السلام عليكم ورحمة الله
الbyd f3 اصبحت ضمن مشروع التاكسى الابيض وبالفعل شوفت منها فى الشوارع واظن ان بكدة ان قطع الغيار حتبقى متوفرة اكتر بالاضافة لانتشارها
عرض للطباعة
السلام عليكم ورحمة الله
الbyd f3 اصبحت ضمن مشروع التاكسى الابيض وبالفعل شوفت منها فى الشوارع واظن ان بكدة ان قطع الغيار حتبقى متوفرة اكتر بالاضافة لانتشارها
خبر جميل ,, ولكن ذو حدين ,,
الإنتشار كتاكسي ممكن يكره اصحاب املاكي فيها
والإنتشار كتاكسي يخليها عرضة اكبر لسرقات الأجزاء الخارجة مثل العلامة الإيريال ... الخ
انا اعتقد ان انتشارها كتاكسى مصلحة للملاكى من ناحية قطع الغيار ... بس فية بعض الاخوه مش بيشكرو فى مراكز الصيانة وبيقولو انها سيئة جدا ... فما بالكم لما السيارة تدخل الاحلال ويكون العدد اكبر واكبر .. طبعا هايكون فية انفجار ...
وفية بعض الاخوة بيشتكو من معاملت الموظفين فى معارض شركة الامل وكأنهم انت بتشحت منهم مع انك بتتكلم عن شراء سيارة ملاكى .. وكانهم مضغوطين فى عملية البيع وزهقانين من كتر العملاء ... فما بالكم لما الموظفين دول ها يتعاملة مع موضوع التاكسى ومع العدد اللى ها يتصل بيهم او ها يروحلهم المعارض او ها يتكلم معاهم ... اكيد ها يهنجو طبعا ... ومش بعيد يمسكو مسدسات لاى واحد يتكلم معاهم ويقتلوه علشان يأنتخوا طبعا ...
انا عايز اقول حاجة لو تسمحولى ... لما احنا فى عام 2010 والموظفين لسة بيتعاملو مع عملائهم بالطريقة دى .. طيب ها ينصلح حالنا ونحترم بعض امتى ؟؟؟؟ لو حد يعرف الاجابة يقولى *
والحاجة التانية .. شركة الامل والعربية لسة فى بدايتها وما بعتش منها اكتر من 100 او 200 او 300 عربية وفيها المشاكل دى ... طيب لما يبقى العدد 2000 او 4000 او 10000 عربية ها يكون ايه الوضع *
انا عايز اقترح اقتراح على اصحاب شركة الامل ... الموظف اللى مش عاجباة شغلتة او حاسس انة اكبر من شغلتة يسيبها ويروح وتشوفو واحد عايز يعيش وياكل عيش
اقتباس:
المشاركة الأصلية كتبت بواسطة ehabpopo
السلام عليكم إيهاب باشا
أولا أحب أوضح السيارة لها مدة ليست صغيرة تباع في مصر منذ عام 2007 وليس في بدايتها
ثانيا بخصوص شكوي العملاء من سوء المعاملة في المعرض الكل يتفق معك في الرأي أنها لا يجب أن تكون موجودة والحقيقة الشكوي من المعارض ليست شكوة عامة وإنما قليلة جدا والكثير من الزملاء بالمنتدي قد أثنوا كثيرا علي مراكز المبيعات خاصة مديري المعارض بشخصهم ومن تجارب عملية سواء في الرد علي التليفون أو الزيارة الشخصية وفي رأيي أن سبب الشكوي هو عدم تواجد الموظف المسئول عن مقابلة العملاء ومن قام بالتعامل مع العميل هو عامل نظافة مثلا أو ساعي ليس من إختصاصه التعامل مع العملاء وحاول أن يرد علي إستفسارتهم بطريقته الصماء التي تركت إنطباع سيء لدي العميل والملاحظ أيضا ندرة هذه الشكوي من شركة الأمل في الفترة الأخيرة لكي نكون محقين
ثالثا بخصوص شكوي العملاء من مركز الخدمة فكلام حضرتك سليم من إن سبب سوء المعاملة هو الكم الكبير من العملاء وتركزت فقط هذه الشكوي في فرع القاهرة ... تخيل مثلا مركز الصيانة به 40 كوريك رفع السيارة وعدد السيارات الواردة 400 سيارة في اليوم إحسب نصيب كل سيارة من الصيانة وقت أد إيه وشوف العامل مطلوب منه يعمل صيانة لكام عربية في اليوم في الوقت ده حتلاقي طبعا النتيجة فاشلة فطبعا إحنا كعملاء عاوزين أفضل وأسرع خدمة وطبعا بأقل تكلفة ولكن في ظل هذا الوضع حيكون صعب إن لم يكن مستحيل وده من الأسباب الرئيسية اللي علشانها شركة الأمل أنشأت مركز صيانة القطامية والإفتتاح قريبا جدا جدا سمعت من مصادر موثوق فيها إنه الشهر القادم إن شاء الله والجميل إنه حيكون مخصص أساسا لسيارات byd الجميلة للقضاء تماما علي هذه المشكلة وده أكيد ماكنش حيكون لولا شكوي العملاء اللي هما إنت وأنا وزملائنا وغيرنا من البداية فده مؤشر طيب علي إستجابة الشركة لشكاوي العملاء وإن كان بمعدل بطيء إلا أنه جيد