-
امبارح لما كنت فى الحرفين لمحت وانا ماشى محل كبير هناك لقطع الغيار
اسمه
عبد الرحمن عزت لقطع غيار نيسان التيدا والصنى والاكس تريل , واللى خالانى المح قطع الغيار لانى لقيت عنده تيدا كتيرررر
ولقيت عندن نص عربية كاملة تيدا بين السيدان موديلات 2009 و2007 وكمان لقيت عنده تيدا هاتش باك
وسالته على الفانوس الخلفى فى التيدا السيدان قالى 300 جنيه من غير فصال
المهم انى اطمنت ان فى قطع غيار كتيرة فى الحرفين والحمد لله للتيدا
وسالت كمان على الاسبويلر قالى ب400 جنيه بس صينى مش اصلى , والاصلى ب900 جنيه
انا حبيت بس اقولكم على المحل اللى فى الحرفين ده عشان اصحاب التيدا والصنى , وهو محل مشهور جدا جدااا هناك
وتحت امركم
-
صباح الفل و كل رمضان و انتوا بخير و احسن حال
بعد شكر السادة المشاركين بفاعلية فى الموقع الرائع و شكر ادارة الموقع طبعا عن الجهد المبزول فية
احب اشترك معاكم فى الموضع الحيوى دا بمعلومات عن سمكرى محترم عن تجربة (ربنا مايكتبها لحد ) حصلت ليا و بصراحة الراجل محترم جدااااااااااا
اسموا الحج - طلعت
العنوان-وراء مستشفى غمرة العسكرى - منطقة الشادر القديم - شارع بورسعيد - وانتا نازل من اكتوبر لف و ارجع اكنك طالع على غمرة ثم هتلاقى على اليمين التوحيد و النور بعدية هتلاقى مصنع اسموا لونا على ناصية الشارع بورسعيد الرئيسى فا ادخل الشارع الى عى نصيتوا يفطة المصنع هتلاقى ورشتوا اول وحدة على اليمين
و بالمناسبة الشارع دا كلوا مكانيكية و و رش لكن ماتعملتش مع حد منهم غير السمكرى دا بس انا لحظت حاجة انهم كولهم بيشتغلوا فى عربيات bmw و مرسيدس
و بالنسبة للسعر بتاع السمكرى هوا مش رخيص لكن بيعمل الحاجة من الاخرررر و لو لقاك عاوز تعمل تلسقة مش حاجة محترمة بيقولك من الاخر شوف حد غيرى و ممكن يبعتك لناس تانية
مش اشتغلات صنيعية لانوا بيقولك على مصلحتك و بيخاف على اسموا من الاخر و الميزة التانية الى فية - طبعا من وجهة نظرى - انوا بيقولك لو الحاجة عاوزة تتغير او تتجاب (رفرف او اكصدام الخ) بيتجاب اية و من فان و استيراد و لا كورى او يابانى بسعر كويس (مابيركبش صينى الا فى الضرورة القصوى عشان العربية تعيش )
و كفاكم ربنا شر الخبطات الى مالكش فيها زنب
و اعتزر للاطالة
-
ده الكهربائى بتاعى و حسن ده ممتاز جدا هى ورشه صغيره جداااااااا بس شاطر قوى و كمان معاه صنايعى اسمه احمد برده شاطر و فى فى الازاريطه فى شارع شنواز عند مبنى امن الدوله كهربائى شاااااااطر جدااااااا و فاهم قوى اسمه محمد جابر و الله الموفق
-
تسلم ايدك يا استاذ هانى على سرد تجرتك , واكيد حستفادوا منها الاعضاء
استاذ مجاهد , فعلا حسن الكهرباء راجل شغله محترم جدا وكان نفسى يكون فى القاهرة , بيشتغل فى عربيات بشوفها بتجيله بى ام ومرسيدس وبورا وجولف وميجان وعربيات كتير , وفعلا كل الناس اللى شغالة معاه فاهمين جدا سواء احمد او محمود
طالما بتروحله انا حتلاقينى البلكونة اللى فوق منه ههههههههههههههههه
ابقا قوله احمد مصطفى اللى ساكن فوق الورشة بتعتك اللى من مصر بيسلم عليك
واى حد محتاج لكهربائى ممتاز فى اسكندرية يروحله ويقوله انه من النايل موتورز من طرف احمد مصطفى اللى ساكن فوق الورشة عنده فى العيسوى
وتحت امرك يا استاذ مجاهد فى اى خدمة
-
وهل الميكانيكيا بتوع الحرفيين دول مضمونين
أنا اسمع إن الحرفيين فيها إشتغالات جامده
-
الحرفين لازم تكون منتبه ليهم جدا ,
يفضل انك تكون رايح لواحد معروف فى شغله وسمعته او حد يكون عارف حد ويكون بعتك عنده
-
سمكرى
السلام عليكم،
سمكرى اتعملت معاه كتير من ايام 128،لانوس،كرولا ودلوقتى صنى 2010 للأسف عمود الحكومة بتاع الرصيف خبط فى اللأكصدام ودخل بالشنطة والحمدلله رجعها عالبارد وفيه تاجر سيارات شكر فيه لما شاف السمكرة ، هو فى المعادى متفرع من شارع احمد زكى ، اسمه صلاح وممكن اللى مش عارف المعادى كويس أدله عليه .
-
حلوة اوى فكرة الموضوع دة يا احمد بجد تسلم ايدك
-
ياهل اسكندرية
الله يباركلك لو حد يعرف ميكانيكى فى اسكندرية
-
نظرا لاهمية الموضوع لملاك النيسان اللى فات على عربيتهم 3 سنين او قطعوا اكتر من 100 الف كم يعنى خلصوا فترة الضمان او ناس مالهاش فى التوكيلات وبيتعاملوا مع ورش برة
نرجو من الجميع اضافة اى بيانات جديدة بخصوص هذا الموضوع بحيث يكون دليل ومرجع للجميع لتحقيق اكبر استفادة من القسم والمنتدى
وبالرغم من ان اغلب الاعضاء الفعالين هنا لسه فى فترة الضمان بس اكيد هاتخلص وممكن يكون فى احتياج لورش خاصة
وبيتهيألى بعد الانتشار الكبير لنيسان فى مصر عامة والصنى خاصة هايكون للموضوع افادة اكبر من الاول
Content Relevant URLs by
vBSEO 3.6.0 PL2