ارجو المشورة
انا مش محترف سواقة؛ وناس كتير بيقولولي هات مستعمل الأول اتعلم فيه وبعد كدة هات زيرو. تفتكروا ده الصح.
عرض للطباعة
ارجو المشورة
انا مش محترف سواقة؛ وناس كتير بيقولولي هات مستعمل الأول اتعلم فيه وبعد كدة هات زيرو. تفتكروا ده الصح.
ده الصح هات عربيه مستعمله اتعلم عليها تمام واكتسب خبره كويسه سنه مثلا وبعدين هات الزيرو
والله .. انا عاوز اقول لحضرتك حاجة ... لو معاك تمن الجديد هات عربية جديدة على طول ومن غير تفكير لاسباب
1- عربية جديده يعنى مش حتعطل
2- حتريحك فى السواقة
3-حتحافظ عليها وحتبقى حذر فى سواقتها
واوعى تقول اجيب عربية 128 علاشان اتعلم عليها السواقة واخبطها واكحتها ...... لان بجد دة حرام ... لانك لو مابتعرفش تسوق كويس ... يبقى ماتسوقش اى عربية لوحدك لا لما تتقن السواقة صح .. لانك لواعتمد على فكرة انك تجيب عربية قديمة وتخبطها .. يبقى بتعرض روحك وارواح الناس للخطر او على الاقل حتسبب الاذى للاخرين .
طبعا حضرتك اكيد مش فى نيتك انك تخبط وتكحت .... بس لاسف الكلام دة انا شوفته هنا فى المنتدى كتييييييييييييييييييييييي يير .... وعاوز اقول لكل واحد بينصح حد لسة بيتعلم سواقة انة يجيب عربية رخيصة علشان يخبط براحتة ... عاوز اقولة ((( اتقى الله ))) علاشان ماتلاقيش حد عملها فيك وخبطلك عربيتك .
خلاصة الموضوع ...
توكل على الله وهات عربية جديدة علاشان تريحك وماتفتحش بقها ... ولو حسيت انك مش متمكلها فى السواقة .. ودة طبيعى فى الاول مع اى عربية .. ممكن تسوقها فى الاول بليل خالص وفى الاماكن الفاضية .. علاشان تتعود عليها وعلى ابعادها ... ولو اضطر الامر ان تخلى حد من اصدقائك يكون معاك .
تجيب مستعمل .. لسبب .. معلش في الكلمه يعني .. العربيه هاتاخد تخبيطات كتيره (اللي خلاني انا باسوق من 11 سنه و لسه مازال التخبيط شغال) .. و الخبطه في الزيرو بتمنها ( مش بس تصليحها .. دي بتقلل من تمن العربيه كمان حتي لو اتصلحت)..
ده غير كمان حاجه الناس مش واخده بالها منها .. انا عن نفسي ماجبش زيرو ابداً .. علماً بأن انا تاجر قطع غيار سابق .. لسبب واحد .. الجديد اول ما علقت نمر .. بتخسر من تمنها .. قول مثلاً انا اشتريت عربيه ب 100 الف زيرو ..
100 الف .. علقت النمر .. يبقي كده خسيت من التمن 5000 او 10000 حسب العربيه و العرض و الطلب ..
تيجي بعد سنه لو قات يا بيع .. هاتبيع ب 80 او 85 الف ..
بعد سنتان .. هاتبيع ب 70 .. و هكذا .. و يا سلام بقي .. اسعار الزيرو يقل من هنا .. و انت سعر عربيتك يقل من هنا ..
عشان كده انا بانصح الناس اللي عاوزه تستري .. تجيب عربيه عمرها 5 سنين .. يعني لو جبت مثلاً عربيه مو 2003 ..تبقي عديت مرحله الخطر ( الخساره البحته) .. و من هنا تعرف تلعب بقي .. ممكن تجيبها مثلاُ ب 70 تبيعها ب 75 .. و ممكن تخسر ( حتي لو خسرت هاتخسر ححاجات بسيطه) ..
الكلام ده يطبق علي اي عربيه عاليه .. ياعني بالنسبه لعربيات الدعك التام زي الشاهين الكلام ده لا يطبق عليها يهذه الصوره .. لاءن ببساطه حته حديده .. هاتخسر اه .. انما كبيرك تخسر 10 الاف بعد 5 سنين !
انا بتفق مع fiatmomo فى اللى قالة يعنى ممكن تجيب ماروتى او التو زيرو
عربية ابعادها حلوة للتعليم و هاتريحك كتير و تتعلم فى حتة فاضية براحتك و حتى لو جيت تبيع الماروتى او الالتو بتقل الف جنية كل سنة تقريباً ..يعنى كدة كدة انت الكسبان
تعليم بسرعة-مفيش اعطال -هاتحبها و ممكن تستمر بيها فترة طويلة
بس ماتمشيش بيها فى وسط الزحمة غير لما تبقى متقن السواقة جداً
ملحوظة : حتى لو خبطت فى حد(لا قدر الله ) انت اللى هتتأثر و هو غالبا مش هايتأثر أوى و تلفياتك تصليحها هايبقى بسيط اوى .
انت هجيب ايه زيرو الاول ؟
انا اتعلمت علي زيرو...ودلوقتي بقالي 7 شهور..والحمد لله مفيش خبطات غير واحده بس في الباب اللي ورا يمين وانا طالع من الجراج وده علشان كنت لسه مش حافظ العربيه...الخبطه بسيطه اصلا ومش باينه
اشتري زيرو وتوكل علي الله و في الاول حاول تكون هادي ومركز جامد...هتتعب في الاول بس مع الوقت كل شيء هيبقي تمام
+10000000000اقتباس:
المشاركة الأصلية كتبت بواسطة محمد ابراهيم 1
بما انك لسه جديد مش خبرة فى السواقة طبيعى حتبقى عرضة اكتر للخبطات و بالتالى حتشوة العربية الجديدة و حتلاقى مصاريف تصليحها عالية
ولاحظ ان فى مصر الناس اللى سايقة (غالبا التكسجية و المكرباصنجية) بيبصوا على العربية الاول قبل ما يرموا بلاهم عليك... لو عربيتك جديدة بيرموا و بيبقوا عارفين انك خايف عليها فا حتوسع فورا (لاحظ انك مش سواق جامد و ممكن تتخض او تتصرف غلط ساعتها)
اما لو عربيتك قديمة فا بيتوقعوا انك ممكن متفرقش معاك و بالتالى حيفكروا مرتين قبل الحركة دى... ايم زمان قبل اللانوس مكنش حد يستجرى يرمى عليا بالفولكس البيتلز
و د برضة بيحصل لما يلاقوا اللى سايق واحدة ست
فيه نقطة كمان و هى ان العربية الزيرو حتبقى ناعمة و خفيفة و حتسهل عليك السواقة مووووت... انا شايف ان دة عيب مش ميزة بالنسبة لواحد بيتعلم زى كدة ما تتعلم على اوتوماتك حتبقى صعب اوى تسوق مانوال فا العربية القديمة حتخليك تشتغل اكتر و تخليك سواق احسن و لما تركب الزيرو ان شاء الله حتلاقى الحياه ظريفة جدا... لو لاى ظرف حصل العكس حتلعن اليوم اللى اتعلمت فيه السواقة
MMamdouh
لو كنت بتسوق كويس ومتمكن هات جديد مش هاتفرق معاك ... انما لو جديد فى السواقه زى ماحضرتك بتقول يبقى هات مستعمل احسن
هى الفكره مش فى مستعمل وجديد بس على قد ما الفكره فى رخص قطع غيار وصيانه العربيه اللى هاتجيبها يعنى انت كده كده هاتخبط وتتخبط وتحك .. انما احتماليه ان ده يحصل وانت جديد فى السواقه اكتر من احتماليته بالنسبه للسواق العادى فبالتالى يفضل تجيب عربيه "رخيصه مستعمله" فى الاول لغايه ماتتعود على السواقه
يعنى مش تروح تجيب فكترا وللا لانسر مستعمله :) لأ مثلا 128 او ريجاتا او 132 أو 131 بحيث تكون صيانتها رخيصة وسعر اعاده بيعها كويس ... وربنا يوفقك إن شاء الله
اقتباس:
المشاركة الأصلية كتبت بواسطة fiatmomo
انا بتفق معاك وده الل خلاني افتح الموضوع ده
غالبا سيفيك ان شاء اللهاقتباس:
انت هجيب ايه زيرو الاول ؟
ماهو الكلام كدة معناه اني اجيب مستعمل احسناقتباس:
انا بتفق مع fiatmomo فى اللى قالة يعنى ممكن تجيب ماروتى او التو زيرو
عربية ابعادها حلوة للتعليم و هاتريحك كتير و تتعلم فى حتة فاضية براحتك و حتى لو جيت تبيع الماروتى او الالتو بتقل الف جنية كل سنة تقريباً ..يعنى كدة كدة انت الكسبان
تعليم بسرعة-مفيش اعطال -هاتحبها و ممكن تستمر بيها فترة طويلة
بس ماتمشيش بيها فى وسط الزحمة غير لما تبقى متقن السواقة جداً
ملحوظة : حتى لو خبطت فى حد(لا قدر الله ) انت اللى هتتأثر و هو غالبا مش هايتأثر أوى و تلفياتك تصليحها هايبقى بسيط اوى .
انا بصراحة لما هجيب عربية هيبقى موضوع اعادة بيعها في اخر اولوياتي انا جايبها لنفسي مش للمالك اللي بعدي اعتقد سبعاوي كان فتح موضوع بالمعنى ده قبل كدةاقتباس:
تجيب مستعمل .. لسبب .. معلش في الكلمه يعني .. العربيه هاتاخد تخبيطات كتيره (اللي خلاني انا باسوق من 11 سنه و لسه مازال التخبيط شغال) .. و الخبطه في الزيرو بتمنها ( مش بس تصليحها .. دي بتقلل من تمن العربيه كمان حتي لو اتصلحت)..
ده غير كمان حاجه الناس مش واخده بالها منها .. انا عن نفسي ماجبش زيرو ابداً .. علماً بأن انا تاجر قطع غيار سابق .. لسبب واحد .. الجديد اول ما علقت نمر .. بتخسر من تمنها .. قول مثلاً انا اشتريت عربيه ب 100 الف زيرو ..
100 الف .. علقت النمر .. يبقي كده خسيت من التمن 5000 او 10000 حسب العربيه و العرض و الطلب ..
تيجي بعد سنه لو قات يا بيع .. هاتبيع ب 80 او 85 الف ..
بعد سنتان .. هاتبيع ب 70 .. و هكذا .. و يا سلام بقي .. اسعار الزيرو يقل من هنا .. و انت سعر عربيتك يقل من هنا ..
عشان كده انا بانصح الناس اللي عاوزه تستري .. تجيب عربيه عمرها 5 سنين .. يعني لو جبت مثلاً عربيه مو 2003 ..تبقي عديت مرحله الخطر ( الخساره البحته) .. و من هنا تعرف تلعب بقي .. ممكن تجيبها مثلاُ ب 70 تبيعها ب 75 .. و ممكن تخسر ( حتي لو خسرت هاتخسر ححاجات بسيطه) ..
الكلام ده يطبق علي اي عربيه عاليه .. ياعني بالنسبه لعربيات الدعك التام زي الشاهين الكلام ده لا يطبق عليها يهذه الصوره .. لاءن ببساطه حته حديده .. هاتخسر اه .. انما كبيرك تخسر 10 الاف بعد 5 سنين !
انا اتفق مع نقطه انك تجيب العربيه لنفسك .. و انا من ضمن الناس اللي معاها عربيه و صارف عليها اكتر من تمنها .. انما اعاده البيع دي شيء لابد منه .. حتي لو هاتخليها معاك 50 سنه هاتبيعها في الاخر
و الصراحه انا شايف ان الواحد يجيب عربيه عمرهل 5 سنين .. و تقعد معاك 5 سنين .. تبيعها و تجيب غيرها عمرها 5 سنين .. و هكذا ..
انا بتفق مع fiatmomo و seatlover فى اللى قالوة يعنى ممكن تجيب ماروتى او التو زيرو وفى النهاية دة بردو هيعتمد على أنت ناوى تحتفظ بهذة السيارة فترة طويلة لاتقل عن 4 أو 5 سنين يبقى جديد علشان يريحك أولا ومتخسرش كتير ثانيا ولو ناوى تغير بسرعة يبقى هات مستعمل بس يكون حالتة كويسة .
ان اعتقد ان مكان سكنك و عملك لهم دور في اختيارك
يعني لو انت من سكان القاهرة يبقي زحام و خبط و رزع و مرستان كبير يبقي تتعلم كويس جدا قبل ما تركب زيرو
اما لو انت من محافظة تاني غير القاهرة الكبري و ما عندكش مشكلة مرور و زحام شديد يبقي الجديد احسن بكتير و هتتعلم بسرعة عليها
بصراحة الزيرو احسن بكتير في السواقة و المصاريف سواء استهلاك بنزين و صيانة يعني سنتين تلاته و انت مرتاح
لكن المستعمل دا موال تاني خالص هيكرهك في انك تشتري عربية اصلا من كتر العك بتاعه و خصوصا القديم جدا و الرخيص
انا من سكان القاهرة لكن حاليا مقيم في الخارج -لاجوس- وناوي اجيب سيفيك -ان شاء الله -لاني معجب بيها جدااقتباس:
ان اعتقد ان مكان سكنك و عملك لهم دور في اختيارك
يعني لو انت من سكان القاهرة يبقي زحام و خبط و رزع و مرستان كبير يبقي تتعلم كويس جدا قبل ما تركب زيرو
اما لو انت من محافظة تاني غير القاهرة الكبري و ما عندكش مشكلة مرور و زحام شديد يبقي الجديد احسن بكتير و هتتعلم بسرعة عليها
بصراحة الزيرو احسن بكتير في السواقة و المصاريف سواء استهلاك بنزين و صيانة يعني سنتين تلاته و انت مرتاح
لكن المستعمل دا موال تاني خالص هيكرهك في انك تشتري عربية اصلا من كتر العك بتاعه و خصوصا القديم جدا و الرخيص
انا كرهت المستعمل علشان شفت مشاكله الكتير مع اصحابي
استاذ iunknown
حضرتك شوفت ردود الاعضاء عليك.. على ضوء الردود دية .. اكيد حددت ان كتير من الاعضاء اهدافهم بالنسبة للعربية مختلفة عن اهدافك .
احد الاعضاء بيقولك .. هات مستعمل علشان لما تيجى تبيعها ماتخسرش ؟ ... مش كل الناس بتجيب عربية علاشان تبيعها بعد 5 سنين ...والدى معاه نفس العربية من سنه 1984 لحد الان ومبعهاش .. ودلوقتى بس بيفكر فى بيعها او يجيب واحدة تانية علاشان زهق من مشاوير الميكانيكيه ...................... وناس كتير كدة ؟
وبعدين الناس الى بتركب الاودى ولا الفولفو والفاروميو اعتقد سعر اعادة البيع مش فى دماغهم لانهم بيشترو عربية معمرة وبتعيش ! ... ولا كانو كلهم جابو ميرسيدس ... واكنت باقى التوكيلات قفلت .
بس طبعا كل واحد بيشوف الحاجة المناسبة ليه .. فى ناس بتحب تبدل عربيات وناس بتحب تحتفظ بالعربية .. وعلى اساس كدة بيحدد حيشترى اية .
الحاجة التانية لسة بردة فى ناس بتقول هات عربية مستعمله رخيصة علاشان لما تتخبط تصلحها ومتتكلفش والكلام دة .... غربية يا جماعة انا شايف كل البلد ما شاء الله راكبين وبى ام وميرسيدس ماركات كلها غالية وزيرو او على الاقل هيونداى وتويوتا ؟ ..... هية الناس دية مش من باقى البشر ؟؟؟؟ ولية كل الناس مش راكبين 128 ... انتا بتجيب العربية وبتسيب موضوع الخبطات دة للقدر .. وربنا يسترها معانا كلنا ... وبردة فى حاجة اسمها تأمين ماتنسوش الموضوع دة .
وللمره المليون ماحدش ينصح حد انة يتعلم على عربية رخيصة علاشان يخبطها ... والكلام دة .... حتى بتوع الميكروباص وولا التاكسجيه ... انتا ممكن تاخد بالك منهم وتفاديهم ((((( توقع خظأ الغير )))))
وربنا يوفققك فى اختيار عربيتك بأذن الله ... وعلى فكرة السيفك عربية هايله جدا جدا جدا بكل المقايس ........ وبتنافس عربيات فى فئة اعلى من فئتها كمان ورأى الشخصى انها احسن عربية يابانى نزلت مصر من فترة ( شكلا واداء و وسعر وكماليات و مساحة ) .
بس ابقى خلى بالك من ابعادها علاشان العربية كبيرة جدا .
اقتباس:
المشاركة الأصلية كتبت بواسطة fiatmomo
رد أكثر من كافي.
مش عارف يمكن انا نفسيا كنت بافتح الموضوع علشان رد زي ده. شكرا ليك :)
العفو .. لا شكر على واجب .. وانا تحت امرك فى اى استفسار .اقتباس:
المشاركة الأصلية كتبت بواسطة iunknown
بص حضرتك لو خايف تجيب زيرو عشان هتتخبط و انت لسة مش متمكن من السواقة .. فا ده ملهوش علاقة بالموضوع خالص
انا حضرتك والدي بيسوق من 25 سنة و كل فترة لازم خبطة
طبعا ربنا يكفينا شر الخبطات و لكن دي حاجة من الشارع المصري الغير منظم .. و لكن لو انت مركز و هادي و انت بتسوق هيبقي عادي
و انا رأيي ان تشتري عربية مخصوص تتعلم فيها مضيعة للفلوس و الوقت .. لأنك هتقعد تدور علي عربية و هتتعب في بيعها و اكيد هتخسر فيها حبة فلوس و كل ده عشان شهر هتاخد فيه عالعربية بعد كدة تحس انك بتسوق كويس !؟ طب و ليه
بس المهم تتمهل في بداية سواقتك و خلي دايما معاك حد هادي برده عشان ميتوركش يخرج معاك بالعربية في الاوقات الفاضية
انت يا عم فيات مومو .. ماتزقش طيب بتوجع ههههه
لاء انا بادي نصيحه .. انا مانا نفس النظام راكب بي ام 735 موديل 1979 معايا بقالها 12 سنه .. انما لو العربيه دي باسمي .. هاغير كل 5 سنين زي ما شرحت كده .. كش عيب الواحد يكسبلوا قرشين من جنب العربيات .. انا لما كنت لسه فاتح قطع غيار سيارات .. كنت باجيب عربيات و اجددها بالكامل .. تقعد معايا سنه ولا اتنين و ابيعها لما يطلعلي فيها سعر .. انما انا بصراحه شايف ان الواحد لو جاب زيرو .. هاتخسر هاتخسر .. و انا مابحبش الخساره .. فباحب اقول راي .. و اللي يناسبه الراي يعمله ;)
ولا انت ايه رايك .. (بس ماتزقش برضه .. يأما زق الناحيه التانيه ...هههههه )
اقتباس:
المشاركة الأصلية كتبت بواسطة Xpert
ايوا يا عم اكسبيرت :)
لا يا زعيم انا مقدرش ازقق دة انتا ال خبير (XPERT) ههههههههههههههه بس الحوار كلة انى فهمت الراجل عاوز اية ...واية الى محتاجة من العربية ....
انتا عارف انا مرة من حوالى 4 سنين تقريبا كنت مشترك فى منتدى متخصص فى السيارات ... وكان واحد بيسأل اجيب نوبيرا ولا فيرنا ... الفيرنا كانت لسة طالعة جديد فى الوقت دة .... المهم الفيرنا ساعتها كانت (( مخيشة )) فى دماغى جداااااااااا كموتور و ان حجمها من برة صغير .. حسيت ان دية الى تنفع مصر اجمالاً .... ونصحت الراجل بيها .... بس تخيل........ انا كنت غلطان .. ونصحت الراجل غلط للاسف ... لان النوبيرا كانت افضلة .. لانة كان متجوز وعندة اولاد ... وكان بيدور على عربية عائلية .... و الحقيقة ان النوبيرا عائلية اكتر من الفيرنا ... بس انا قولتلة الفيرنا ومن غير تردد علاشان انا كنت حابب الفيرنا ... ومفكرتش فى احتياجاتة هو . لانة هو كان بيقولى انا عاوز عربية عائلية فى المقام الاول .
هو طبعا الفيرنا مش وحشة وانا مش بقول انها ماتنفعش عائلية ... بس المنطق بيقول ان النوبيرا تناسبة اكتر لانها فعلا اوسع من الفيرنا .... بس فبعد كدة بقيت قبل مانصح حد ... بحط نفسة مكانة سواء كان شاب .. او راجل كبير عندة 60 سنة ...
حديك مثل تانى واحدة قريبتى وعندها اولاد ... نصحتها بالماتركس وقولتلها بدون تفكير هية دية المناسبة ليكى ... وفعلن كذا مرة بتشكرنى انى رشحتلها الماتركس لانها بتشيل الاولادها وبيسافرو بيها وبتلاقيلها ركنة فى الزحمة ... لكن عارف ... انا مستحيل افكر اشترى ماتركس ... لانها مش مناسبة ليا نهائىىىى ... ومش ححتاج مساحتها الكبيرة فى حاجة . انا بفضل الواجا والنيو اكسنت فى رينج بتاع التمينات دة ... بس ماقولتلهاش نهائى لا على الواجا ولا النيو اكسنت .. لانها مكانتش حتبقى مناسبة ليها .
لكن يا زعيم انا مش مختلف معاك .. ان فعلا انتا لو جيبت عربية زيرو وحتبيعها ... طبعا حتخسر فيها
.. واكيد لو جبت حاجة مستعملة وجيت تبيعها .... مش حتخصر قد ما حتخسر فى الزيرو ... انا نفسى فكرت فى الحوار بتاع انى اجيب عربيات واشدها وابيعها .. كتجارة يعنى .
:)
شد العربيات كتجاره مبقاش مربح .. او الربح اصبح محدود في اسعار معينه و عربيات معينه و مش زي الاول ..
انا ماتحيزتش لنوع معين من العربيات .. مع اني من الناس "ركيبه" البي ام .. و ماعرفش اسوق حاجه غيرها .. انما انا ماتكلمتش عن نوع معين .. انا قلتله مبداء .. و المبداء مش غلط .. ببساطه لانه هايجيب زيرو و سعرها هايقل هايقل لحد ما تلاقي نفسك في الباي باي .. و ساعتها هاتقول ياريت اللي جرا ماكان .. و عشان كده انت لو عاوز عربيه "جديده" و ماتخسرش فيها .. تجيب عربيه عمرها 5 سنين .. و لما تيجي تبيعها بعد 5 سنين من وقت امتلاكها .. هاتلاقيها ماسكه سعر برضه .. و حتي لو خسرت فيها مايبقاش تلتين تنمها .. ده غير ان حالتها هاتكون حلوه ..
اما بالنسبه للموديل .. فده كل واحد و رايه .. مقدرش اغصبك تشتري بي ام .. و ماقدرش اغصبك تشتري نوبيرا .. و عشان الفاس ماتقعش في الراس .. تلاقيني دايماُ بارشحلك انسب 5 عربيات .. تختار منهم اللي يعجبك ;)
جديد ولا مستعمل مشكلة محيرة ناس كتير جدااا
بس الرأي ان ممكن نجيب عربية مستعملة بس في حدود 4 أو 5 سنين وتكون حالة العربية كويسة هو رأي جيد
اخيراً واحد من مدرستي .. مدرسته اليوزد الجديد .. تهنئه من القلب للقلب .. انا فودافون هاهاهااقتباس:
المشاركة الأصلية كتبت بواسطة mone_eg
يشرفني أن أكون من تلاميذك :)اقتباس:
المشاركة الأصلية كتبت بواسطة Xpert