شاحن سيارة لأي نوع آيفون أو آيبود Belkin أصلي

السلام عليكم ورحمة الله وبركاته


http://www.belkin.com/images/product...UL1_F8Z184.jpg

← اسم السلعة / شاحن سيارة لجميع موديلات الآيفون أو الأيبود

← الماركة أو الموديل / Belkin F8Z184

← الحالة / مستعمل بحالة الجديد زيرو وأي خدش فيه بتخفيض 50 جنيه

← المواصفات / يمتاز الشاحن ده بإن الخرج بتاعه 1 أمبير مش 500 مللي أمبير زي بقية شواحن السيارات،
وده بيخليه يشحن 90% من بطارية الأيفون خلال ساعة واحدة فقط لا غير،
واللذيذ بقا ان سلكه طويل أوي يخليك ممكن تدي الموبايل لواحد في الكنبة اللي ورا يتكلم منه وهو بيشحن،
عكس بقية أنواع الشواحن اللي سلكها قصير أوي متعرفش تتكلم منه وانت سايق غير لما تفكه من الشحن،
ده غير انه مزود بفيوز أمان لحماية الشاحن وحماية جهازك ضد أي مخاطر كهربائية،
الجهاز تم شراؤه من راديوشاك وكان عليه عرض 225 بدلا من 360 جنيه عشان كانت آخر كمية في الستوك،
وموجود حالياً منه في كارفور داندي مول بسعر 333 جنيه (مش موجود في راديوشاك)

← موقع الإنترنت / اضــغــــط هــنـــا وبالمرة شوف سعره كام على موقع.. 50 دولار اخضر من ابو ريحة حلوة

← تاريخ الشراء / 27-2-2010

← المتعلقات / العلبة والفاتورة.

← الضمان / ضمان راديوشاك 3 شهور فقط

← المكان / المهندسين - الدقي - العجوزة - الجيزة - الهرم

← أقل سعر مقترح للبيع / 175 جنيه مصري أو البدل بأي شيء يتفق عليه

← التواصل / في الموضوع أو من خلال الرسائل الخاصة

← سبب البيع / اشتريت المنتج ده من i_sosa واستغنيت عن الشاحن

← الصور / صورته فوق في أول الموضوع.. ولا اقوللك أهي كمان مرة

http://www.belkin.com/images/product...UL1_F8Z184.jpg

انا مهتم - ياريت تبعتلى النهائى خالص

متهيألي السعر اللي انا كاتبه حوالي نص تمنه جديد !!
عاوزين نهائي إيه أكتر من كده في حاجة لم يتم استخدامها أكتر من شهر ونص ؟؟

حضرتك محدتد فى الكلام كده ليه - مش عاوز حاجة يا سيدى الف شكر

حبيب قلبي انا لا محتد ولا حاجة
أنا باستغرب اني حاطط نص السعر في استخدام شهر ونص ومع ذلك انت مستغليه !!
عشان برضه كنت بابيع جي ام بسعر قليل وناس كتير أوي قعدت تقوللي يساوي أكتر من كده ومع ذلك كان فيه كتير جاي يفاصل !!
عموما يا سيدي نورت الموضوع وشكراً لاهتمامك

حضرتك جبته ليه من راديو شاك غالى جدا عليه السعر دة لسبب انا جايب من راديو شاك كار كت 300 جنيه بيركب فى ولاعه العربيه بس بيعمل ايه
بيشحن التليفون
بيشغل الاغانى على كاسيت العربيه
بيخليك تتكلم فى التليفون عن طريق كاسيت العربيه
يعنى فرق 75 جنيه فى دكله حرام عليك راديو شاك فيها حاجات غاليه وحاجات معقوله

اقتباس:

---

المشاركة الأصلية كتبت بواسطة alisleman

حضرتك جبته ليه من راديو شاك غالى جدا عليه السعر دة لسبب انا جايب من راديو شاك كار كت 300 جنيه بيركب فى ولاعه العربيه بس بيعمل ايه
بيشحن التليفون
بيشغل الاغانى على كاسيت العربيه
بيخليك تتكلم فى التليفون عن طريق كاسيت العربيه
يعنى فرق 75 جنيه فى دكله حرام عليك راديو شاك فيها حاجات غاليه وحاجات معقوله

---

شفته والله وانا باشتري الجهاز بتاعي..
بس يبدو ان فيه كام حاجة فاتوا عليك..

أولا الجهاز اللي انت اتكلمت عنه ماركة مجهولة وانا شفته..
الشاحن اللي معايا Belkin أصلي واسأل على قيمة الماركة دي وانت تعرف..
كفاية انها من الـAccessories المعتمدة على موقع أبل الرسمي..

ثانيا بقا وده الأهم اني فتحت الجهاز اللي انت بتتكلم عنده ومعجبتنيش خاماته
لا البلاستيك بتاعه حلو وتحس كده انه من النوع الرخيص
ولا السلك بتاعه متين ولقيته رفيع أوي وعبارة عن سلكتين جنب بعض عاملين زي ما يكون سلك سماعات !!
ده غير بقى ان السلك بتاعه طوله محدود ومش بيديك طول كفاية انك تقدر تتكلم في الموبايل وهو بيشحن
لازم يا تقرب لقدام يا توطي ناحية الشاحن يا تفصل الموبايل من السلك عشان تعرف تتكلم !!
بصراحة قلقت منه وحسيت انه مش hard work

وشفت منه كمان موديل تاني عبارة عن نفس الجهاز اللي انت بتتكلم عنه بس معاه ستاند بيتلزق في زجاج العربية
ولاحظت فيه نفس الملاحظات اللي فوق بالإضافة لأن خامة الاستاند برضه معجبتنيش !!

عموما هي أذواق وكل واحد غير التاني.. أنا اتفرجت عليهم واخترت اللي عجبني..
وأكيد حضرتك برضه اتفرجت واخترت اللي عجبك

بس كل واحد بيختار حسب ذوقه وحسب احتياجاته وحسب استخدامه

أنا عن نفسي رضيت أضحي بالـfm transmitter مقابل اني اجيب حاجة ماركة مشهورة ومعتمدة من أبل وسلكها طويل ومتين ومبقاش قلقان انه يتقطع أو يتبهدل بسرعة لأني مش باشتري شاحن كل يوم ..

بالمناسبة نسيت اقول ان أغلب المنتجات الرخيصة من راديو شاك بتكون Refurbished