السلام عليكم يا أهل المنتدى الكرام
أنا واحد صحبى معاه هيونداى اكسل لسه شاريها
و بيخاف يعدى بيها المية
و عنده هاجس انها هتتقلب بيه بعد الميه
فلو حد يعرف
ازاى الواحد ممكن يزود ثبات عربية زى دى
يعنى
يعرف يجيب بيها 130 مستريح
و شكرا مقدما
عرض للطباعة
السلام عليكم يا أهل المنتدى الكرام
أنا واحد صحبى معاه هيونداى اكسل لسه شاريها
و بيخاف يعدى بيها المية
و عنده هاجس انها هتتقلب بيه بعد الميه
فلو حد يعرف
ازاى الواحد ممكن يزود ثبات عربية زى دى
يعنى
يعرف يجيب بيها 130 مستريح
و شكرا مقدما
tفى الاحوال العادية بيبقى زيادة الثبات عن طريق اما تقليل ارتفاع السيارة عن الرض او تركيب سوست اكثر قوة (و غالبا بتبقى اقصر من العادية) او استخدام جنوط اكبر و كاوتش اعرض
المشكلة انى معرفش كيت مخصوص للاكسيل لان زى ما انتوا عارفين ان انا بتاع دايو لكن عموما ممكن تقص لفة من السوست الاصلية بتاعت العربية و كدة السوستة حتبقى انشف شوية و اقصر و دة حيزود الثبات
محدش يقطع السوستة بلمبة لحام.. السخونة حتغير خواص الحديد و ممكن السوستة تتكسر مع الاستخدام
MMamdouh
لنل كان معايا هيونداى اكسيل 1500 و كل اللى عملته فيها تغيير الكاوتش بأعرض و كانت ثابته و كنت أسافر بيه عادى و140 ك و كانت ثابته
بس للاسف هتاكل مطبات اد كدة :?اقتباس:
المشكلة انى معرفش كيت مخصوص للاكسيل لان زى ما انتوا عارفين ان انا بتاع دايو لكن عموما ممكن تقص لفة من السوست الاصلية بتاعت العربية و كدة السوستة حتبقى انشف شوية و اقصر و دة حيزود الثبات
ممكن تركب جنوط انتيمونيا مقاس 14 وكاوتش اعرض من 195 "هتفرق شوية في استهلاك البنزين"
انا جبت بيها 160 بس كانت العربية مليانة, لو لوحد , ممكن يجيب ا20 مستريح بدون تعديلات في العفشة.
fih 7aga ma3roofa benseba lel excel:
el nas by3'yaro el mosa3deen el wara be mosa3deen mitsubishi lancer, icant remember exactly which model, but it is a famous ta3deel
go to el 7erafieen and ask
second thing is install rims with wide tyres ,i think the best on excel is 195/14
it will be perfect.
اقتباس:
اقتباس:
المشكلة انى معرفش كيت مخصوص للاكسيل لان زى ما انتوا عارفين ان انا بتاع دايو لكن عموما ممكن تقص لفة من السوست الاصلية بتاعت العربية و كدة السوستة حتبقى انشف شوية و اقصر و دة حيزود الثبات
بس للاسف هتاكل مطبات اد كدة
ممكن تركب جنوط انتيمونيا مقاس 14 وكاوتش اعرض من 195 "هتفرق شوية في استهلاك البنزين"
انا جبت بيها 160 بس كانت العربية مليانة, لو لوحد , ممكن يجيب ا20 مستريح بدون تعديلات في العفشة.
اقصد 120اقتباس:
لو لوحد , ممكن يجيب ا20 مستريح بدون تعديلات في العفشة
يارب ارحمنا من الست دقايق :cry:
اول حاجه يشيك ععلي العفشه الاسكترا و المقصات و بيض المقصات علشان اول مره حد يشتكي من العربيه دي علي 100وبعدين يحاول يقلل الارتفاع زي ما الاخوه قالو فوق بس يخلي باله من المطبات و يجيب كاوت اعرض شويه 13/185 مثلا بيبقي كويس عليها
وطى العربية شوية وهاتلها جنط 15 انا عملت كده فى العربية الشاهين بتاعتى والحمد لله باخد الدورانات على 130 وفى حارة واحدة
ويجعله عامر :roll: http://img518.imageshack.us/img518/5683/97409805oi1.jpg
13/185 حيبقى طرى شوية... لو عايز تزود ثبات لازم تجيب جنط اكبر يعنى تركب 14 و كاوتش 14/60/185 او 15 و 15/50/195 لان عرض الكاوتش فقط مش هو العنصر الاساسى فى الثبات على الملفاتاقتباس:
المشاركة الأصلية كتبت بواسطة hazem_khidr
MMamdouh
انا فاهم يا باشا بس عفه الاكسيل ما بتستحملش الجنوط ال 15 و الكلام دا و اللي انا قولته دا حيخلي العربيه كويسه ما فيهاش مشاكلاقتباس:
13/185 حيبقى طرى شوية... لو عايز تزود ثبات لازم تجيب جنط اكبر يعنى تركب 14 و كاوتش 14/60/185 او 15 و 15/50/195 لان عرض الكاوتش فقط مش هو العنصر الاساسى فى الثبات على الملفات
انا كان معايا اكسيل
وكل يوم علي الطريق باجيب لحد 160 مستريح
شوف اول حاجة تغير المساعدين الخلفي بمساعدين ياباني عشان الماندو اللي فيها خفاف قوي وبيخلوها تنط ولازم يكونوا زيت وهوا مش غاز ولا زيت بس عشان الاصلي فيها زيت وهوا وده الكويس ليها
ثانيا نوع المساعدين بيبقوا بتوع كرولا وكانو في حدود 450 جنية بس مش فاكر اسمهم
تاني حاجة مقاس الجنوط يبقي 14*185*60
لان ال 15 العفشة مش هاتستحملة نهائي وكل يومين هايروح يربط عفشة
اما عن تقصير السوست فده مش بفضلة عشان هايخلي كل المطبات تيجي في الركبة الخلفية وتتقطم بعد كدة ويقصر عمر العربية جدا
جرب اللي قولتلك علية بس وهاتدعيلي لانة عن تجربة مش بجرب فيك
كريم
ألـــــــــــــــــــــــ ـــــــــــــــــــــــــ ـف
شــــــــــــــــــــــــ ـــــــــــــــــــــــــ ـكر
للكــــــــــــــــــــــ ـــــــــــــــــــــــــ ـــم
جمـــــــــــــــــــــــ ـــــــــــــــــــــــــ يعا
قصدى ان زيادة عرض الكاوتش بس مش هى الفيصل فى الثبات على الملفات... لازم تنزل شوية بنسبة المظر عشان العربية ما تتطوحش يمين او شمال فى الملفات
يعنى لو شيلت ال 13/70/175 و ركبت 13/70/185 مش حتحس بفرق فى الملفات... ممكن لو جبت 13/65/185 مثلا الدنيا تبقى احسن
MMamdouh
يا جماعة انتوا تاعبين نفسكم مع ان الحل بسيط جدا وهو الالتزام بالسرعة الامنة والمقررة على الطرق فانتم تتكلموا عن 120 و160و130 والحلول للوصول لهذة السرعات انتم يا جماعة مش فى رالى الفراعنة وعلى فكرة وليس لتخويف ملاك الاكسيل انا سمعت من اكثر من صديق عن حوادث للانقلاب السيارة الاكسيل اذاً لماذا نعرض نفسنا للاخطار ونتحايل على تصميم السيارة بتغيير سست ومساعدين وجنوط لنجرى وفى الاخر تكون النهاية .... لاقدر الله
فاخيرا فلا ننسى انة فى التانى السلامة ونصل بيوتنا متاخرين 10 دقائق اعتقد انة افضل من عدم الوصول نهائيا
وشكرا لكم
كلامك مضبوط يس فيه نقطة... الموضوع دة نسبى
يعنى على سرعة 80 الاكسيل حتبقى اقل ثبات من اى عربية تانية و دة حيخلى العربية خطرة و رد فعلها غير متوقع و حيبقى سهل فقد السيطرة عليها
MMamdouh
صح موضوع الالتزاماقتباس:
المشاركة الأصلية كتبت بواسطة حسام كرم
بس مثلا تخيل ان عندك عربية كراسيها مش مريحة بالمرة متعبة جداا اذا جيت تغيرها كدة بقى تحايل ولا تعديل للافضل ؟؟
صح موضوع الجرى غلط بس الجرى بالعقل افضل مش جرى جنونى و اذا هى اساسا غير مأمونه على 120 برضة مش حتبقى مأمونة زى مثيلاتها على 80 اذا التعديل لابد منه اذا الشخص مهتم
اخى الفاضل احمد
تغيير كرسى او كاسيت او لمبات
لايقارن بتغيير مساعدين وسوست وجنوط
فهذا الامر خطير جدا يا جماعة فانت تلعب وتغير فى روح العربية
وكم سمعنا عن حوادث مميتة بسبب التلاعب فى مقاس العجل وبسبب تغيير الجنوط
واعتقد ان عقلنا او عقل بلية الميكانيكى الى بيفتى فى تغيير الجنوط والسوست والمساعدين لن يكون افضل من الكوريين مصممى السيارة انفسهم
وانا غير مقتنع بموضوع الجرى بالعقل او بدون عقل
فالجرى جرى وغير مامون لامهر السائقين وحتى بافضل السيارات
فلو الغرض هو السباق فى فورميلا 1 او الرالى وفى اماكن مجهزة بذلك وسيارات مجهزة بذلك فاهلا وسهلاً بالتعديلات والجرى
ولو الغرض من السيارة هو الذهاب للشغل ونقل الاسرة
فارجوكم بالسير بالسرعات المعقولة حفاظا عليكم وعلى اسركم واموالكم وعلى الغلابة السائرين بالشوارع
وشكرا
طيب هل تقبل ان تنقل اسرتك فى سيارة بدون ثبات؟
هل تعتقد ان مخ اى واحد فينا لا يتعدى مخ بلية؟
هل تعتقد ان الكوريين مخهم افضل مننا الى هذا الحد؟
خلى بالك ان موضوع الثبات دة مش شرط يبقى فى السرعات العالية... لو فرملت بقوة تحت اى ظرف و العربية كانت بتحود يمين او شمال العفشة الخفيفة اللى ورا حتخلى العربية تلف حوالين نفسها خصوصا لو الارض مش مستوية... لو انت ماشى على فواصل كوبرى تلاقى ضهر العربية بينط زى المراجيح و اى حركة مع الدكسيون حتخلى العربية تلف بيك
متقنعنيش ان فى حد بيفضل ماشى فى خط مستقيم طول حياتة او مبيفرملش او مبيقابلش مواقف حرجة على الطريق... و لو حصل دة ساعتها حيبان الفرق بين العربية الثابتة و العربية العايمة بس للاسف الكلام دة حيبان متاخر و لا قدر الله ممكن يبان بعد فوات الاوان
التعديلات دى مش اختراعات... دى حاجات بديهية و معروفة... المساعد الناشف بيحسن الثبات... السوستة السبور بتحسن الثبات و السوستة المقصوصة بتحست الثبات بشرط عدم استخدام الحرارة فى القص... احنا مش بنعمل حاجة على ايدينا احنا بنعدل تصميم موجود اساسا و التعديل دة مش احنا اول ناس نعملة فا انا مش شايف اى خطورة فى الموضوع
MMamdouh
الاخوه الاعزاء : كل شركه تصنع سيارات عند تصميم السياره تحسب حسابات الوزن و قوة الشاسيه والسرعه و الثبات والامان واستجابة الفرامل وقوة الماتور ..الخ
أنا مقتنع بللى بتقولوه ..بس أنا شايف أن كل حاجه فى السياره مرتبطه ببعضها البعض.
فالسؤال هنا ...هل شركة هيونداى عند تصميمها للاكسيل ما كانتش قادره على وضع جنوط أكبر أو كاوتش أعرض أو أى حل من اللى بتقولوه...
الثبات نتيجه لجودة تصميم السياره من الاساس ..و ممكن نحس ذلك فى بعض السيارات التى بدون كاوتش عريض أو جنوط كبيره والسياره ثابته على الطرق السريعه بشكل غريب (بعض موديلات الستروين - الهوندا - الالمانى بصفه عامه - البيتلز كاوتشها رفيع جدا و مش واطيه على الارض لكن شوف ثباتها الغريب)
كلام صح بس دا ميمنعش ان فى عيوب فى تصميم بعض السيارات زى ما كان فى المرسيديس A class
MMamdouh
أولا ...شكرا على اهتمامك
تمام هناك فعلا عيوب فى بعض الموديلات فى كل الماركات ولكن يكون بنسب أقل فى الماركات الجيده .
وده يفسر سعر السيارات الرخيصه و الغاليه فمثلا جزء كبير من ثمن السيارات الماركات المحترمه تكون ثمن الابحاث و التطوير .
,لكن هذا لا يبرر محاولة التعديل بنفسنا (بالذات فى التعليق) لتصحيح عيوب التصميم .أسف فى التعبير "دى أرواح راكبه حته حديد" . لو نشوف مثلا أبحاث الثبات والاتزان فى المرسيدس نجد أبحاث ضخمه و معالجات كثيفه بالحاسب الالى يدخل فيها مدخلات عديده : الوزن (بالحموله وبدون) - الهيكل - مقاومه الهواء..الخ. وغالبا يتم تجربة هذة النماذج اوليا بــ Computer Simulator ثم تجربة النموذج واقعيا
برضة كلامك صح بس احنا هنا مش بنحاول نصلح مشكلة لما العربية بتبقى على سرعة 180 و بتاخد ملف 90 درجة... دا عيب واضح حتى على سرعات منخفضة جدا و كل الناس لاحظته... اللى راكبين الاكسيل و اللى حتى مش راكبنها
انا قصدى هنا ان العيب واضح جدا و مش محتاج تحاليل او دراسات... اكيد الحل المقترح مش هو الحل الامثل لانة مش مبنى على حسابات صحيحة لكن هو خطوة كبيرة فى الاتجاه الصحيح زى بالضبط قصة الرشاشات البوش بتاعت ال BMW اللى بركبها فى الدايو... صحيح فى فرق فى الرشاشات لكن فى النهاية بتحل المشكلة اللى انا بشتكى منها
انا برضة معاك فى موضوع ان التعديل بيبقى فيه مخاطرة عشان كدة انا مبحبش اعدل فى الفرامل مثلا الا اذا كان التعديل نزل اساسا فى العربية بس بمواصفات اعلى زى ما بنركب فرامل اللانوس ال1600 فى ال1500
MMamdouh
اقتباس:
المشاركة الأصلية كتبت بواسطة Adham
اقتباس:
المشاركة الأصلية كتبت بواسطة HNaga
السبويلر بيبات اثيرة من سرعة حوالى 170 كيلو و بالتالى هو مش فعال اوى... الكساحات على العكس تاثيرها قوى لانها بتعمل فراغ تحت العربية و دة بيمتص العربية فى اتجاة الاسفلت بس خللى بالك من المطبات الصناعية
و مره تانية التعديل غير التهبيل... اللى بيركب مساعد انشف او سوستة اقصر بيعدل لكن اللى بيقص سوستة بيهبل و بالتالى ممكن تحصل كوارث
الباشا اللى قص سوست الاكسيل معندوش فكرة عن اى حاجة لان مشكلة الاكسيل فى المساعدين الخفيفة مش السوست
MMamdouh
لأ بس زى ما فى حسابات الوزن والقوة فى برضه حسابات المالاقتباس:
المشاركة الأصلية كتبت بواسطة cars_lover
يعنى وضع جنوط أكبر أو كاوتش أعرض أو أى حل من اللى بتقولوه هايزود التكلفة يعنى السعر يزيد يعنى الحاجة الى ممكن تخلى واحد يشترى عربية ماركة مش معروفة (وقت نزول الأكسل) مش هاتبقى موجودة
ياباشا اللي قص قص مساعدين اكسيل مش سست علشان يوطي العربية :lol:اقتباس:
المشاركة الأصلية كتبت بواسطة MMamdouh
على فكرة السبويلر لازم يبقى الطقم مع بعضة علشان تحس بفرق ملحوظ في الثبات عالسرعات
يعني الكساحه الكاوتش تحت الاكصدام الامامي بتمنع دخول الهواء تحت العربية و بالتالي ضغط الهواء بيقل اسفل السيارة مع زيادة الضغط فوق السيارة على سبويلر الشنطة بيثبت العربية عالارض (عكس نظرية الطيارة) و حكاية كساحه الابيزا الكاوتش دي علشان مش بتحك و لا بتتكسر مع المطبات لأنها كاوتش و مرنة وممكن تركبها بالتالي تحت الاكصدام و تبقى قريبة قوي من الارض و تقلل كمية الهواء اللي يخش جدا
انا كنت بفكر اجيب الكساحه الكاوتش اللي بتركب تحت الاكصدام....بس تعرف هي بكام؟؟؟؟
و منين ممكن اجيب حاجه كويسه....بس تكون كاوتش مش بلاستيك علشان ماتكسرش
السلام عليكم
دى تعتبر اول مشاركة ليا ف المنتدى الجميل ده
انا معايا هيونداى اكسيل 1500 وكنت يشتكى دايما من موضوع الثبات بتاعها بحثت كتير جدا فى الموضوع والحمد لله توصلت اخيرا لانسب حل للاكسيل وهو انى ركبت 4 مساعدين مونرو وركبت جنوط 14 وخليت مقاس الكاوتش 14/185/60 وده اقصى مقاس ممكن تركبه ليها علشان العفشه واستهلاك البنزين والعمر الافتراضى للموتور والحمد لله العربيه بقت ثابته جدا فى الملفات والمناورات وبقيت اقدر اجرى بيها لغاية 180 وممكن اخد بيها غرز حتى لو فى ملفات وعلى سرعات عاليه لغاية 140
المشكلة في مساعد الإكسل خفيف "بيفتح و بيقفل بمنتهى السهولة" . حط مساعد انشف شويه"مجهود اعلى للفتح و الغلق"
و قص السوست يكون بأسلوب علمي مش قص و خلاص و لازم السوست بعد القص تأخذ نفس الشكل قبل القص مع اكتساب قصر في الطول.اخر حلقة بعد القطع تطرق عليها بعد التسخين الخفيييييف لتجعلها افقية واستخدم مبرد\حجر لجعل اخر حلقة سطحها السفلي مبطط لترتكز علي صحن المساعد بالضبط كما كانت السوسته الأصليه و قلت قبل كده القطع اما بصاروخ و في وقت قصير او" بحجر قطع" عند الحداد\الخراط. تحاشى تماما وضع ماء على السوسته بعد القطع و اتركها تبرد براحتها.
و لازم الهيونداي يوطى مش مساعد بس اللى حيشبعك جري لازم برده تحكم مع الجري
مشكوووووور والله يعطيك الف عافيه
الحل الأمثل تركييب سوست سبور
كان معايا اكسيل زكمان كان راكب فيها 14/205/55 وقولي علي الثبات يا عم بس العزم بيقل شوية وشكرا
انا معايا الآن عربيه تويوتا كورولا لكن أول ما إشتريت سياره كانت هيونداى إكسل وكان عدم ثباتها بعد الميه هو العيب الوحيد اللى فيها وفعلا كانت السياره بلغة السوق بتعوم مع السرعه العاليه وتحس إنك مش متحكم فى السواقه . المهم نصحنى عفشجى بتركيب مساعدين تانيه (مساعد زيت على هواء) وفعلا ركبت المساعدين دى وأصبحت العربيه صخره على الأرض وربنا يوفقك
يا جماعة البار لو حديعرفة بيتركب فى كبوت العربية بيمسك المساعدين من فوق وممكن يتركب فى الشنطة وممكن من تحت العربية دة بيثبت العربية بدرجة حوالى 50% تقريبا انا بفكر اعملة فى عربيتنا انا معايا اوبل 95