دايو نوبيرا2008

**mohamedfadel** · 19-05-2010 11:45 PM

السلام عليكم و رحمة الله و بركاته

اتفرجت اليوم علي سيارة نوبيرا موديل 2008 كاملة مانيول مستعملة ماشية 34000
الصراحة العربية حالتها نظيفة جدا مثل الزيرو فبريكة
رأيتها في معرض بالقاهرة قرب القلعة

المطلوب فيها قالي حوالي 66 الف نهاية هو بدء ب 68 الف

انا حاسس ان المبلغ كتير رأي حضرتكم ايه؟

انا بقول ان الواحد يجيب لوجان علي الزيرو احسن
في انتظار الردود

**محمد الشامي** · 19-05-2010 11:54 PM

هو فعلا كتير شويه ,بس اظن ان سعرها المفروض يكون في بدايه الستينات مش اواخر الستينات , لأن النوبيرا 2007 بتعمل حوالى 55 الف جنيه وبنفس الحاله اللي حضرتك بتقول عليها

متنساش كمان ان المعرض عايز يطلع مصلحه لنفسه ,,,,, لكن نصيحه دور على عربيه بنفسك بعيداً عن المعارض , وممكن تدور في مواقع البيع الشراء وعلى رأسهم القسم الموجود في نايل موتورز طبعاً , وممكن تدور من خلال جريده الوسيط مثلا

**mohamedfadel** · 20-05-2010 12:07 AM

المشاركة الأصلية كتبت بواسطة محمد الشامي

هو فعلا كتير شويه ,بس اظن ان سعرها المفروض يكون في بدايه الستينات مش اواخر الستينات , لأن النوبيرا 2007 بتعمل حوالى 55 الف جنيه وبنفس الحاله اللي حضرتك بتقول عليها

متنساش كمان ان المعرض عايز يطلع مصلحه لنفسه ,,,,, لكن نصيحه دور على عربيه بنفسك بعيداً عن المعارض , وممكن تدور في مواقع البيع الشراء وعلى رأسهم القسم الموجود في نايل موتورز طبعاً , وممكن تدور من خلال جريده الوسيط مثلا

ألف شكر علي الرد بس انا نزلت سوق الجمعة و اتغشيت اخذت عربية لانوس موديل 2007 كانت شكلها تمام و في ميكانيكي هناك بص عليها وقالي تمام اخذتها علي 46000 جنيه و بعدين تاني يوم قبل التسجيل شيكت عليها عند الميكانيكي بتاعي في المقطم لانها كانت بتشخلل من تحت اكتشفت ان فيها حادثة رهيبة في الشاسيه و الشاسيه ملحوم و معوج و يحتاج شغل ب 4000 جنيه و السيارة ستكون معيوبة
المهم ربنا سبحانه و تعالي ستر و بعد مشاكل كتير و من ستر ربنا رجعت العربية و خسرت 500 جنيه طبعا مش مهم المهم لو مكنتش رجعت كانت ح تبقي كارثة
علشان كده انا خايف اشتري من حته مش موثوق فيها

**M.Zaher** · 20-05-2010 12:39 PM

المشاركة الأصلية كتبت بواسطة mohamedfadel

ألف شكر علي الرد بس انا نزلت سوق الجمعة و اتغشيت اخذت عربية لانوس موديل 2007 كانت شكلها تمام و في ميكانيكي هناك بص عليها وقالي تمام اخذتها علي 46000 جنيه و بعدين تاني يوم قبل التسجيل شيكت عليها عند الميكانيكي بتاعي في المقطم لانها كانت بتشخلل من تحت اكتشفت ان فيها حادثة رهيبة في الشاسيه و الشاسيه ملحوم و معوج و يحتاج شغل ب 4000 جنيه و السيارة ستكون معيوبة
المهم ربنا سبحانه و تعالي ستر و بعد مشاكل كتير و من ستر ربنا رجعت العربية و خسرت 500 جنيه طبعا مش مهم المهم لو مكنتش رجعت كانت ح تبقي كارثة
علشان كده انا خايف اشتري من حته مش موثوق فيها

طبعا غلطت لانك خليت ميكانيكي من هناك يبصلك عليها كان لازم يكون تبعك انت

حاول تشوف عربيه من عيله وبلاش معارض عشان بيستهبلوا في السعر اصلا

**hosar** · 20-05-2010 01:03 PM

مفيش مجال للمقارنة بين النوبيرا و اللوجان
انا كنت حجيب اللوجان بس لما سألت عن قطع الغيار بتاعتها لقيتها نار و كمان مش معمرة
انا رأيى النوبيرا اقتصادية و كمان منتشرة فية ورش كتير بتشتغل فيها
و ربنا معاك