علي فكره انا رحت فولت و كتبلي الrange 497
لو تكرمتم، ممكن إلى غير القطع بتاعت الفتيس mmt في التوكيل يقول لنا إيه الأخبار، و الفرق بعد تركيب القطع دي من حيث سلاسة النقل و أستهلاك البنزين، و جزاكم الله خيراً
ايه الاخبار يا استاذ محمد ؟
اقتباس:
لو تكرمتم، ممكن إلى غير القطع بتاعت الفتيس mmt في التوكيل يقول لنا إيه الأخبار، و الفرق بعد تركيب القطع دي من حيث سلاسة النقل و أستهلاك البنزين، و جزاكم الله خيراً
لسم مستلم العربية النهاردة
فى تحسن نسبى بين النقلات
الطلعة بتاعة الاول لسه تعبانة و ضعيفة
بعد المطبات لحد دلوقتى لسه لم يصادفنى اى تعليقة او علو لصوت الموتور
استهلاك البنزين لسه مجربتوش
فى المقابل بقى
الفرامل بقت زى الزفت و العربية بتعوم فى حالة الفرملة المفاجاة
و استملت منهم العربية فى منتهى القذارة .. الشبابيك مفتوحة اثناء وجودها بالتوكيل لمدة يومين و مليانة تراب و صوابع العمال المزيتة و المشحمة معلمة على فرشة الارضية " لونها بيج " و الابواب و التابلوه و خاصة قطعة القماش اللى فى الباب ... منظر كان فى منتهى القذارة و خاصة اما يبقى فى عربية كانت ع الزيرو من 4 شهور بس .. و أقسم بالله انى لما كنت بصلح عربيتى القديمة فى الحرفيين كنت باستملها انضف من كدة مليون مرة
طبعا من خلال تجارب السابقين و انه مفيش تحسن ملحوظ و ان المشكلة هتظهر ان اجلا ام عاجلا و نظرا للحالة المذرية اللى استلمت عليها العربية النهاردة بفكر بشكل جاد فى رفع دعوى على تويوتا مصر حتى لو مفيش حد هيتضامن معايا و حتى لو مفيش غيرى هيرفع عليهم دعاوى
و احب اعرف اذا كان الاعضاء هنا اخدوا اجراءات قانونية او لا عشان انضم لهم
الرينج عندي 628 كم (أنا مش مغير حاجة الحمد لله) و بتعمل 300-320 في الصفيحة مخلط يعني جوه البلد على بره (مش بره قوي يعني اقصد التجمع)
عداد متوسط الاستهلاك بيبقى كاتب 6.2 لتر/100 كم مع متوسط سرعة 35-40 كم
Corolla 08 MM-T range right after refueling.jpg - 4shared.com - photo sharing - download image
ابقى طمنا على العربية انا عندى 2009 ومفيش عندي اي مشاكل عملت 15000 وانا بعرف اتعامل معاه ازاي المهم التوكيل بيقول عندك الي اخر السنه ممكن تغير القطع الجديده ... ايه رايكم
هو موضوع القطع يا تلحق يا متلحقش ... التوكيل عنده قائمة بال 6500 عربية, العربية اللي غيرت في قدامها علامة (صح) واللي مغيرتش قدامها ( x )
المهم إن كل عربية فيهم ليها طقم دبرياج بـرقم الشاسيه بتاعها
أنا شفت الكلام ده في التجمع يوم 17/6 وانا بعمل صيانة ال 15
و عامة الناس اللي هناك عرفني و كله نصحني إن طالما العربية ماشية كويس يبقى مالوش لزوم تغيير حاجة وانا بالفعل هستنى للآخر خالص و هقرر
هو موضوع القطع مش يا تلحق يا متلحقش ... التوكيل عنده قائمة بال 6500 عربية, العربية اللي غيرت في قدامها علامة (صح) واللي مغيرتش قدامها ( x )
المهم إن كل عربية فيهم ليها طقم دبرياج بـرقم الشاسيه بتاعها
أنا شفت الكلام ده في التجمع يوم 17/6 وانا بعمل صيانة ال 15
و عامة الناس اللي هناك عرفني و كله نصحني إن طالما العربية ماشية كويس يبقى مالوش لزوم تغيير حاجة وانا بالفعل هستنى للآخر خالص و هقرر