتى برضو
لأن من الأخر كدة البلد مافيهاش قانون
و معلش ما لحقتش أقعد معاك فى المقابلة لأنى مشيت أول ما انت جيت