كريم باشا..مع إحترامي الشديد للراجل ده كلامه غلط..حرارة العربية الطبيعية 90 وإستحالة تنقص عن كده بأي حال من الأحوال..ولو فرضنا إن في خلل في دورة التبريد الحرارة تعلي مش تنقص.يعني نقطة الحرارة دي إنساها.شوف يا سيدي الفاضل.
- هتروح محطة بنزين فيها ماركت محترم (توتال اللي في نصر الدين ) هتشتري من هناك عبوة إسبراي إسمه GUNK مكتوب عليها injectors cleaner,,
بعد كده هتطلع علي ميكانيكي محترم وعندك إختيارين..
الأسطي شعبان اللي وصفته لمهندس محمد عشان يغير زيت الفتيس والفلتر..
أو الشيخ عادل اللي بعد أبو الحسن اللي في بين الثرايات بشارعين بالظبط.وهتقوله كلمتين ..
نظفلي البوابة..هيفك العمة بتاعى فلتر الهوا.هيفك بعديها الوحدة اللي في آخر الزور بتاع العمة ( هي دي البوابة ) ودي اللي بيكون جواها حساس الـ idle control اللي برده هتنظفه بالمرة.
هيغسل البوابة دي كويس بالبنزين وينفخها هوا..
بعدين يزيت البلف بتاعها بنقطتين زيت كده قبل ما يركبها عشان الـ rbm ميلعبش معاك.
بعدين يركبها.ويدور العربية من غير ما يركب العمة..
هنا يجي دور الإسبراي.هيرش السبراي جوة الزور وهو بيزود بنزين جامد عشان الهوا يشفطة للبوابة.
هينفخلك فلتر الهوا بالمرة ويركب العمة ويقفل الكبوت ويقولك جرب العربية..وهتدعيله ومتنساش تدعيلي برده .
-- اللي بيحصل حضرتك إن البوابة دي مع الوقت بيتكون جواها طبقة من مادة الشربون (مادة سودة كده تشبه الكربون الأسود ) بتسبب إنسداد في الفوارغ بتاعة البوابة اللي بتسمح بدخول الهوا للموتور وأيضا إنسدادات في حساس الـ idle وده في النهاية بيخنق العربية جدا.
المفضلات