نتائج اول اسفتاء فى مص لسيارة عام "best car award" 2009

مجلة عربيتى تعلن عن النتائج النهائية لاستفتاء أفضل سيارة فى مصر

احتفلت أمس مجلة "عربيتى" للسيارات بإنهاء أول استفتاء من نوعه يقام فى مصر "BEST CAR AWARD" لسيارات عام 2009 وسط حضورالعديد من أقطاب السيارات فى السوق المصرى والإعلامين والفنانين.
وقد تميز الاستفتاء بالشمولية من خلال خليط بين الاحتراف في التصنيف الدولي المعتمد حسب فئة الجسم والرؤية المصرية لكل سيارات السوق المحلي مع الأخذ في الاعتبار الفئات السعرية المنافسة في مصر، وخضع الاستفتاء الذي قدم للجمهور سواءً من خلال مليء الاستفتاء في المجلة وإرساله بالبريد أو بالتصويت عن طريق الموقع الالكتروني الخاص بالاستفتاء Best Car Awards ، أو عن طريق التصويت المباشر من خلال فريق عمل "عربيتي الذي جاب معظم شوارع الجمهورية سواءً في الأندية ، التجمعات أو معارض السيارات.

الاستفتاء أقيم تحت تنظيم وإشراف مجلة "عربيتي" ، وهو استفتاء غير هادف للربح يسعى لمساعدة المستهلك الذي وقع في حيرة الاختيار بين مئات الموديلات في نفس الفئة وبأسعار متفاوتة ، كما راعى جانب توفير المقارنة بين السيــارات وإلقاء نظــرة شــاملة علــى جميع طرازات الســوق المصــري والتعرف على الأفضل من خلال خبرات وتجارب المستهلكين وجمهور سوق السيارات.

وقد بدأ الحفل بكلمة المهندس شريف حسن مدير عام مجلة "عربيتى" الذى قدم شرحا وافياً لحالة سوق السيارات المصرى وشرح كيفية عمل الاستفتاء وخطواته.



بعدها تم إعلان النتائج النهائية للاستفتاء وتقديم السيارات الفائزة وذلك من خلال مشاركة أكثر من 92 ألف قاموا بالتصويت لجائزة أفضل سيارة سواء عبر البريد الإلكترونى أو من خلال التصويت المباشر.
وقد جاءت النتائج كالتالى
====================
م - الفئة - السيارة الفائزة
===================
1 أفضل سيدان صغيرة
Chevrolet Aveo
جنرال موتورز مصر
---------------------------------
2 أفضل سيدان عائلية صغيرة
Skoda Octavia A4
أرتوك أوتو
--------------------------------

3 أفضل سيدان عائلية مدمجة
Kia Cerato
الشركة المصرية العالمية للتجارة والتوكيلات EIT
---------------------------------
4 أفضل سيدان عائلية كبيرة
BMW 320i
---------------------------------
5 أفضل سيدان رياضية
Jaguar X-Type
شركة "إم تى آى أوتوموتيف إيجيبت
----------------------------------
6 أفضل سيدان فخمة متوسطة
BMW 5 Series
الشركة البافارية للسيارات
-----------------------------------

7 أفضل سيدان فخمة كبيرة
Mercedes-Benz S-class
مرسيدس-بنز مصر
------------------------------------
8 أفضل هاتشباك صغيرة
Suzuki Celerio
مودرن موتورز
-----------------------------------
9 أفضل هاتشباك
Volkswagen Golf
الشركة المصرية التجارية و أوتوموتيف
---------------------------------
10 أفضل هاتشبك متوسطة
Fiat Grand Punto
اوماترا - الشرق للتجارة والتصنيع
--------------------------------
11 أفضل دفع رباعى
Ford Explorer
. Egyptian American Automotive
-------------------------------
12 أفضل دفع رباعى صغيرة
Land Rover LR2
شركة "إم تى آى أوتوموتيف إيجيبت
------------------------------
13 أفضل دفع رباعى اقتصادية
Daihatsu Terios
------------------------------
14 أفضل دفع رباعى فخمة
Audi Q7
الشركة المصرية التجارية و أوتوموتيف
----------------------------------
15 أفضل دفع رباعى مدمجة
Jeep Cherokee
مجموعة كرايسلر مصر
-------------------------------------
16 أفضل كوبيه
BMW 316i
المجموعه البافاريه للسيارات - بى ام دبليو
----------------------------------------
17 أفضل كوبيه رياضية
Porsche 911 Carrera
--------------------------------
18 أفضل سوبر كار
Ferrari 599 GTB
شركة "إم تى آى أوتوموتيف إيجيبت
---------------------------------
19 أفضل سيارة مكشوفة
Peugeot 308 CC
--------------------------------
20 أفضل سيارة عائلية صغيرة
Hyundai Matrix
غبور أوتو
---------------------------------
21 أفضل سيارة عائلية مدمجة
Nissan Livina
نيسان موتور إيجيبت
----------------------------------
22 أفضل سيارة عائلية كبيرة
Chrysler Town & Country
مجموعة كرايسلر مصر
------------------------------------
23 أفضل ستيشن واجن
Renault Logan MCV
الشركة المصرية العالمية للتجارة والتوكيلات EIT
-----------------------------------
24 أفضل سيدان صينية
Cherry A11
------------------------------------
25 أفضل هاتشباك صينية
Brilliance FRV
المجموعه البافاريه للسيارات - بى ام دبليو
-----------------------------------
26 أفضل دفع رباعى صينية
Speranza Tiggo
شركة DME أبو الفتوح
-----------------------------------
27 أفضل دفع رباعى اسيوية
Toyota Land Cruiser
تويوتا إيجيبت
------------------------------------
28 أفضل سيدان أسيوية
Honda Civic
النيل للتجاره و الهندسه - هوندا مصر
--------------------------------
29 أفضل هاتشباك اسيوية
Subaru Impreza
--------------------------------------------------------------
30 سيارة العام

الشركة المصرية العالمية للتجارة والتوكيلات EIT
Kia Cerato

-------------------------------------------------------
31 أفضل تصميم
BMW 750Li
المجموعه البافاريه للسيارات - بى ام دبليو
-----------------------------------
32 أرقى علامة تجارية
Mercedes-Benz
مرسيدس-بنز مصر
------------------------------------

.

شكرا على الخبر بس مش داخلة دماغي خالص النتيجة دي

اقتباس:

---

المشاركة الأصلية كتبت بواسطة mzeid

شكرا على الخبر بس مش داخلة دماغي خالص النتيجة دي

---

والله معاك حق انا كمان مش داخلة دماغى خالص نتيجة الاستفتاء دى كنت متوقعها هتبقى غير كدة انا شايف ان هم عملوا الاستفتاء على اكتر السيارات مبيعا وليس الجودة وخصوصا فى الفئات السيدان الصغيرة والعائلية

اقتباس:

---

المشاركة الأصلية كتبت بواسطة mzeid

شكرا على الخبر بس مش داخلة دماغي خالص النتيجة دي

---

+99999999

ممتتتتتتتتتتتتتتتتتتاز - نجاح اخر ساحق للسيراتو رغم كل ما قيل

اقتباس:

---

المشاركة الأصلية كتبت بواسطة mzeid

شكرا على الخبر بس مش داخلة دماغي خالص النتيجة دي

---

اقتباس:

---

المشاركة الأصلية كتبت بواسطة wal

والله معاك حق انا كمان مش داخلة دماغى خالص نتيجة الاستفتاء دى كنت متوقعها هتبقى غير كدة انا شايف ان هم عملوا الاستفتاء على اكتر السيارات مبيعا وليس الجودة وخصوصا فى الفئات السيدان الصغيرة والعائلية

---

+10000000000000000

بالظبط أكيد ده مش استفتاء دى أرقام مبيعات

اللي صوت في الاستفتاء ده اصحاب التوكيلات وبس
والحدق يفهم

اقتباس:

---

المشاركة الأصلية كتبت بواسطة Atrees

ممتتتتتتتتتتتتتتتتتتاز - نجاح اخر ساحق للسيراتو رغم كل ما قيل

---

فعلاً النتيجة حاسمة لل-cerato رغم كل ما قيل و مازال يقال

دي فعلاً ضريبة النجاح :Ta_clap[1]:

مجهود لمجلة عربيتي يستحق الإشادة
ومبروك للسيراتو ..

عبط حقيقي فعلا

الموضوع كلّه دعاية مدفوعة و السلام

الموضوع كله اكبر مبيعات مش اكتر من كده (مطبخينو)

الافيوووووووووووووووووو؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟!!!!!!!!!!!!!!!!!!!!!!!!!!!
دا انا هعمل علامات استفهام وتعجب من هنا للصبح
هما بيضحكوا على الناس
دى ولا مبيعات ولا افضل ولا اى حاجة خالص
مع احترامى للسيراتو هى موش محتاجة التقيم دا علشان تقولو اهى افضل عربية
طب منا بحب frv بس موش هقول اهى طلعت افضل عربية فى الصينى علشان بصراحة التقيمم اللى يطلع الافيو احسن عربية وجايب كام موديل موش موجود وهو بيتكلم عن عربيات المفروض ناس فى مصر ركباها يبقى تقييم لا معنى له الا انه تقييم اعلانى

14 أفضل دفع رباعى فخمة
Audi Q7
الشركة المصرية التجارية و أوتوموتيف

تستاهل اللقب

-----------------------------------
26 أفضل دفع رباعى صينية
Speranza Tiggo
شركة DME أبو الفتوح

مافيش عربية صينى دفع رباعى غيرها اصلا

اقتباس:

---

المشاركة الأصلية كتبت بواسطة ahmedegypt

14 أفضل دفع رباعى فخمة
audi q7
الشركة المصرية التجارية و أوتوموتيف

تستاهل اللقب

-----------------------------------
26 أفضل دفع رباعى صينية
speranza tiggo
شركة dme أبو الفتوح

مافيش عربية صينى دفع رباعى غيرها اصلا

---

التيجو جر أمامي مش رباعية !!!!!!!!!!!

أفيو مين ...... فين الكورولا والسيفيك والشارك .....

العربية التيجو 2000 سى سى دفع رباعى

مش عارف ليه مش مقتنع بالارقارم دى

اصل العربيات ديه كوخه مبيعاتها كوخه واسعارها نار كوخه وكمان مش على الخريطه
بهزر طبعا انا اول ما قريت الكام ده فى الاخبار ضحكت وفقدت مصداقيه خالد افندى اباظه وكمان الاستفتاء ده انا شاركت فيه وهو كان فى الاهرام فورميلا يطلعوا نتيجته دلوقتى ليه ثانويه عامه
القصد منه دلوقتى دعايه للعربيات التى ظهر بها مشاكل والناس فرملت منها والحدق يفهم:M_yes[1]:

اقتباس:

---

المشاركة الأصلية كتبت بواسطة tommys

أفيو مين ...... فين الكورولا والسيفيك والشارك .....

---

مش داخل دماغي الكلام ده مش عارف ليه ياجماعة.........

اقتباس:

---

المشاركة الأصلية كتبت بواسطة hmatchy

الافيوووووووووووووووووو؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟!!!!!!!!!!!!!!!!!!!!!!!!!!!
دا انا هعمل علامات استفهام وتعجب من هنا للصبح
هما بيضحكوا على الناس
دى ولا مبيعات ولا افضل ولا اى حاجة خالص
مع احترامى للسيراتو هى موش محتاجة التقيم دا علشان تقولو اهى افضل عربية
طب منا بحب frv بس موش هقول اهى طلعت افضل عربية فى الصينى علشان بصراحة التقيمم اللى يطلع الافيو احسن عربية وجايب كام موديل موش موجود وهو بيتكلم عن عربيات المفروض ناس فى مصر ركباها يبقى تقييم لا معنى له الا انه تقييم اعلانى

---

+1111111111
http://www.youtube.com/watch?v=2UGyCbp6iVs

اقتباس:

---

المشاركة الأصلية كتبت بواسطة ahmed nouh

بدون ما اعلق على ردود بعينها وبدون ما ادخل فى مناقشات انا عايز اوضح حاجه

اولا اللى بيتكلم فين الافيو من باقى العربيات فى السوق وان المجله اختارت عربيات بس على هواها للمنافسه هقوله اتفرج على الاستفتاء الاول قبل ما تقول رأيك , الاستفتاء مفيش عربيه فى مصر مدخلتش فيه وتم تقسيمهم فئات متعدده يقدر من خلالها المستفتى انه يختار العربيه المناسبه فى كل فئه سعريه وحجميه

الاستفتاء تم عن طريق الجمهور وبالمناسبه عدد الاصوات وصل 92 ألف صوت , المجله لم تتدخل فى عدد الاصوات الناس بقا اختارت افيو اختارات اللى اختارته دى حاجه ملناش علاقه بيها ومش كل الناس اللى عملت الاستفتاء يعنى خبراء فى العربيات اللى مستغرب قوى من الاختيارات اللى شافها يبقى ينزل الشارع يسأل الغالبيه العظمى رأيهم ايه فى العربيات دى قبل ما يتهم المجله بالنصب والكلام الفارغ ده

شوف برغم مشاكل الافيو اتباع منها قد ايه وانت هتعرف مين كل الناس اللى صوتت لها دى

المجله اه كسبت من الاستفتاء , بس بطريقه دعائيه تانيه خالص بعيدا تماما عن اللعب فى الاصوات او القبض من الوكلاء لأن اساسا الهدف الحقيقى من ورا الاستفتاء هو عمله بمصداقيه ترفع شعبيته والا كان ممكن المجله تستفاد بعروض الرعايه اللى جت للأستفتاء من التوكيلات

العربيات كلها صحيح اخدت جوايز بس كل فئه فيها عربيه واحده بس فى المركز الاول ودى اللى المفروض كسبت , حته ان المجله توزع جوايز على كل الوكلاء دى شغلانه علاقات عامه بعيدا عن الاستفتاء نفسه ولا تضر المستهلك فى شئ

انا بس اللى عاجبنى ان الناس سابت الاستفتاء كله بما فيه من عربيات مختاره وقفشت فى الافيو قال يعنى كل حاجه فى البلد ماشيه بالمنطق ودى السلعه الوحيده سيئه السمعه اللى نجحت فى البلد

الاختيارات وقعت على يد الجمهور نفسه فمحدش يقولنا فين الجوده والتجربه , دى استفتاء زى اى استفتاء بتعمله مجلات اوروبا كل العربيات فى السوق والناس تختار زى ما شايفين

وبالمناسبه برده التييجو فيها منها دفع رباعى ومش العربيه الوحيده فى السوق الصينى دفع رباعى , مش قولتلكم محدش اساسا شاف الاستفتاء وكلام وخلاص

بلاش يا جماعه النزعه الهجوميه وحب التقليل من الاخرين اللى بقا منتشر قوى ده , قبل ما تقول حاجه عن شغل حد تعب فيه ياريت تتأكد من كلامك

---

اذا كنت لا ترغب فى الدخول فى مناقشات فأظن انك لن تحرمنى ايضا من حق الرد والتوضيح
وان كان لى تحفظ على توقيعك ولكنه ليس بنقطة الخلاف
اولا هقول لحضرتك خش على قسم الافيو وشوف رأى ملاكها اللى راكبنها فيها تقريباً العربية الوحيدة اللى اغلب اللى راكبنها بيقولوا بلاش منها يعنى موش محتاجين ننزل نسئل
و اعزرنى المجلة اللى بتقول انها ابدت مجهود و خدت رأى الناس هو التقييم دا موش فى ناس هتاخد بيه لما تيجى تشترى وتقيييم العربيات اللى ممكن تشتريها على اساسو؟؟؟
يعنى انت ترضى لواحد انو يدفع سبعين الف جنيه او اكتر فى عربية عمرها ما هترضيه ويكتشف بعد ما جبها انو اتخدع فيها؟؟
احنا هنا فى المنتدى كلنا اخوة وبنساعد بعض ونتبادل خبرتنا ومعرفتنا للاستفادة و المصلحة للاعضاء وليس لسيارة بعينها او توكيل
يعنى انا ولا ليا مصلحة ان الافيو تتباع او موش تتباع خالص
طب ما الفيرنا اتباعت اكتر من الافيو و دى موش مشكلتنا انهى اتباع اكتر مشكلتنا ان المجلة لازم تكون دقيقة فى كلامها
يعنى حضرتك توافق ان الافيو افضل سيارة فى فئتها؟؟؟؟ كان ممكن تقول الاكثر مبيعا مثلا مع انها بردو موش الاكثر مبيعا ولا حاجة
ولما هوا استفتاء هوا فى حد شاف الفيرارى فى مصر ولا الجاجور يعنى بالعقل كدة الناس اللى تعرف الموديلات دى عمرها ماهتقول على عربية اى كلام انها احسن عربية
التناقد واضح وصريح فى النتائج
وفى الاخر انا بقول رأى انى لا اعترف بهذه النتائج سواء كانت حقيقية كما تقول او مخادعة كما انا اقول
بس انا حبيت الناس موش تاخد بالنتائج دى كمرجع ليها عند الشراء
وشكرا لسعة صدرك لهذا الحوار الذى لا ترغب فيه من البداية

اقتباس:

---

المشاركة الأصلية كتبت بواسطة Spear

التيجو جر أمامي مش رباعية !!!!!!!!!!!

---

ال 1600 سى سى جر أمامي

ContactCars | Speranza اسبيرانزا - Tiggo تيجو - 1.6 F/O M/T - 79,900 - 2010

ال 2000 سى سى دفع رباعى

ContactCars | Speranza اسبيرانزا - Tiggo تيجو - 2.0 F/O M/T 4x4 - 109,900 - 2010

اقتباس:

---

المشاركة الأصلية كتبت بواسطة hmatchy

اذا كنت لا ترغب فى الدخول فى مناقشات فأظن انك لن تحرمنى ايضا من حق الرد والتوضيح
وان كان لى تحفظ على توقيعك ولكنه ليس بنقطة الخلاف
اولا هقول لحضرتك خش على قسم الافيو وشوف رأى ملاكها اللى راكبنها فيها تقريباً العربية الوحيدة اللى اغلب اللى راكبنها بيقولوا بلاش منها يعنى موش محتاجين ننزل نسئل
و اعزرنى المجلة اللى بتقول انها ابدت مجهود و خدت رأى الناس هو التقييم دا موش فى ناس هتاخد بيه لما تيجى تشترى وتقيييم العربيات اللى ممكن تشتريها على اساسو؟؟؟
يعنى انت ترضى لواحد انو يدفع سبعين الف جنيه او اكتر فى عربية عمرها ما هترضيه ويكتشف بعد ما جبها انو اتخدع فيها؟؟
احنا هنا فى المنتدى كلنا اخوة وبنساعد بعض ونتبادل خبرتنا ومعرفتنا للاستفادة و المصلحة للاعضاء وليس لسيارة بعينها او توكيل
يعنى انا ولا ليا مصلحة ان الافيو تتباع او موش تتباع خالص
طب ما الفيرنا اتباعت اكتر من الافيو و دى موش مشكلتنا انهى اتباع اكتر مشكلتنا ان المجلة لازم تكون دقيقة فى كلامها
يعنى حضرتك توافق ان الافيو افضل سيارة فى فئتها؟؟؟؟ كان ممكن تقول الاكثر مبيعا مثلا مع انها بردو موش الاكثر مبيعا ولا حاجة
ولما هوا استفتاء هوا فى حد شاف الفيرارى فى مصر ولا الجاجور يعنى بالعقل كدة الناس اللى تعرف الموديلات دى عمرها ماهتقول على عربية اى كلام انها احسن عربية
التناقد واضح وصريح فى النتائج
وفى الاخر انا بقول رأى انى لا اعترف بهذه النتائج سواء كانت حقيقية كما تقول او مخادعة كما انا اقول
بس انا حبيت الناس موش تاخد بالنتائج دى كمرجع ليها عند الشراء
وشكرا لسعة صدرك لهذا الحوار الذى لا ترغب فيه من البداية

---

مبدئيا انا توقيعى لا يخص احد بعينه ده حاجه عامه فى حال البلد وملهاش علاقه بالموضوع هنا زى ما دايما متعود اتكلم عن السلبيات اللى بشوفها فى توقيعى

انا طلبت حذف ردى من الاداره علشان انا مازلت بقول ان اغلبيه اللى رد فى الموضوع هنا مشافش الاستفتاء وبيرد لمجرد اثبات رأيه بدون محاوله بس التفكير فى الموضوع

خلينى اقتبس جزء جزء من كلامك وارد عليه وده مش علشان اتناقش لأنى فهمت من بعد غلطتى فى ردى الاول ان محدش مستعد يتناقش بس علشان ميتقالش على مردتش على حضرتك وجاوبت على الاسئله اللى انت طرحتها

اقتباس:

---

هقول لحضرتك خش على قسم الافيو وشوف رأى ملاكها اللى راكبنها فيها تقريباً العربية الوحيدة اللى اغلب اللى راكبنها بيقولوا بلاش منها يعنى موش محتاجين ننزل نسئل

---

انا يا فندم عارف ان الافيو عربيه سيئه جدا بس ايه دخل معرفتى بالعربيه بأستفتاء معمول للجمهور يختار منه , ادخل حضرتك على باقى المنتديات على النت كله واتحداك لو وجدت نفس كم الهجوم على الافيو زى فى نايل موتورز , الناس هنا بتقول العيوب فالبتالى الوعى موجود , فى الشارع وفى السوق الافيو عربيه ممتازه فى نظر الناس واسأل اى حد عن الموضوع ده

الافيو لغايه دلوقتى بتتباع ليه لما سمعتها انتشرت ؟ , ده اكبر دليل ان الغالبيه العظمى متعرفش انها عربيه سيئه

وبلاش كل ده , ادخل قسم الشيفروليه هنا اللى هما اعلم ناس بالافيو وشوف فى الاسبوعين اللى فاتو كام واحد من القسم اللى غرقان مواضيع عن الافيو اشترى افيو وانت تعرف كمان مين اللى صوت للعربيه فى الاستفتاء

اقتباس:

---

و اعزرنى المجلة اللى بتقول انها ابدت مجهود و خدت رأى الناس هو التقييم دا موش فى ناس هتاخد بيه لما تيجى تشترى وتقيييم العربيات اللى ممكن تشتريها على اساسو؟؟؟

---

الناس اختارات اسوء عربيه فى السوق , زى ما نقدرش نعدل الاصوات لصالح حد منقدرش كمان نعدل رأى الناس

الناس اه ممكن تاخد بالاختيار بس احنا ذنبنا ايه فى ان كل اغلبيه اللى اشتركوا اختارو الافيو

عايز اقولك ان احنا يمكن اول ناس اتصدمنا من النتيجه وكنا واحنا بنعمل المسابقه بينا وبين بعض متوقعين انها هتكون اللوجان او الفيرنا مثلا لكن الاصوات الاكتر كانت للأفيو

يوم ما يكون فى اختيار المجله واختيار الجمهور الناس تقدر تحاسبنا على اختياراتنا لكن دى مسابقه قائمه كليا على اختيار الجمهور بس

اقتباس:

---

يعنى انت ترضى لواحد انو يدفع سبعين الف جنيه او اكتر فى عربية عمرها ما هترضيه ويكتشف بعد ما جبها انو اتخدع فيها؟؟

---

مرضالوش طبعا وانت كنت اول واحد اتريقت على الافيو فى موضوع اتقتح هنا فى المنتدى عن المسابقه يوم ما اعلنت الجوايز بس ايه علاقه المجله بالعربيه اللى اخدت أعلى نسبه تصويت ؟؟

اقتباس:

---

ولما هوا استفتاء هوا فى حد شاف الفيرارى فى مصر ولا الجاجور يعنى بالعقل كدة الناس اللى تعرف الموديلات دى عمرها ماهتقول على عربية اى كلام انها احسن عربية
التناقد واضح وصريح فى النتائج

---

والله احنا لما عملنا المسابقه عملناها على كل العربيات الموجوده فى السوق المصرى بالفعل

مكنش هينفع نجيب ال 90 ألف واحد اللى عملوا تصويت ونسألهم جربو ايه قبل كدا , اللى مش مهتم بسوق العربيات السوبر كان يقدر يتجاهل الفئه دى فى التصويت وده كان مكتوب فى موقع الاستفتاء

لم نفرض على اى مستفتى اختيارها , اكيد مش هنعمل استفتاء للعربيات تحت ال 200 ألف جنيه بس يعنى !!!!

اقتباس:

---

وفى الاخر انا بقول رأى انى لا اعترف بهذه النتائج سواء كانت حقيقية كما تقول او مخادعة كما انا اقول
بس انا حبيت الناس موش تاخد بالنتائج دى كمرجع ليها عند الشراء

---

والله يا فندم محدش طلب من اى حد انه يعترف بالنتيجه واحنا لما عملنا المسابقه مكتبناش فيها استنى لما تعرف مين اللى كسب واشتريه

الهدف كله كان خلق جو منافسه جديد مش موجود فى الصحافه المصريه مع انه منتشر برا جدا , مئات المجلات بتعمل استفتاءات من النوعيه دى كل سنه ومحدش منهم بيفرض رأيه على الناس , دا احنا كمان علشان نبعد عن اى شبهه معملناش زيهم لجنه تحكيم وجمهور وخلينا الموضوع جمهور بس بدون اى تدخل

ومع ذلك اهو بنشوف كلام زى اللى فى الموضوع ده !!

اقتباس:

---

وشكرا لسعة صدرك لهذا الحوار الذى لا ترغب فيه من البداية

---

العفو , وصدقنى اقرأ ردك ده تانى وردودى عليه وانت هتعرف انا ليه من الاول طلبت حذف ردى

علشان عارف ان اللى هيترد عليا بيه برده فى نفس السياق , انا اسف لو هقول لحضرتك ردك كله اجاباته موجوده فى ردى الاول بس يظهر ان برده حضرتك لم تقرأه بتمعن

ومع ذلك انا سعيد انى رديت عليك تانى

اقتباس:

---

المشاركة الأصلية كتبت بواسطة magomago

الاستفتاء أقيم تحت تنظيم وإشراف مجلة "عربيتي" ، وهو استفتاء غير هادف للربح يسعى لمساعدة المستهلك الذي وقع في حيرة الاختيار بين مئات الموديلات في نفس الفئة وبأسعار متفاوتة ، كما راعى جانب توفير المقارنة بين السيــارات وإلقاء نظــرة شــاملة علــى جميع طرازات الســوق المصــري والتعرف على الأفضل من خلال خبرات وتجارب المستهلكين وجمهور سوق السيارات.

.

====================
م - الفئة - السيارة الفائزة
===================
1 أفضل سيدان صغيرة
chevrolet aveo
جنرال موتورز مصر.

---

اقتباس:

---

المشاركة الأصلية كتبت بواسطة ahmed nouh

انا يا فندم عارف ان الافيو عربيه سيئه جدا بس ايه دخل معرفتى بالعربيه بأستفتاء معمول للجمهور يختار منه , ادخل حضرتك على باقى المنتديات على النت كله واتحداك لو وجدت نفس كم الهجوم على الافيو زى فى نايل موتورز , الناس هنا بتقول العيوب فالبتالى الوعى موجود , فى الشارع وفى السوق الافيو عربيه ممتازه فى نظر الناس واسأل اى حد عن الموضوع ده

الافيو لغايه دلوقتى بتتباع ليه لما سمعتها انتشرت ؟ , ده اكبر دليل ان الغالبيه العظمى متعرفش انها عربيه سيئه

وبلاش كل ده , ادخل قسم الشيفروليه هنا اللى هما اعلم ناس بالافيو وشوف فى الاسبوعين اللى فاتو كام واحد من القسم اللى غرقان مواضيع عن الافيو اشترى افيو وانت تعرف كمان مين اللى صوت للعربيه فى الاستفتاء
الناس اختارات اسوء عربيه فى السوق , زى ما نقدرش نعدل الاصوات لصالح حد منقدرش كمان نعدل رأى الناس
الناس اه ممكن تاخد بالاختيار بس احنا ذنبنا ايه فى ان كل اغلبيه اللى اشتركوا اختارو الافيو
عايز اقولك ان احنا يمكن اول ناس اتصدمنا من النتيجه وكنا واحنا بنعمل المسابقه بينا وبين بعض متوقعين انها هتكون اللوجان او الفيرنا مثلا لكن الاصوات الاكتر كانت للأفيو
يوم ما يكون فى اختيار المجله واختيار الجمهور الناس تقدر تحاسبنا على اختياراتنا لكن دى مسابقه قائمه كليا على اختيار الجمهور بس

ومع ذلك انا سعيد انى رديت عليك تانى

---

استاذى الفاضل كل قصدى ان المجلة موش تساعد فى ان تكون السبب لخداع عدد اكبر من المستهلكين لكن زى ما حضرتك شايف المجلة عاملة الاستفتاء دا كمرجع عند الشراء يعنى لو حد بيفكر يجيب عربية يجيب اللى فى الاستفتاء لانه الافضل لانك عارف اد ايه قرار شراء العربية قرار محيير
يعنى المفروض دور المجلة يكون للتوعية ونشر المعلومة الصحيحة موش تقول مساعدة المستهلك فى شراء سيارة سيئة.
و اعزرنى انا عوز اسئلك سؤال تانى هو انت لو شفت ناس ماشية خلط و موش فاهمة حاجة موش هتنصحهوم؟؟؟؟
ولو شفت ناس بتفكر تمشى ورا الناس الخلط موش هيكون ليك اى دور فى منعوهم حتى لو كانو هيسمعوا كلامك؟؟؟
كل قصدى ان يكون فى توعية من المجلة وهو دا دور الصحافة الهادفة
واخيرا اتمنى الا يفسد الخلاف للود قضية وانا سعيد ايضا بالحوار معك

اقتباس:

---

المشاركة الأصلية كتبت بواسطة hmatchy

استاذى الفاضل كل قصدى ان المجلة موش تساعد فى ان تكون السبب لخداع عدد اكبر من المستهلكين لكن زى ما حضرتك شايف المجلة عاملة الاستفتاء دا كمرجع عند الشراء يعنى لو حد بيفكر يجيب عربية يجيب اللى فى الاستفتاء لانه الافضل لانك عارف اد ايه قرار شراء العربية قرار محيير
يعنى المفروض دور المجلة يكون للتوعية ونشر المعلومة الصحيحة موش تقول مساعدة المستهلك فى شراء سيارة سيئة.
و اعزرنى انا عوز اسئلك سؤال تانى هو انت لو شفت ناس ماشية خلط و موش فاهمة حاجة موش هتنصحهوم؟؟؟؟
ولو شفت ناس بتفكر تمشى ورا الناس الخلط موش هيكون ليك اى دور فى منعوهم حتى لو كانو هيسمعوا كلامك؟؟؟
كل قصدى ان يكون فى توعية من المجلة وهو دا دور الصحافة الهادفة
واخيرا اتمنى الا يفسد الخلاف للود قضية وانا سعيد ايضا بالحوار معك

---

يا فندم انا فاهم وجهه نظر حضرتك فى دور المجله فى التوعيه , ولكن ده بالفعل يقع علينا لو فى جزء تانى من الاستفتاء خاص بتقييم المجله نفسها للعربيات

بمعنى انى جمعت كل عربيات الفئه فى الاستفتاء وبرغم انى عارف ان الافيو سيئه الا انى مقدرش منزلهاش فى وسطهم بأى حال دى عربيه فى السوق وموجوده ومفيش اى سبب واضح يخلينى اشيلها

الناس بقا اختارتها وبرغم انى دى كانت صدمه الا انى مقدرش اعمل فيها حاجه , هل هقول الناس اختارتها بس اختيارهم خطأ

او هعدل النتيجه مثلا علشان اوجه الناس يبقى انا كدا بغش فى رأى الناس لأن انى بقول مش كويسه ده رأى شخصى مقدرش افرضه على عدد كبير من الناس قالت كويسه واكبر من العدد اللى اختار اللوجان او الفيرنا

الخلاصه هى عربيه فيها وفيها وانا متفق معاك قلبا وقالبا , بس الناس للأسف اختارتها بعدد اكبر من اللى اختار الفيرنا واللانوس واللوجان , مكنش فى ايدينا حاجه نعملها غير اننا نعلن النتيجه بحق الله زى ما طلعت وزى ما حصل فى كل الفئات

السنه الجايه ان شاء الله هيبقى فى الاستفتاء لجنه تحكيم من المجله نفسها , دى اللى من خلالها نقدر نستبعد العربيات السيئه ونوجه الناس ناحيه العربيات المحترمه

ومتقلقش , انا مش هتدخل فى الاستفتاء اساسا خالص السنه الجاية :)

وبشكل عام انا متأسف لو كان توقيعى ضايق حضرتك وانا حذفته اول ما حضرتك علقت عليه , ومتشكر جدا على نقاشك الهادئ والهادف

استاذ احمد لا داعى للاسف فنحن اخوة ويكفينى منك زوقك واحترامك للحوار القائم بيننا لأعرف انك شخص محترم واخ لى فى هذا المنتدى الجميل واتمنى ان تقبل تحياتى لك ولكل مجهوداتك واتمنى ان يكون هذا الحوار بداية جيدة لأتعرف على شخص مثلك

يا جماعه انا نفسي اسمع تعليق الاستاذ ابو اسر علي الموضوع دا بجد وياريت لو احد الاخوه العضاء ينقل الخبر ده لقسم شيفروليه اكون شاكر جدا لاني بصراحه معرفش

اقتباس:

---

المشاركة الأصلية كتبت بواسطة mhmdalsaadany

يا جماعه انا نفسي اسمع تعليق الاستاذ ابو اسر علي الموضوع دا بجد وياريت لو احد الاخوه العضاء ينقل الخبر ده لقسم شيفروليه اكون شاكر جدا لاني بصراحه معرفش

---

لو أنا أو أبو اسر ردينا هناخد إيقاف نهائي

اقتباس:

---

المشاركة الأصلية كتبت بواسطة yoko

لو أنا أو أبو اسر ردينا هناخد إيقاف نهائي

---

ايوا يا يوكو باشا انا مستنيكوا من زمان والله وعشان خاطري انقل الموضوع لشيفروليه عشان انا معرفش الطريقه ازاي وممكن تردوا على الخاص لو حبيتوا

ممكن تعمل موضوع جديد وبلاش ارد عشان محدش هيحب يسمع ردي ولما تتعامل مع منصور إن شاء الله فرع الصحراوي وتلاقي حد بيشتم بالأهل هتعرف ليه أنا قالب على منصور سيبك من العربيه نفسها والبلاوي الي فيها

طب ممكن تقولي انقله ازاي معلش بنتقل عليك
وعلي فكره انا عارف اللى انت اقصدك عليه لاني اتعاملت مع غبور وما اشبه الليله بالبارحه بس زي ماقلت قبل كدا انا معتبر اني جايب خليجي عشان لما اتصدم مع منصور ابقى عامل حسابي

اقتباس:

---

المشاركة الأصلية كتبت بواسطة mhmdalsaadany

طب ممكن تقولي انقله ازاي معلش بنتقل عليك
وعلي فكره انا عارف اللى انت اقصدك عليه لاني اتعاملت مع غبور وما اشبه الليله بالبارحه بس زي ماقلت قبل كدا انا معتبر اني جايب خليجي عشان لما اتصدم مع منصور ابقى عامل حسابي

---

إبعت لصاحب الموضوع إستأذنة ولو وافق خد الموضوع copy وpaste في موضوع جديد تعمله في قسم شيفروليه أو الأسهل تبعت لأبو اسر يدخل للموضوع ده

ومتوصلش لما مدير الصيانة يقولك لو متربتش هنربيك عشان قلتله مفيش نظام لإني كان بقالي ٦ ساعات بعمل صيانة ال٢٠ ألف وبغير طنابير!!!!

اقتباس:

---

المشاركة الأصلية كتبت بواسطة mhmdalsaadany

طب ممكن تقولي انقله ازاي معلش بنتقل عليك
وعلي فكره انا عارف اللى انت اقصدك عليه لاني اتعاملت مع غبور وما اشبه الليله بالبارحه بس زي ماقلت قبل كدا انا معتبر اني جايب خليجي عشان لما اتصدم مع منصور ابقى عامل حسابي

---

ماتقلقش ياباشا رجالة نايل موتورز قايمه بالواجب وزياده :)

الموضوع موجود فى شيفروليه بقاله اسبوع :)

http://www.nilemotors.net/Nile/150291-a.html