صوت مش مفهوم حصل في تانك البنزين
السلام عليكم ياجماعه
الفتره اللي فاتت و في يومين الحر الشديد (لما حراره الجو وصلت لـ 42 درجه مئويه او اكتر) حصل معايا شئ غريب
في يوم كنت بعمل مشااااااوير كتييييييير بالعربيه في عز الحر وركنت العربيه لمده نص ساعه تقريبا وجيت ادور تاني فـ حصل الأتى :-
1- العربيه دارت زي الفل وتمام والحمد لله
2- بعدها بثانيه سمعت صوت في تانك البنزين عامل زي تفريغ الهواء من تحت سائل (باللغه العاميه صوت بقلله)
3- مؤشر البنزين في اللحظه دي نزل خااااااااااااالص وكأن العربيه مفهاش نقطه بنزين , لكن لمبه البنزين منورتش
بصراحه الوضع قلقني جداااا , بس قولت يمكن الكانستر باظ مثلا , فنزلت و فتحت غطاء التانك قولت عشان لو الحكايه كده فعلا اخلي الهواء يطلع والتانك يعادل الضغط جواه , بعد ما عملت كده ركبت تاني وطفيت العربيه ودورتها لكن مفيش جديد حصل
طبعا انا اللي طمني اني كنت لسا مفول التانك قبلها بحوالى 50 كيلو متر , وانا كده كده مش بخلي البنزين يقل عن نص التانك في اي حال من الاحوال
المهم سلمت امري لله وقولت اتحرك بالعربيه وان شاء الله خير , وفعلا بدأت اتحرك , ولمجرد ان العربيه اتحركت من مكانها المؤشر بدأ يعلى تاني وياخد الإشاره الصحيحه من التانك لغايه لما وصل للمعدل الطبيعي اللي المفروض يكون عليه
سؤالي هو : ايه السبب في اللي حصل ده بالظبط ؟؟ وهل اللي حصل يعتبر مؤشر لتلف حاجه قريب !!!