شكراجزيلاً على التقرير المصور ..
لي تعليق ..
شكل الشبكة الامامية مش لطيف
رقم العضوية : 32723
تاريخ التسجيل : 12Feb2009
المشاركات : 7,095
النوع : ذكر
الاقامة : Kuwait- Naser city
السيارة: Renault Fluence 11- Outlander 08- Murano 06- BMW X5 10 - BMW 740Li 06
السيارة[2]: Mitsubishi Pajero 10
دراجة بخارية: non
الحالة :
السلام عليكم جميعا
ده تقرير مفصل عن البيجو 3008
اولا العربية تندرج تحت تصنيف الكروس اوفر و الاتي بعض من مواصفتها حسب الموديل المعروض في التوكيل
المحرك: 1600 سي سي تيربو 156 حصان
الجير: 6 سرعات تريب ترونيك
الكماليات:
-سقف بانوراما
- Head up display
-حساسات امامية و خلفية
-جنوط 17 انش
-فرامل يد الكترونية
-7 فتحات تكيف
-فرش مخمل اسود
ده اللي فاكره و الباقي ياتي تباعا لو افتكرت حاجة تانية
الانطباع:
شخصيا انا شايف العربية شيك جدا و التصميم بتاعها من اروع التصاميم الفرنسية
الخامات المستخدمة و جودة التقفيل لا يعلي عليها كما عودتنا بيجو و الطبلون المقتبس من اودي هايل بصراحة
المساحات الداخلية ر باس بيها و تلبي احتياجات معظم الناس
المساحات التخزينية داخل العربية كتير جدا و متنوعة بذكاء
المحرك واضح انه قوي و شايف اكتر من كافي للعربية
ده كده انطباعي باختصار و هسيب المكرفون لصديقي محمد باشا كمال لانه عمل تست دريف لل 308 الفل و هو اقدر للحكم علي اداء العربية اللي حسب رجل المبيعات ال308 متقاربة من ال 3008 في المستوي
اتركم مع الصور
ده فيديو عن العربية
[youtube]http://www.youtube.com/watch#!v=2zUrYqTeI3U[/youtube]
Sharief Mansy شريف منسي
شكرا نايل موتورز
Farewell my Cayenne, you were the best car i ever had and driven
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
شكراجزيلاً على التقرير المصور ..
لي تعليق ..
شكل الشبكة الامامية مش لطيف
رقم العضوية : 32723
تاريخ التسجيل : 12Feb2009
المشاركات : 7,095
النوع : ذكر
الاقامة : Kuwait- Naser city
السيارة: Renault Fluence 11- Outlander 08- Murano 06- BMW X5 10 - BMW 740Li 06
السيارة[2]: Mitsubishi Pajero 10
دراجة بخارية: non
الحالة :
رقم العضوية : 32723
تاريخ التسجيل : 12Feb2009
المشاركات : 7,095
النوع : ذكر
الاقامة : Kuwait- Naser city
السيارة: Renault Fluence 11- Outlander 08- Murano 06- BMW X5 10 - BMW 740Li 06
السيارة[2]: Mitsubishi Pajero 10
دراجة بخارية: non
الحالة :
Sharief Mansy شريف منسي
شكرا نايل موتورز
Farewell my Cayenne, you were the best car i ever had and driven
رقم العضوية : 70352
تاريخ التسجيل : 11May2010
المشاركات : 257
النوع : ذكر
الاقامة : Kuwait
السيارة: Suzuki Grand Vitara 2009
السيارة[2]: Toyota corolla 2014
دراجة بخارية: لا يوجد
الحالة :
صباح الفل عليكم يا شباب
و شكرا للكينج شريف منسى على الصور و المواصفات و الانطباعات
أما عن رايي فى العربية فلا يختلف عن رأى شريف باشا طبعا ...
أول حاجة شدتنى للعربية انها 1600 سى سى .. و بذلك دخلت دائرة الضوء مع العربيات اللى ممكن تتجاب و ننزلها مصر فى الاخر كمغتربين عايشين برة مصر و طبعا زى ما قال شريف باشا و اسلام باشا ... ان اول حاجة تيجى فى بالك كمقارنة مع العربية دى هى الاوكتافيا ... و بغض النظر عن اختلاف الفئات التى تنتنمى اليها كل سيارة ... الا انها تمثل خيارات متنافسة من حيث السعر و الكماليات و طبعا انها ممكن تنزل مصر و تتجمرك تحت اقل شريحة
و على فكرة سعر الفل اوبشن 8000 دينار كويتى ما يوازى 160 الف مصرى
و فيه سيارات اقل فى الاوبشنز هتوصل قريبا ان شاء الله .... و سيتراوح سعرها بين 7000 و 7500 دينار كويتى
العربية من جوة ما شاء الله شيك جدا و فيها اوبشنز كويسة جدا و وسعها معقول جدا بالنسبة لحجمها يعنى انا و شريف باشا كنا قاعدين ورا بعض و مرتاحين .. و مش متضايقين يعنى .. بس هى طبعا أضيق من SW و احنا الاتنين طولنا قريب من بعض حوالين 180 سم
و المدهش بقى فعلا مساحات التخزين فى الشنطة الخلفية و تحت أرجل الركاب فى الخلف و بين السائق و الراكب الامامى و ايضا حول أرجل الراكب الامامى ......
و طبعا الكماليات قال عليها شريف باشا فى اول الموضوع ....
طيب لحد كدة كويس ... ايه بقى اخبار الاداء و الثبات ؟؟؟ اقترح عليا رجل المبيعات ان انا اعمل تست درايف للبيجو 308 اللى هى 1600 مع تيربو بقدرة 140 حصان .. علشان يقنعنى بأداء و ثبات البيجو .. فوافقت فورا طبعا
و لحسن الحظ كانت عربية التست درايف هى الفل اوبشن .... بسقف بانوراما وكراسى رياضية و سنسور و جنوط 16 انش ... و نظام ملاحة (مش حلو قوى) و خدناها و توكلنا على الله ......
أول ما تركب العربية تحس طبعا بالشياكة العظيمة و جودة التقفيل و الخامات و طبعا شاشة الملاحة التى تفتح اوتوماتيكيا من التابلوة مع تشغيل السيارة ......
و العربية تحس انك قاعد مرتاح قدام مع ان الكراسى ناشفة شوية ... أما فى الخلف طبعا فكما اسلفنا ان الكراسى مش مريحة خالص و خصوصا ان مسند الراس بيبقى فى نص ظهرك تقريبا .. مش عارف ازاى.. و من الاخر رجل المبيعات هو اللى قعد ورا ....
زوايا المرايات كويسة جدا و المرايات كبيرة و كاشفة ما حول العربية بالكامل .. الدركسيون مريح و ان كانت اصابع يدى بما انها متغذية شوية خبطت مرتين فى الكوفر البارز اللى فوق عدادات السرعة و طبعا لأن الدركسيون كان مرفوع على الاخر.....
طلعنا بالسيارة و كانت الانطلاقة جيدة جدا التيربو اشتغل بقى و ال 140 حصان صحيوا من النوم ....
لحد سرعة 70 أو 80 كان التسارع جيد جدا و لكنه قل بعد ذلك بصورة ملحوظة مع ان الدواسة كانت على الارض.. و رجع لى احساس العربيات ال 1600 بعد ما كنت نسيته من زمان ... انك تجيب البنزين على الأرض و تسيب العربية تجمع مع نفسها ... بس هى طبعا احسن من الاوكتافيا بكتيير جدا فى التجميع
نظام التعليق حيرنى بصراحة مع انه قاسى شوية فى الملفات و المشى عموما بس تقريبا معاه ماتحسش بالمطبات ولا الحفر الجامدة .. و محدش يسالنى ازاى و بالنسبة للثبات بصراحة انا ماكنتش فاكرها كدة .. ما شاء الله العربية ثابتة جدا جدا و فى الملفات ممتازة و بيساعدها على كدة حجمها الملموم و انها طبعا هاتش باك .. مع العلم ان اقصى سرعة جبناها كانت 140 ....
بس و رحنا بقى لطريق العودة الخالى من السيارات و قفلت التكيف و شغلت السبورت ... و استعديت للانطلاقة الصاروخية .. و كانت خيبة الامل بإن شد العربية قل جدا عن المود العادى فا برر رجل المبيعات ذلك بأن السبورت مود بيحرق لأخر النقلة و طبعا شريف باشا اشار للنقطة دى برده و انا كمان عارف طبعا النقطة دى .. بس اللى انا فاهمه انهم عاملين السبورت مود ده علشان لما احب اجرى و احرق و اجمع سرعة ,,, برده مافهمتهاش النقطة دى
و جينا بقى لتجربة الفرامل .....
و نبهت الشباب و دوست فرامل .... و بعدين شديت تانى جامد و دوست فرامل جامد .... و الفرامل بصراحة لا تعليق عليها .. أداءها فى منتهى الجودة و الروعة و تحافظ على ثبات السيارة بصورة جيدة جدا مع قصر المسافة التى تحتاجها السيارة للتوقف تماما...
بس و بعدين اتجهنا فى طريق الرجوع للوكالة مع تعمد اكل بعض المطبات و الحفر للتأكد من نظام التعليق و تاكد نفس الشعور الموصوف مسبقا ... و لكن هناك نقطة ايضا تعيب السيارة و هى العزل الصوتى .. و اللى بصراحة ماعجبنيش ولا عجب شريف باشا ... و مش عارف هل التيربو مساعد فى الحكاية دى علشان معلى صوت الموتور شوية ولا ايه ...
بس يا شباب ... عموما لو 3008 أداءا قريب من أداء 308 تبقى سيارة جيدة جدا عموما و تبقى مناسبة خصوصا لمصر و حفرها و مطابتها و شوارعها الجميلة ...
KIMOs
رقم العضوية : 3144
تاريخ التسجيل : 12Nov2007
المشاركات : 2,126
النوع : ذكر
الاقامة : القاهرة
السيارة: Citroën Xsara II
السيارة[2]: PEUGEOT 308
دراجة بخارية: لا يوجد
الحالة :
والله يا شباب الف شكر على الموضوع الجميل الرائع وتجربة القيادة وشرحها ... بصراحة مجهود تشكروا عليه جدا
انا من ساعة ما شفت العربية دي وهاتجنن ليه بيجو مصر ما نزلتهاش مع انها عربية ممتازة من حيث انها 1600 cc وعالية عن الارض ومساحتها وحجمها مش بطال .... يعني العربية مناسبة جدا لمصر
وعلى الاقل يكون في تنوع في البيجو بدل الموديل الاوحد للعربية الموجود في السوق المصري
يعني العربية دي الى جانب ال 308 و 308 sw ولو ناس تمام تنزل 206+ يبقى في تنوع امام المشتري الحابب يركب البيجو ونفسه في حجم او شكل معين
عموما الف شكر ليكم مرة تانية
فرق كبير جدا بين انك تكون شعب متحضر
أو تكون شعب "مدعي حضارة"
رقم العضوية : 3144
تاريخ التسجيل : 12Nov2007
المشاركات : 2,126
النوع : ذكر
الاقامة : القاهرة
السيارة: Citroën Xsara II
السيارة[2]: PEUGEOT 308
دراجة بخارية: لا يوجد
الحالة :
إسمحلي يا باشا أضيف الفيديو ده عشان نشوف مدى الامان البتوفرة العربية ( خمس نجوم)
YouTube - Euro NCAP | Peugeot 3008 | 2009 | Crash test
فرق كبير جدا بين انك تكون شعب متحضر
أو تكون شعب "مدعي حضارة"
رقم العضوية : 4058
تاريخ التسجيل : 10Jan2008
المشاركات : 2,975
النوع : ذكر
الاقامة : Zagazig
السيارة: PEUGEOT 505
السيارة[2]: PEUGEOT 405
دراجة بخارية: honda
الحالة :
الله الله ايه الجمال ده يا رجالة
الف شكر
أضفيت على الحسن العبقا … فالورد تضوّع و اعتنقا
حـسّـن يا رب لنا الـخـلقا … طـهّـره فـلا يـحوي نزقا
رقم العضوية : 11385
تاريخ التسجيل : 23May2008
المشاركات : 3,289
النوع : ذكر
الاقامة : Egypt
السيارة: Lancer
السيارة[2]: Peugeot
دراجة بخارية: لا
الحالة :
تقرير أكتر من ممتاز,,
وأنت قلت "ده اللي فاكره و الباقي ياتي تباعا لو افتكرت حاجة تانية"
عربية جميلة جداً, وأنا شخصياً مهتم بيها جداً وبفكر فيها لما ربنا يكرم.
تقرير ممتاز تاني وأنا متفق معاك في كل النقط دي,,
مستنين نشوف باقي اللي هتفتكرة بقي,
و باقي تجارب الناس اللي معاها العربية او جربتها.
رقم العضوية : 32723
تاريخ التسجيل : 12Feb2009
المشاركات : 7,095
النوع : ذكر
الاقامة : Kuwait- Naser city
السيارة: Renault Fluence 11- Outlander 08- Murano 06- BMW X5 10 - BMW 740Li 06
السيارة[2]: Mitsubishi Pajero 10
دراجة بخارية: non
الحالة :
المفضلات