الموضوع: سوزوكى سيلاريو تحصل على لقب افضل سياره هاتشباك فى مصر

مجلة عربيتي دول أصلاً ناس في منتهى الغرابة في كل حاجة في أخبارهم و أرقام إستفتاءاتهم و مسابقاتهم و أنا شخصياً ليا تجربة معاهم مش ظريفة ... كانوا عاملين مسابقة حاطين صورة عربية واللي يعرف نوعها ياخد جايزة وكان مكتوب كده بالنص جوائز قيمة لمن يعرف نوع السيارة وبعت لهم نوع العربية و فعلاً لقيت واحدة بتتصل بيا بعدها تقريباً بأسبوع بتقول لي مبروك حضرتك كسبت معانا الجايزة سألت ها طيب ممكن أعرف الجايزة إيه لأني ساكن في حلوان و المجلة في مدينة نصر عند جنينة مول يعني لو مش مستاهلة بلاش أروح المشوار ده كله قالت لي مش عارفة بس بطريقة مشكوك فيها المهم رحت لهم و أنا متشكك فيهم وكما توقعت طلعت الجايزة عبارة عن عددين من المجلة و للتصحيح هما مش عددين هما نسختين من نفس العدد و معطر ورق اللي بيتعلق في المراية اللي هو باتنين جنية ونص و كمان عليه إسمهم يعني المفروض إنهم بيوزعوه ببلاش دعاية و كوبون لعرض سيارة مستعملة للبيع في المجلة الكوبون كان خاص بشهر إبريل و إحنا كنا في أخر شهر أبريل يعني مالوش لازمة .. المهم إنهم أول ما عرفوا إن أنا اللي كسبت والمفروض إني جاي أستلم الجايزة القيمة يظهر إنهم ماكانوش متوقعين إن اللي هيروح ده حد محترم لأنهم أول ماشافوا حد داخل عليهم لابس بدلة وشكله محترم قعدوا يبصوا لبعض بارتباك و مش عارفين يقولوا إيه و كل شويه أحس إنهم بيدخلوا جوا يقعدوا يضحكوا و محدش عاوز يطلع يقابلني قال يعني مكسوفين طبعاً لما شفت الجايزة مسكت نفسي بالعافية إني أحافظ على إحتلاامي قدام ناس زي دول وسيبتهم ومشيت .. وأكتر حاجة غاظتني إن أنا قلت لهم على المسافة بتاعتي و إن لو الجايزة مش مستاهلة بلاش أروح لكن كان في إصرار غريب إن أنا أروح لهم مش عارف ليه كأنوقت الناس مالوش قيمة.