Egr valve

**AHMADALY1999** · 22-05-2010 01:55 PM

فائدة الEGR زى ما قد قيل من قبل انه عند اجتماع شروط معينه (درجة حرارة عالية - بس طبيعية - + RPM غالبا فوق 1800) ال ECU بيعطى اشارة لل EGR solenoid علشان يفتح مجرى الهواء الى بيشفط رق صمام ال EGR لفوق مع مساعدة ضغط غازات الشاكمان من تحت مكبس الصمام فيقوم الصمام يفتح للسماح بجزء من الغازات انها تدخل لغرف الاحتراق فطبعا كفائة الاحتراق حتقل مسببة انخفاض درجة حرارة الاحتراق و كل ده علشان تجنب توفر الظروف الملائمة لتكون اكسيد النيتروجين الضار بالبيئة و طبعا المنظومة دى على حساب كفائة الماتور يعنى الغائها حيحسن كفائة الماتور على حساب البيئة

اما بالنسبة لاول اكسيد الكربون فبيتم تحويله الى ثانى اكسيد الكربون من خلال مروره فى علبة البيئة بالشاكمان (المحول المحفز CATALYTIC CONVERTER) الى بتحتوى على مادة كميائية محفزة CATALYZER

فى برضه انظمة اخرى للحفاظ على البيئة زى ال PCV (فايظ بخار الزيت) و ايضا علبة الفحم الخاصة بامتصاص بخار البنزين و اعادة استخدامه charcoal canister

و الانظمة دى تندرج تحت مسمى EMISSION CONTROL (انظمة التحكم فى الانبعاثات)

**shankosi** · 22-05-2010 02:01 PM

كنا اتكلمنا في الموضوع ده قبل كده وأدي الموضوع القديم:

http://www.nilemotors.net/Nile/133959-egr.html

وبرضو ما وصلناش لحل، بس أنا ما زلت عند رأيي انه صمام مهم وإلغائه ليس إجراء سليم ولو عطلان ينظف او يتم تغييره، وإلغائه عن عمد يؤدي لرفع حرارة المحرك وإتلاف علبة البيئة وتلويث البيئة نفسها (يعني اذا كان حد يهمه البيئة).

وعموماً اللي عايز يلغيه مافيش مشاكل يلغيه. بس خلصت

**shankosi** · 22-05-2010 02:12 PM

المشاركة الأصلية كتبت بواسطة mmamdouh

كلام سليم ازاى؟؟... طيب اشرحلى انت ازاى غازات العادم (اللى اساسا محروقة) حتساعد على حرق اكاسيد الكربون (اللى هى محروقة اصلا) و بالتالى تقلل من تلوث البيئة؟؟؟

ازاى اساسا يبقى فيه نظام شغلتة انة يفصل جزء من العادم عشان يدخلة مرة تانية الى العادم و يسبب فرق فى نواتج العادم دة؟؟؟؟؟

mmamdouh

مش كل العادم اللي بيخرج من السيارات تام الاحتراق (يعني مش أساساً محروقة) وسيادتك عارف ان السيارة آله عديمة الكفاءه في استغلال الطاقة، ويكفي اننا نذكر على سبيل المثال انه في افضل انواع السيارات من حيث كفاءة استغلال الوقود سيكون في على الأقل 30% فاقد في شكل حرارة منبعثة وصوت مزعج لأجزاء الموتور، فما بالك بعربيات المحروسة.

وبعدين إنا مقتنع انه الخواجة مصممش حاجة أساسيه في العربيه بتاعته عشان ينفع حد ييجي يلغيها من غير ما يكون لها أثر على أداء المحرك او عمره الافتراضي - إلا إذا كان بقى عيب في التصميم مثلاً وفي الحاله دي بتقوم الشركات المصنعة المحترمة - زي ما عملت تويوتا مثلاً - باستدعاء السيارات بتاعتها لاصلاحها.

بصراحة مسمعتش عن شركة قامت باستدعاء سياراتها لإلغاء egr

ولك احترامي....

**otefa** · 22-05-2010 02:27 PM

هو وجوده في العربية في الاساس علشان تلوث البيئة ومواصفات التلوث الصارمة في دول كتير في العالم زي امريكا واوروبا من غيره هايبقي فيه صعوبة بالغة لاجتياز الاختبارات عند تجديد العربية عندهم.........ليه فوائد برضه في الحرق للموتور ولو بنسبة ضئيلة نسبيا........لو لاغيته وحسيت بتحسن يبقي في الاغلب كان بدأ يبوظ عندك لانه بيعتمد علي فاكيوم الموتور .........وشوفوا اللينك ده برضه.
ورأي أن ألغائه مش هايكون ليه تاثير محسوس بدرجة كبيرة.........الا علي زيادة التلوث.

What is an EGR Valve - What Does My EGR Valve Do - Where is My EGR Valve

[flash=http://en.wikipedia.org/wiki/Exhaust_gas_recirculation]WIDTH=650 HEIGHT=400[/flash]

**kemoelord** · 22-05-2010 02:27 PM

هو المحول المحفز بيبقى موجود في علبة الشكمان وبيحول اول اكسيد الكربون لثاني اكسيد الكربون , طيب كويس اني عرفت لاني كنت فاكره له علاقه بنوع البنزين الي بنحطه يعني مرتبط اكتر بالبنزين

**MMamdouh** · 23-05-2010 11:30 AM

المشاركة الأصلية كتبت بواسطة AHMADALY1999

فائدة الEGR زى ما قد قيل من قبل انه عند اجتماع شروط معينه (درجة حرارة عالية - بس طبيعية - + RPM غالبا فوق 1800) ال ECU بيعطى اشارة لل EGR solenoid علشان يفتح مجرى الهواء الى بيشفط رق صمام ال EGR لفوق مع مساعدة ضغط غازات الشاكمان من تحت مكبس الصمام فيقوم الصمام يفتح للسماح بجزء من الغازات انها تدخل لغرف الاحتراق فطبعا كفائة الاحتراق حتقل مسببة انخفاض درجة حرارة الاحتراق و كل ده علشان تجنب توفر الظروف الملائمة لتكون اكسيد النيتروجين الضار بالبيئة و طبعا المنظومة دى على حساب كفائة الماتور يعنى الغائها حيحسن كفائة الماتور على حساب البيئة

اما بالنسبة لاول اكسيد الكربون فبيتم تحويله الى ثانى اكسيد الكربون من خلال مروره فى علبة البيئة بالشاكمان (المحول المحفز CATALYTIC CONVERTER) الى بتحتوى على مادة كميائية محفزة CATALYZER

فى برضه انظمة اخرى للحفاظ على البيئة زى ال PCV (فايظ بخار الزيت) و ايضا علبة الفحم الخاصة بامتصاص بخار البنزين و اعادة استخدامه charcoal canister

و الانظمة دى تندرج تحت مسمى EMISSION CONTROL (انظمة التحكم فى الانبعاثات)

MMamdouh

**MMamdouh** · 23-05-2010 11:46 AM

المشاركة الأصلية كتبت بواسطة shankosi

مش كل العادم اللي بيخرج من السيارات تام الاحتراق (يعني مش أساساً محروقة)

كلام سليم... هل غازات العادم عنصر مساعد على الاحتراق؟؟؟ يعنى لو شكمان عربية جة جنب شوية بنزين حيولع نتيجة تلامس غازات العادم مع البنزين؟؟؟

الاحتراق يلزمة حدوث شرارة او وجود لهب مباشر... غير كدة مفيش احتراق حيحصل

و على فكرة نظام الاشعال فى الدايو بيعتمد على تكنولوجيا الwaist spark و فيها بيتم توليد شرارة من البوجية خلال شوط العادم لحرق اى بواقى وقود غير كاملة الاحتراق فى شحنة العادم... لاحظ ان "اعادة الحرق" تتطلب "شرارة اضافية" مش غازات عادم

وسيادتك عارف ان السيارة آله عديمة الكفاءه في استغلال الطاقة، ويكفي اننا نذكر على سبيل المثال انه في افضل انواع السيارات من حيث كفاءة استغلال الوقود سيكون في على الأقل 30% فاقد في شكل حرارة منبعثة وصوت مزعج لأجزاء الموتور، فما بالك بعربيات المحروسة.

كلام صحيح و معروف بس ايه علاقتة بالEGR؟؟

وبعدين إنا مقتنع انه الخواجة مصممش حاجة أساسيه في العربيه بتاعته عشان ينفع حد ييجي يلغيها من غير ما يكون لها أثر على أداء المحرك او عمره الافتراضي

الكلام دة مش دقيق لسببين:

اولا الجزء اللى بنتكلم علية هو جزء من منظومة الemissions control مش اداء المحرك بالتالى تاثير الغائة حيبقى له تاثير على معدل الغازات الملوثة للبيئة و فى الغالب حيزود اداء المحرك مش حيقللة زى بالضبط اللى بيحصل مع علبة البيئة و احب افكرك ان اللانوس الهاف اوبشن (اللى صممها نفس الخواجة) محطش فيها EGR ولا علبة بيئة... يعنى الخواجة نفسة عارف ان الEGR و علبة البيئة مش مكونات اساسية فى اداء العربية

الجزء التانى هو ان كتير من الاجزاء شغلتها مش رفع الاداء بتاع العربية انما الحفاظ على مستوى الراحة او الصوت للعربية زى كدة فلتر الهواء و المكملة... دول شغلتهم تخفيض صوت العربية و فى نفس الوقت بيكتموا العربية... اسال اى واحد مركب فلتر رياضى حيقولك ان العربية سحبها اتحسن و صوتها على... اذا الفلتر و المكملة بيقللوا الصوت و بيقللوا السحب كمان

- إلا إذا كان بقى عيب في التصميم مثلاً وفي الحاله دي بتقوم الشركات المصنعة المحترمة - زي ما عملت تويوتا مثلاً - باستدعاء السيارات بتاعتها لاصلاحها.

الrecalls بتحص لما يبقى فيه مكون من مكونات العربية لا يعمل بشكل صحيح او بيتلف قبل المتوقع بفترة كبيرة و فى الحالة دى بيعتبر ان دة عيب صناعة و بيتم تغيير القطعة المعيوبة بقطعة تصميمها مختلف لحل المشكلة... دة ملوش علاقة بالغاء الEGR

على فكرة الغاء الEGR يعتبر غير قانونى فى دول كتير جدا زية زى الغاء علبة البيئة و العربية حتسقط فى اختبار نسبة الملوثات و مش حتترخص... احنا فى مصر عشان معندناش قوانين لحماية البيئة فا بنقدر نعمل كدة عادى خالص

بصراحة مسمعتش عن شركة قامت باستدعاء سياراتها لإلغاء egr

مهو محدش قال ان الEGR بطبيعتة جزء معيوب... دة جزء من منظومة الحفاظ على البيئة... و لو ظهر فيه عيب فى اى ماركة محترمة حتلاقى علية recall بالفعل... فيه فرق كبير بين ان القطعة معيوبة و بين اننا بنلغيها لان معندناش قوانين بيئة

MMamdouh

**jojowork1** · 24-05-2010 03:57 AM

الموضوع ده شدني لاني كنت فعلا بشوف egr في عربيات وعربيات لا وكان شاددني اني اعرف ايه هو بس فعلا شكرا ان الواحد اتعرف علي المعلومات ديه كلها بس ليه كده كام سؤال هو لو احنا فصلا كابل السلونيد بتاع الايجر مش كده نبقي لغيناه ولا لازم يتشال
كمان انا شوف خرطوم نازل من المانفولد من جمب خرطوم egr ونازل علي سلونيد تاني والسلونيد ده مطلع خرطوم تاني نازل ناحيه مواسير البنزين اللي تحت العربيه انا مش عارف رايح فين بس اعتقد ان هو ده اللي اسمه كانيستر
طيب انا عاوز اعرف هو ايه الكانيستر ده وهل برده بيقلل كفائه المتور عشان العادم

الموضوع: Egr valve

LinkBack

أدوات الموضوع

عرض

-

-

-

-

المواضيع المتشابهه

محتاج thermo valve ستة بورت و a/c solenoid valve لهوندا سيفيك 92 كاربيراتير

expansion valve

EGR valve

blowoff valve

About pcv valve

الكلمات الدلالية لهذا الموضوع

المفضلات

المفضلات

ضوابط المشاركة