وجاااااءت السياره... هيييييييييه.. بقيت من العصابه
الحمد لله والله اكبر....اشتريت فيكترا 2000 - 1600 سى سى .. مستعمل.. من تلات ايام
الحمد لله.. جت بعد عذاب ولف ودوران لمده 3 شهور او اربعه على مستعمل المانى
مكنتش فى دماغى الاوبل اوى صراحه.. بس لما لقيت دى قلت اتوكل على الله
العربيه فى الكشف المبدئى كانت جميله.. وروحت بعد يومين كشفت عليها فى محطه شل اللى فى طريق النصر - المعادى.. (انا مش من القاهره.. فممكن اعك شويه فى العنواين) .. والحاله برضه كانت ممتازه..
عايزه بس تغيير جوانات واولسيهات كبالن.. و تغيير الزيوت والسيور..
بالنسبه للبادى فبريكه جوا.. وبرا معظم الاجزاء
بالنسبه للاداء.. الحمد لله الى الان اهو مفيش اى مشاكل..
اولا.. بحب اشكر طنانى باشا.. وتامر باشا.. لانهم ساعدونى كتير فى الحوار ده.. وادونى معلومات كتير مكنتش اعرفها عن الاوبل.. انا كاتب الموضوع ده اساسا عشان اشكرهم.. بجد افادونى كتير
واتمنى انه فى يوم نتقابل سوا..
ثانيا.. انا مبسوووط جدا انى بقيت تبع العصابه هنا :Oc_sun1[1]: ... لان العربيه مكيفانى بصراحه
ثالثا.. لسه الصيانه معملتهاش.. جبت قطع الغيار من سرور فى مصر.. وجيت هنا ع الزقازيق وركنت العربيه ونمت فى بيتنا يومين :36_1_50[1]:... عشان احتل مكان ف الشارع اركن فيه :10D5C8w1107:
هكتب موضوع تانى كمان يوم ولا يومين كده عن اللى قابلته من هبل الناس.. وجشع التجار فى المستعمل.. والكوميديا اللى حصلت معايا.. وعن الحاجات اللى تعملها لما تحب تجيب اوبل مستعمل او المانى عموما..
انا عارف ان فيه هنا وحوووووووووش ف المنتدى..
بس قلت برضه اينعم خبرتى محدوده.. وتكاد تكون معدومه.. بس يمكن افيد حد.. زى ما ناس كتير ساعدتنى
وربنا يجيبلى ويجيبلكم يا شباب كل خير ويبعدنا عن كل شر وسوء
ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.
يرجى مراجعة قواعد المنتدى
مشرف القسم
11ب
