الموضوع: غارة فيلا محمد الطويل-الكينج مريوط 28-5-2010

سلام عليكم اخواني
ارجو تكونو استمتعتم في مقابلة عيد ميلاد المنتدى وكلتو سمك وسيبتو البواقي ودبستو ابو رقية وشنوري في باقي الفلوس :-)
دلوقتي اخونا محمد بك الطويل اناله الله الدكتواره بعد الماجستير
عزم الاعضاء على عزومة في فيلتة بكينج مريوط
ندخل في التفاصيل عشان عايز انام عشان عندي شغل بدري:
محمد كان مصمم يعزم الرجالة من الاول للاخر
وطبعا عشان البهدلة ال بتحصل في العزومات وانتظار الاكل والقعدة متنحين في وش بعض
قررنا ان يكون الاكل حاجة ثانوية مش اساسية
وبعد الحاح شنيع نجحت اني اقنع محمد انه يعزمنا على التورتة كفاية
بالنسبة للاكل وبما اننا اكتشفنا ان في ناس كتير مش بتاكل سمك وقشريات ومسمياه صراصير البحر :-) مش بتكلم عليك يا دكتور عبد الغني
فكان الفكرة اننا هانستغل الشواية بتاعت اخونا محمد في الفيلا
وبشوال فحم
نشتري لحمة ونتبلها قبلها بيوم او اتنين عشان تاخد حقها في التتبيلة
ونعمل شوية مكرونة جنبها في ربع ساعة ودكاترة المطبخ عندنا كتير
ويكون الاكل طبق مكرونة مع كام قطعة لحمة مشوية غير التورتة

تعليمات المقابلة :-) :
تكاليف اللحمة والمكرونة هايتحملها الاعضاء
والتورتة عزومة اخونا محمد
والي هايجي ياكد عليا عشان اعمل حسابة في اللحمة واما يجيب اكله معاه :-)
شيكوزال مايعملش سلطة طحينة :-)
الميعاد هايكون واحد من ميعادين
الجمعة الاخيرة من مايو او اول جمعة من يونيو

اه نزول البسين بتذكرة والطلوع منه بتذكرتين :-)
الجاكوزى بالساعة
يعني ال 10 دقايق ب 50 جنية مش هانطمع :-)
ومحدش يرش مية بالخرطوم على حد احنا كبار :-)
ومش هاقف اشوي لحمة تاني لغاية ماتعمي :-)
وممنوع شرب الشيشة والتكريس والحاجات الغريبة دي :-)
واللي هايصتاد معيييز تاني مش هايحصلة كويس كنا هانضرب اخر مرة :-)
وكوباية الايرل جراي ب 5 جنية والدفع قبل الشرب عشان مابلحقش الم فلوسى :-)

وكل سنة وانتم طيبين

تم تعديل مواعيد الاستطلاع
برجاء من الساده الاعضاء اعاده التصويت
مشرف عام 4