ليه يا جماعه الكل ظالم yamaha مع انها بايك من كويس ومش لاقى الترحيب اللى يستحقه
عرض للطباعة
ليه يا جماعه الكل ظالم yamaha مع انها بايك من كويس ومش لاقى الترحيب اللى يستحقه
مين قال كده بالعكس في فئه بس مش كبيره بتركب ياماها بس المشكله قليلين
وانت عارف طالما انت في مصر بتجيب هوندا وفعلا هوندا اداءها رائع وتقريبا انيجين تكنولوجي كويسه برضوا
وسعر اعداة بيع وقطع غيار اسهل
يعنى من الى انا (قريته) علشان السعر وقطع الغيار والبيع والكلام ده
حضرتك لو بصيت على المثل اللى بيقول الصيت ولا الغنى وده اللى ماشى فى مصر
واول حاجه الواحد بيسال عليها لما يحب يجيب بايك النوع واوتومتك الكل وبلا استثناء بيقول الهوندا
وده طبعا بفضل المستوردين والتجار الكبار اللى مبيدخلوش الا الهوندا تقريبا
ولو نظره صغيره على المنتدى الجميل ده هتلاقى 99%من المواضيع الموجوده عن الهوندا وقليل والاصح نادرا لما تلاقى واحد بيسال عن سوزوكى ولا كوازاكى ولا ياماها وده نقطه فى اغلب شعبنا العزيز انه بيسمع الكلام من اول مره هوندا يعنى هوندا
طيب hedra ممكن تقولنا ليه بتقول كده..........قصدي ليه متحامل علي الهوندا بالشكل ده...........مع العلم اني لو هافكر اغير الهوندا الي معايا هاخد هايبوسا سوزوكي.
طيب الدوكاتى اة اخبرها
الدوكاتى انا مشفتهاش ولا مرة فى مصر بردوا بس مكنة كويسة بردو
أنا أعرف واحد عنده دوكاتي
هي قوية جدا لكن شكلها مش سبورتي بالدرجه
الرجالة دي بتدور ورا الهايبوسا ليه ياوديع هههههه..........ماهو ده الانتقال الطبيعي وبصراحة بحس ان الهايبوسا شكلها معبر عن القوة ومش عاطفي خالص وعلشان كدا عاجباني ...........انا بموت في اللون الابيض عليها بس مش وقته خالص حاليا باركب الريسينج مرة مرتين 3 لما اقول مقطع الدنيا في الاسبوع بس الطلعة ب 100 كيلو علي طول.:E_braces[1]:
يا م/محمد انا مش محمل على الهوندا ولا حاجه بس لو سوال لحضرتك
هو فى نوع تانى فى مصر غير الهوندا ؟
وانت قولتها الحاجه دى (ازواق )
مع احترامى ليك ولكل محبى الهوندا بس لو كان فى انواع كتيره كان الواحد جرب الهوندا وانواع تانيه كتير وكان يبقى عنده حريه الاختيار مش مربوط بالسوق وقطع الغيار .
اااااااااااه
أنتم كنتوا بتبعدوني عن الهايابوزا علشان تشتروها انتو :H_angry[1]:
هو زى ما انت قولت دى ازواق
بس الياماها بايك ممتاز (وجه نظر)من ناحيه القوه باور تسارع مغريه جدا واللى بيركبها مينفعش يمشى على مهله
وبالنسبه للعمر الافتراضى انه اقصر من الهوندا وده لان طول ما الواحد راكب لازم يدوس وبالتالى العمر الافتراضى بيقل لكن لو الوحد مسك نفسه شويه ومشى على مهله هيعيش البايك اطول
ودى وجه نظر شخصيه .
ماهو انا مابكرهش الياماها ولا السوزوكي لاسمح الله........لس الفكرة ان الباكيج الكامل للهوندا متوازن(أداء+أعتمادية وتحمل+فرامل مشهود لها بالكفاءة علي المواقع الاجنبية وعن تجربة +توفر قطع الغيار واسعارها ارخص للهوندا في معظم القطع+الباور مابينج معمول ومتبرمج صح مفيش حركات مباغتة وغير متوقعة) الشكل هو الحاجة الوحيدة الي بيرجع للذوق في الاختيار في الموضوع........وانا بقول هايابوسا لان الهوندا مش منزلين حاجة في نفس الفئة......واختلاف الاراء لايفسد للود قضية.
لو حضرتك تخيلت ان قطع الياماها وغيرها سوزوكى كوازاكى دوكاتى ان قطع الغيار موجوده فى كل حته مش كان الوضع اختلف وكان هيكون فى اقبال اكتر على الانواع اللى موجوده وهيكون الاختلاف فى الشكل وده حسب ما كل واحد وزوقه
طبعا كلام مظبوط بس خلي بالك من نقطة حتي لو متوفرة بس تقريبا علي ماأعرف ومن كلام عاطف كمان ان قطع غيار السوزوكي في الكويت في تيل الفرامل مثلا اغلي من تيل الهوندا وبفرق.........ماشي متفق معاك ياباشا توفر قطع الغيار حتي لو أغلي من الهوندا شرط اساسي لانتشار الانواع التانية (وجود قطع الغيار وتوفرها غالية افضل 100 مرة من عدم وجودها حتي لو كانت رخيصة).
علي فكرة الموتوسيكلات القديمة شكلها اجمل يعني مش القديمة قوي يعني انا شايف ان اشكال التسعينات و لغاية 2004 او 2005 كانت اجمل و كنت حاسس ان لكل موتوسيكل شخصية مميزة اما دلوقت شوفو الcbr 600 و ال 1000 بقي شكلها عامل ازاي و راحت فين ال900 بأشكالها الرائعة و اكثر حاجة مضايقاني في الموديلات الجديدة في معظم الماركات الشكمان اللي كش و صغر و مابقاش باين زي الاول هو كان شكله وحش قوي كده علشان يصغروه بالشكل ده او يخبوه تحت الكرسي؟
انا معاك فى نقطه الشكمان :satelite:
انا عن نفسى بحب الشكمان اللى على الجنب ولما يكون البايك YAMAHA R1 2003
ده شكله وحش يا ظلمه:36_7_4[1]:[youtube]http://www.youtube.com/watch?v=apaL20pxQmU&feature=fvsr[/youtube]
ههههههههههههه..............ردوا علي الزعيم الكبير yascro كل الانواع والماركات والاحجام.
وبعدين عايزين اداء اكتر من كده أيه
http://www.nilemotors.net/Nile/78072-a.html
كلامك مضبوط الهوندا ارخصهم جميعا وبعدين ياهدرا مش بس في مصر كمان في الكويت وكمان علي مستوي العالم لو تقارن بين الاسعار في اي مواقع نفس ebay هتلاقي اسعار الهوندا ارخص طيب انا عندي الكرسي الخلفي موجود مكانه كرسي فيبر شكله حلو ولكن مايفعش حد يركب عليه تخيل الكرسي الاصلي سعره كام سعره علي ebay واغلب المواقع 156 دولار بالضبط في حتته كرسي ولايسوي نصف سعره من وجهه نظري ولكن انت طالما عاجبك اليامها توكل علي الله واشتريه ومن يخطب الحسناء لا يغليها المهر علي رأي المثل
ياراجل حرام عليك يعني انته عاجبك الشكمان الي طوله 3 متر بالعكس الحاجه المعقوله بتكون احلي بكتير وكمان وزنه الزياده بيكون ليه تأثير علي البايك بالنسبه لينا مش هتفرق ولكن كسباقات وبطولات زمن نصف الثانيه بيطلع شركات وينزل شركات
احلي شكل وقعت عليه عيوني ال cbr 1000 موديل 2008 وطالع وعلي فكره الفيديو ظالمه لما تشوفه علي الطبيعه مش هتقدر تغمض عنيك ( روتانا سينما هههههه) بعكس ال 600 شكله عادي خالص
احلي شكل وقعت عليه عيوني ال cbr 1000 موديل 2008 وطالع وعلي فكره الفيديو ظالمه لما تشوفه علي الطبيعه مش هتقدر تغمض عنيك ( روتانا سينما هههههه) بعكس ال 600 شكله عادي خالص[/QUOTE]
دا البايك الخاص بيا بس البايك بتاعى اصفر ف اسود
:Ta_clap[1]:شكر خاص لكل من شارك فى الموضوع :satelite:
ويا ريت لو حد عنده علم بالاسعار فى مصر كام من موديل 98 لحد 2003
رجاء لو حد يعرف يا ريت يقول
يا جماعه محدش ظالم الياماها ولا السوزوكي ولا الكوازاكي
عندك مثلا الياماها R1 والياماها Tenereh والـ TTR والـ VMAX مشهود لهم بالكفاءه
وعندك السوزوكي إنتشرت وبقوه GSXR والـهايبوزا والبوليفارد وأخيرا السافاج
والكاوازاكي الـ ZXR والـ نينجا والفولكان كل ده بنشوفه في الشارع النهارده
بس عايز أقولكم على حاجه أغلب الموديلات الي ذكرتها منتشره في الشارع لرخص أسعارها
لكن على قوة التحمل يبقى هوندا لأن السوزوكي صعب إن حد يضبط الكهربا بتاعت المكنه والكاوازاكي محتاجه عنايه خاصه لسرعة تلف أجزائها يعني بالبلدي أعطالهم كتير ومش متوافقه مع أسفلت الشارع المصري
شكرا وأسف عالإزعاج
سلامه صوتك انت والمهندس محمد
انا عارف انكم تعبتوا معايا كتير :shyy: .
وشكرا ليكم كلكم :B4_388:
قطع الغيـــــــــــــــــــــ ار غير متوفره
وقابلنى لو لقيتله مسمار
اعتقد حتي لو اشتري هوندا وكانت موديل عالي 2006 وفوق مثلا مش هيلاقي لها قطع غيار مش بس الياماها والسوزوكي والكوزاكي ولكن لو راح التوكيل هيلاقي مسامير او اي شيء لأي نوع كان هوندا سوزوكي وخلافه ولو احتار خالص يطلب من النت بس يكون يعرف له واحد يطلب من بره او ليه اي حد قريبه بالكويت او اي دوله ممكن يبعت له الي هو عاوزه
يا حماعه قطع الغيار بتيجي من بره بكل سهوله
عندكم مثلا موقع بايك باندت
وفيه ناس بتسافر اليابان وتجيب كل الي إنت عايزه عندك مثلا خالد التوني
بيسافر دايما وبيجيبلك الي إنت عايزه وبيتصل بيك من اليابان بيقولك سعرها وانت كده كده بتدفع جماركها أو هو وبيحاسبك بالورقه والقلم والراجل ده محترم جدا وبيتعامل بما يرضي الله وهو بيقولك كمان كلنا بنرزق من فضل اللاه وهو مش جشع يعني أرخص بتاع قطع غيار في مصر