مجلس الشعب يقرر رفع ضريبة السجائر 40% والمعسل 100% لسد عجز الموازنة

**بحري** · 20-05-2010 12:53 AM

على فكرة إحنا ماشيين في نفس السكة اللي هتوصلنا للوضع اللي غنى فيه سيد درويش (شد الحزام على وسطك)..وقتها كانت كل موارد البلد رايحة لدعم الإنجليز والوضع الاقتصادي كان زي الزفت والشعب يتحرق بقى يشد الحزام يشد في شعره مش مشكلة..دلوقتي موارد البلد كلها رايحة لدعم اللي يستاهلوا الدعق والحرق والوضع الاقتصادي برضه زي الزفت والفرق إن الناس مش حتلاقي حزام عشان تشده أساسا

**ahmed4000** · 20-05-2010 09:48 AM

المشاركة الأصلية كتبت بواسطة ainshouka

دا على اساس ان الناس بتشم الاسمنت ولا بتلفه فى سجاير

يعنى انا مش فاهم حاجة

لا هو المقصود ان الصناعات دى ملوثة للبيئة وبتؤدى لامراض (اومال الاجانب بيفتحوا مصانع عندنا ليه) فبالتالى هو بيقول لازم تفرض عليها ضريبة علشان تدعم موارد الصحة

السجاير ماشى لكن الاسمنت جت اوت لان للاسف الاتنين جنيه حيوصولا لمستهلك 50 جنيه عندنا بجاحة ملهاش حدود

**human** · 20-05-2010 10:13 AM

انا خايف بكره يبقى فيه ضرايب على الكلام

اهم حاجه الرنامج
نموت نموت و يحيا البرنامج

**samirayad** · 20-05-2010 01:17 PM

المشاركة الأصلية كتبت بواسطة a7med_pharma

ومين هيمسك الطبلة؟؟؟

أصلها كده هتقلب دلع والناس هتهيس من إلي بيحصل

يظهر ما أخدتش بالك كويس

من مغزى شد الحزام

فالشد هنا ليس من أجل الرقص

ولكن من أجل تصغير حجم المعده
للأقلال من المأكولات
بدافع التقشف

__________________________-

ممكن برضه نجيب حد يمسك الطبله علشان يسلينا وإحنا بنعتصر من ألم الجوع

**badblood** · 20-05-2010 08:01 PM

هي الموازنة على طول معجزة كده
بطلوا سرقة وهي تتظبط
وعجبي

**Ahmed Samy** · 21-05-2010 01:06 AM

المشاركة الأصلية كتبت بواسطة badblood

هي الموازنة على طول معجزة كده

معجزة فعلا

معجزة المعجزات

**human** · 21-05-2010 12:22 PM

طيب المعسل يزيد يبقى الرجاله هتقعد فى البيت و ده معروف تأثيره على الزياده السكانيه
و الصحه تزيد و الامراض تقل و الوفيات تقل

هما مش حاسبينها صح ولا ايه

**hatem11112000** · 21-05-2010 01:53 PM

طول ما ربنا بالينا بالاثنين دول اللى قاعدين على نفسنا هتفضل البلد من سئ الى اسوأ ربنا قادر يريحنا منهم كلهم فهو على كل شئ قدير

**heshamzaky** · 21-05-2010 02:03 PM

الاكشاك ما كانتش عاوزة تبيع لحد العر ما تاكد ال lm بتتباع ب 7 او 7.5 و المارلبور 10 جنية و 11 كمان الواحد يبطل التدخين احسن و اوفر

**amir** · 21-05-2010 03:11 PM

اولا احب اوضح
الناس اللي بتشجع الضرايب علي السجائر علشان صحتها و صحه الناس
ارجو منهم انهم يجتهدو و يعملو ابحاث علي النت علي الكلمات دي:
الرصاص - اول اوكسيد الكربون- مخلفات البلاستك و نواتج حرقه-- حرق القمامه-- عوادم السيارات

و هتعرفو ان علبه سجاير تشربها ارحم من سحابه اول اوكسيد كربون ورا ميكروباص ولا اوتوبيس ولا عربيه ملاكي حتي!!!
و لو الناس لسه عندها وقت تبحث و تتقصي الحقائق يبقي دورو في موضوع حلوان و الملك كان مخططها ايه
و عبد الناصر جه بفلسفه التأميم و خلي منفذ الهواء الي القاهره عباره عن ايه
حلوان دي كانت مشفي
حاليا مصانعها و بلاويها بنشمها كل يوم انا و انت و غيرنا في القاهره
الكلام عن السجاير و انها بتبوظ صحه الغير مدخن هنا في مصر عامل زي واحد بيشتكي من تكييف بينقط ميه في الشارع و السيول نفسها نازله ترخ علي الارض
===============
بالنسبه للضرايب الجديده دي ذات نفسها
تاريخ الدول بيقولنا ان الدول قبل ما تنهار بتضعف
و من دلالئل ضعفها انتشار الفنون
و دي لا خلاف عليها كنقطه ظاهره لكل صاحب عين
و علامه تانيه هي انتشار الضرايب
دوله غير منتجه و مصنعه هتجيب فلوس منين
هتتجه لمواطنينها
و ترفع عليهم الضرايب
و ده اللي بيحصل حالبا و حصل من قبل كده و هيحصل بعد كده
هما بس بيحاولو يلعبوها بأسلوب ميقلبش عليهم الناس
زي ما كان في كلام جس نبض عن ان اسعار الوقود لازم تكون مش متساويه ما بين اللي راكب عربيه رخيصه و اللي راكب مرسيدس و بي ام
تقليب المجتمع علي بعضه
هو ذنب اللي راكب مرسيدس انه ناجح في عمله
هي بقت تهمه انك تكون ناجح
يعني حاجه تفكرنا بفكره التأميم
استيلاء الجماعه علي ممتلكات الخاصه بحجه واهيه و ضعيفه
ديننا نفسه مش بيسمح بكده

و بعد ما السجاير و الاسمنت يزيدو
معظم اسعار المباني هتزيد
و مين المتحمل النهائي
انا و انت
ده الكارثه لو المصانع و الشركات مقدرتش تشتغل في ظل ارتفاعات الضرايب و تكاليف التشغيل
المسئولين لازم يتخلو عن البيروقراطيه و يفكرو بأسلوب واعي و بنظره للمستقبل البعيد قبل القريب

ده الجرنان النهارده مكتوب فيه ان الاكشاك و المحلات بدأت ترفع اسعار السجاير بالاسعار الجديده او انها تخفيها و تخزنها علشان تستفيد بفرق السعر
حاجه تضحك و الله
الدوله بتجبرهم انهم يبيعو بالاسعار القديمه الي ان تفعل الاسعار الجديده
طب ما العربيات لما اسعارها انخفضت عالميا قالك اصل احنا استوردنا بالاسعار القديمه و لازم نبيعها بالغالي
و لما الدورلار كان بيزيد كان بيبرر ارتفاع الاسعار بيه
و لما انخفض الدولار كان بيبرر الارتفاع بارتفاع الين
تأييد الموقف بالحنجل و المنجل و نظام التلت ورقات

للاسف كلامنا هنا مش هيفرق حاجه
هي الامور بتمشي كده
و هتفضل تمشي كده
ده من ايام الفراعنه و احنا برضو كده
اللي مش عاجبه الحال يا اما يسكت و خلاص يا اما يسيبها و خلاص

الموضوع: مجلس الشعب يقرر رفع ضريبة السجائر 40% والمعسل 100% لسد عجز الموازنة

LinkBack

أدوات الموضوع

عرض

-

-

-

-

-

-

-

المواضيع المتشابهه

مرسي يقرر زيادة في أسعار الضرائب على السجائر و الكهرباء والغاز و المياه الغازية

هل هذا الخبر صحيح ----مجلس الوزراء يقرر زيادة أسعار الكهرباء

مجلس الوزراء يقرر استبعاد جميع أركان نظام مبارك من مواقع المسئولية بالدولة

«غالى» يقرر فرض ضريبة مبيعات على السيارات المستعملة

الكلمات الدلالية لهذا الموضوع

المفضلات

المفضلات

ضوابط المشاركة