الموضوع: الفيفا تصدر قرارها بمعاقبة مصر و براءة الجزائر

ده الخبر منقول من موقع الفيفا :

قررت لجنة fifa التأديبية، برئاسة السيد مارسيل ماتييه، يوم 18 مايو/أيار في زيوريخ، فرض عقوبة على الإتحاد المصري لكرة القدم تقضي بأن يلعب المنتخب المصري أول مباراتين على أرضه ضمن التصفيات المؤهلة لكأس العالم البرازيل 2014 fifa بملعب يبعد عن مدينة القاهرة مائة كيلومتر على الأقل، كما سيتوجب على الإتحاد المصري دفع غرامة قدرها 100 ألف فرنك سويسري.

وقد اتخذت لجنة fifa التأديبية هذا القرار بعدما قضت بأن الإتحاد المصري لم ينجح في اتخاذ جميع تدابير الأمن الوقائية لضمان سلامة البعثة الجزائرية، بالإضافة إلى فشله في توفير الأمن والسلامة في ملعب القاهرة الدولي خلال المباراة التي جمعت المنتخب المصري بنظيره الجزائري يوم 14 نوفمبر/تشرين الثاني 2009، ضمن التصفيات المؤهلة لنهائيات كأس العالم جنوب أفريقيا 2010 fifa.

وقد أشارت لجنة fifa التأديبية، على وجه التحديد، إلى أن الإتحاد المصري لم يتخذ الإجراءات الضرورية لتفادي الإعتداء على الحافلة التي كانت تقل أعضاء الوفد الجزائري وهم في طريقهم من المطار إلى الفندق يوم 12 نوفمبر/تشرين الثاني 2009، حيث تم تكسير زجاج نوافذ الحافلة وأصيب أربعة أعضاء من البعثة الجزائرية، بمن فيهم ثلاثة لاعبين.

كما تمت الإشارة إلى عدم ضمان الأمن والنظام داخل الملعب، حيث تم تسجيل حضور جماهيري مفرط مما عرقل الحركة في المداخل وعلى أدراج الملعب. كما حجزت حافلة الوفد الجزائري لأكثر من 45 دقيقة، بعد نهاية المباراة.

وبخصوص مباراة الملحق التي جمعت بين المنتخب الجزائري ونظيره المصري في 18 نوفمبر/تشرين الثاني 2009، فإن لجنة fifa التأديبية قضت بعدم توفر الشروط التي تستوجب فتح تحقيق في الموضوع، وبالتالي قررت إغلاق هذا الملف.


وبكده خلص الخبر و خلصت الحدوتة ...

بصراحة مش عارف أقول إيه ولا إيه ... أنتم إيه رأيكم ؟؟

المشاركة الأصلية كتبت بواسطة dr.sherifmansy

الموضوع مش الفيفا شايفين ايه او مش شايفين ايه..

الموضوع عبارة عن اوراق رسمية ، زى ما يكون اتنين اتخانقوا فى الشارع و الأول ضرب التانى و بعدين راح القسم عمل له محضر و التانى اللى انضرب بدل ما يعمل محضر هو كمان قعد يعيط فى الشارع ، طبيعى ان البوليس يمسكه علشان المحضر اللى ضده ، و هو عليه غلط انه فرط فى حقه و ما جريش عليه.

انا لا باحب الكورة و لا بافهم فيها ، و لكن قريت ان الجدع بتاع الجزائر وروارة ده كان متقدم للفيفا بشكوى نفس يوم الماتش بتاعهم معانا هنا فى القاهرة مع الورق المطلوب ، و بكده شروط الشكوى بتاعته مستوفاة و يجب التحقيق فيها ، و ده اللى تم.

أما الأشاوس بتوعنا فى اتحاد الكرة المصرى فقدموا الشكوى بعد ما فات ميعادها و حمضت و ريحتها كانت طلعت ، و كل اللى حصل ان الناس كانت مولعة من اللى حصل و عمالين نعيط و نصرخ من اللى حصل و نطلع فى الفضائيات بتاعتنا احنا و نهلل و نقول ، و لكن مافيش اجراءات قانونية ، و بالتالى الفيفا ما عندهاش حاجة تحقق فيها ، و لا هما هايمشوا ورا كل ماتش يحققوا فيه سواء كان فيه شكوى ولا لأ ؟؟

آدى الموضوع ببساطة

و على فكرة ، رابط الخبر من على موقع الفيفا أهو ، من هنا

مش عارف ليه افتكرت الأغنية القديمة اللى كانت بتقول :

"رجالة و طول عمر ولادك يا بلدنا رجالة"

و تحياتى

استاذ ورئيس قسم يا دكتور

وتاكسى رايح سويسرا للفيفا وتاكسى راجع من سويسرا وبعثه رايحه وبعثه راجعه
وفسح وخروجات وبدلات كله علشان مصر

( ده مش انا اللى بادفع يا رأفت دى مصر اللى بتدفع ....)

و ده استكمالا لمسلسل صفر المونديال الشهير
وكده ماجبناش صفر واحد بقى عندنا صفرين